عزيزي بخصوص الانتقال من المطار الى فندق امباير..فأنا بحثت ولا وجد الا طريقتين
1- التاكسي ويكلف حدود80رينقت.
2-الباص من الدور الارضي بالمطار الى محطة KLسنترال
ومن محطة KLسنترال الى الفندق بالتاكسي.
وهالطريقة تنفع للشخصين لان الواحد يركب الباص ب10 رينقت
والتاكسي باقل من 30 رينقت. يعني تكلفك لشخصين اقل من 50.
هالصورة تبين لك الطريقتين الازرق تاكسي والرمادي باص.

وياليت يفيدون الشباب اذا فيه طرق اخرى

بخصوص ياعزيزي الملاهي والجولة ..فأول شي خذ لك تاكسي من امباير الى صن واي المائية بحدود 15 رينقت . قبل 10 الصباح.وتمتع بالالعاب الى الظهر العصر حسب الكزاح واذا خرجت ياكثر التكاسي وتبي جولة او تبي الفندق براحتك.
وياليت تستخدم برنامج التاكسي اللي شرحة العدني. https://artravelers.com/p/re/914905
لنكاوي ياليتك تستاجر سيارة. اليوم بحدود 60 رينقت وفرفر لنكاوي براحتك والقيادة مي صعبة وانا جربت على مهلك والخريطو بالجوال توصلك وين ماتبي.
التاكسي افضل من السائق الخاص خذ تكسي واتفق معه يجيك كل يوم والشباب يمدحون وحده اسمها زهره اتوقع
تلاقيها بالتقارير.وترى سعر الجولة في لناكوي بحدود20 ارخص من كوالا.
بينانغ فندقك موقعه حلو وقدامه محطة باص 102 و103 ويمديك تفرفر بينانغ ببلاش بربع رينقت نصف واذا مره ب2رينقت.

فندقك في كوالامبور يقع بالقرب من محطة المانوريل التي اسمها (امبي) وهي الضبط عند فندق التايم سكوير.يعني خل تنقلاتك طولا فترة كوالا بالمانوريل وببلاش واحد رينقت او اثنين.تبي السوق الصيني تبي البرجين تبي المنارة تبي محطة الباصات وين ماتبي توديك.
اما كيف تنتقل من المطار الى الفندق حق كوالا فعندك طريقين بالتاكسي..او الباصات بالدور الارضي الى KLسنترال وومنها بالمانوريل الى محطة التايم سكوير (امبي)
يعني ممكن التكلفة تطلع عليك اذا انتم اثنين 25رينقت تقريبا.


جنتق يالغالي لها عدة طرق بالتاكسي ويكلفك حوالي 250رينقت فقط توصيل وينتظرك. او تركب من محطة امبي الى احد المحطتين(محطة بودرايا او من محطة klسنترال)
وتلاقي مكتب اسمه قو جنتق وتاخذ منه بكج للرحلة ببلاش تقريبا 45رينقت يوديك بالباص ويرجعك بالوقت اللي تبي وطالع نازل بالتلفريك ومع دخلولبعض الالعاب.
كاميرون انصحك بها وبشده وخصوصا عندك ايام زايدة في لنكاوي وبينانغ واسهل طريقة باص من بينانغ الى هناك تحجزه من الفندق او من محطة الباصات وخذ باص فخم. اتمنى اني افدتك

أخي الحبيب https://artravelers.com أشكرك بقدر السماء واعتذر على كثر الاسئلة سؤالي :. افضل طريق الى الكاميرون من بينانج ..؟؟ وهل بالباص او التاكسي افضل وماهي الاماكن التي يمكن زيارتها مع اختيار فندق هناك

1. طبعا هو طريق واحد من بينانغ الى كاميرون والفرق بيكون باص او تاكسي.

حبيبي ماسويت شي ونحن في الخدمه..اكون معاك صادق في رحلتي السابقة كنسلت كاميرون لان احدهم قال غبيه. وللاسف انا كنت الغبي يوم سمعت كلامه.
بكيت الدم عندما رايت التقارير وسمعت عنها من الاقارب والاحباب ولذلك بعد شهر ساكون هناك باذن الله.
والشاهد من هالكلام ابيك تكون على دراية باني مازرتها لكني سافيدك من خلال ماجمعته من معلومات من منتدنا العزيز.
طبعا التاكسي ميزته انه اسرع يعني اربع ساعات باذن الله وانت بكاميرون وايضا اخف في الميلان اثناء الخط.
ومن مزاياه انه يقف بك اثناء الطريق عند الشلال وينتظرك ويقف محل ماتبي. لكنه مكلف فقد يكلمك 400رينقت تقريبا وغير مريح بالجلوس ومابه نت وضيق.
الباص مقاعده اريح واذا كان فخم مثل اللي جربته سابقا النت معك شغال ب5رينقت طوال الخط.
ويمديك تتمدد تغير كرسيك تاخذ لفة بالدور الثاني وتطلق رجليك.
باصي السابق مافيه غيري وغير المدام الا اثنين وماخليت كرسي الا وانا ناط عليه ووناسه وتصوير بجميع الوضعيات وسلفي مع المدام
وتصوير من زوايا متعدده واعظم مزاياه رخيص وتوفير.يعني اتوقع ب35رينقت للفرد الى 70 حسب الباص ونوعه.
عيوب الباص الوقت اطول يمكن خمس ساعات ونصف ويقف بمحطة وحده في ايبوه اظن حق 10دقايق. يخضك باللفات اذا انت مومتعود.

