السؤال الاول :
استخرجت الفيزا عن طريق مكتب ريكسون بجده لكن من السفاره الفرنسيه !!
هل بها اشكال في السفر لاسبانيا ؟؟ لان المكتب قالي تقدر تلف فيها اوربا لمدة ست شهور
الجواب على هذا صعبة شوي ... تقريبا يعتمد على حظك أذا تمشي امورك ولا راح يعقدونها لك .
السؤال الثاني :
اقامتي بمدريد 4 ايام وبرشلونه 4 ايام .. كم المبلغ الي احتاجه لمصروف الجيب فقط ؟
ووش افضل عملة اصرفها من هنا دولار ولا يورو ؟ او استخدام بطاقة الفيزا
العملة هي يورو + بطاقات كرديت كارد
المصروف يعتمد على نشاطكم ... تقريبا بحدود 50 إلى 150 يورو للشخص

السلام وعليكم
من ناحية الفيزا لا تفكر ممكن تتجول بها في كل اوروبا
اما من ناحية العملة أفضل لك تأخذ اورو
واخيرا من جهة المصارف على حسب جيبك . كل رأس تعجبه طناطنه.

السلام عليكم
اخي الكريم احب ازيد بس من ناحية الفيزا على حسب مزاج موظف الجوازات وزي ماقال مشرفنا انت وحظك لانه قد تدخل في سين وجيم وفي النهايه بتمشي لكن بعد انتظار لان مالهم ممسك عليك بس ليه تجي على اسبانيا وانت فيزتك صادره من فرنسا ومن ذا الاسئله اللي تنرفز رغم ان كلهم اتحاد اوروبي
ومن ناحية صرف العمله طبعا يورو اكيد ونصيحتي لك لاتصرف واجد يعني خل معك في جيبك قيمة تاكسي واكل وشرب حق يومك يعني لاتتعدى 100 يورو كاش اما مشتريات وغيرها خلها بالكريدت كارد ازين لك واريح من انك تشيل كاش لانك تبي تلقى حتى التاكسي تحاسبه بالبطاقه

يعطيكم الف الف عافيه والله يسهل الامور ان شاء الله
تحياتي للجميع