طبعا هو طريق واحد من بينانغ الى كاميرون والفرق بيكون باص او تاكسي.

افضل اماكن كاميرون: من خلال التقارير وجدت اجماع على حديقة لافندر لاتفوتك وايضا مزارع الشاي وخاصه مقهو بوه.تذوق طعم الشاي الفاخر في مقهى بوه (كاميرون هايلاند) https://artravelers.com/p/re/889060
ووجدت نسبه مرتفعه مدحت الفراولة وهي عدة حدائق واجملها وحده عند فندق باينز سنشتري اتوقع والشلالات
وموسي فورست (غابة) واعلى قمه (جبل بيننق برينشانق ) والسوق الليلي اذا وافقت ايام ويكند وانت هناك.
واشياء عاديه وهي مناحل العسل والمشتل وحديقة الزهور وبعض مزارع الفروالة ومنازل وقرى السكان الاصليين.
الفنادق : بصراحة انا احترت واخترت فندق دي لي فرانس لعدة اسباب
موقعه كويس قريب من وسط المدينة واطلالاته جيده وسعره كان مغري واعطوني غرفة مطلة وافطار ووجبة عشاء
ومدحوه العيال من حيث الخدمه والنضافة. https://artravelers.com/p/re/464196
وعندك غيره فندق فندق الاكواتريال وهو اللي مغرزين عنده العالم لانه على اطلاله روعه ومرتفع بس ماراق لي لان الاغلب يقول الاثاث مدهوك الا اذا تغير.
واظن اسمه تغير حاليا الىمنتجع كاميرون هايلاندز وغالي شوي عشان كذا كنسلته.وايضا من الخيارات وكنت حاطه اسبير فندق سينتشري باينز كاميرون هايلاندز برا المدينة شوي لكن قريب من الزهور والمزارع الشاي.وعندك ليك هاوس و ذا سموك هاوس.
اقرا التقارير وشوف الاسعار وقرر. اتمنى لك التوفيق
https://artravelers.com/p/re/877955

الله يسعدك اخوي Kazami على المعلومات الرائعة استفدت منك كثيرا وألف شكر يالغالي قررت ازور كاميرون عشان هالتقارير الرائعه لو سمحت بخصوص الباصات اللي بالمطار هل هي متواجده طوال الوقت وماسم الشركة ومن اين اقوم بقص التذاكر
وبخصوص العودة من الفندق الى المطار في كل المدن هل يوجد وسيلة غير التكاسي ؟
بخصوص القطارات والباصات في كوالا لو حبيت اتوقف عند معلم سياحي مثلا ساعتين او ثلاث ووحبيت ارجع معاه ممكن ألاقي قطار أو باص
أيضا اين تقع محطة الباصات في بينانج ابي اركب الباص الفخم اللي ركبته ههه

كل مانريده هو الاجر ودعوات صادقات..ياعزيزي الباصات ماجربتها بنفسي لكن اغلب من جربها يقول الدور الارضي في المطار..تستخدم المصعد وتنزل تحت وحتجد باصات واجد.
وستجد كونترات ومكاتب قولهم klسنترال ويدلونك واتوقع انها مباشرة تمشي يعني تقريبا كل 10-15دقيقة.
وترى الامر بسيط انت اول شي اوقف في مكتب التاكسي وشوف التذكرة بكم ثم انزل تحت وشوف في باص وبكم.واذا عندك وقت ارجع لمكتب التكاسي واسال
موظف غير الاول عن السعر وكاسر وبتلاقي فرق.وبعدها قرر..
https://artravelers.com/p/re/432474

ألف شكر اخي الغالي
لو سمحتوا ارغب بزيارة هذه الاماكن خلال جلوسي في سلانجور لمدة ليلتين لكن احترت في ترتيبها
حيث سأصل فندق امباير الساعه 3 عصرا تقريبا بعد الانتهاء من الاجراءات
الالعاب المائيه((sunway lagoon theme park))
الماينز ويندر لاند ((the mines wonderland))
مدينة الاضواء ((i-city))
بوتراجايا (( putrajaya))
مجمع ((البراميد مول pyramid mall))
هل بالامكان زيارة هذه المناطق جميعها وهل بالامكان ترتيبها بناء على القرب من بعض
وشكرا مقدما

اخي الكريم انا توي راجع من ماليزيا ورحت من المطار الى فندق ون ورلد بسلانقور بتكلفة 164 رنقت !!
طبعا معاي شنط كثيرة وركبت فان وكان تعاملهم سئ الصينين اللي ماسكين تكسي المطار وكان مشغل العداد يوم وصلت للفندق طلع 121 رنقت يوم جيت احاسب ضغط له زر وفجأة صار المبلغ 164 قلت ليش قال لانه بعد الساعة 12 بالليل !!
ورجعت من الفندق بكوالا للمطار ب 75 رنقت فقط يعني شغل المطار مع الأسف سئ جدا واستغلال واخذت التكسي من الدور الارضي واللي بالدور العلوي قالو ا لي ب 199 رنقت !!