عبدالله الهاجري22
08-12-2022 - 03:25 pm
السلام عليكم ورحمة الله وبركاته
يارب انكم بصحة وسلامة
هاذا اول موضوع لي , واول روحه لي ل اوروبا
مانطول عليكم اخواني انا في مدينة الدمام ولقيت حجز على طيران الهولندية الى ميونيخ الي ناوي اروحلها ان شاء الله واعجبني عرضهم روحه رجعه 2600 ريال سعودي تقريبا والترانزيت مايتعدا ساعتين
طبعا الوقت في شهر نوفمبر لانها الاجازة الوحيده الي عندي ومدتها من غير الويكند 8 ايام
النية بعد توفيق الله عز وجل اني انزل ترانزيت في امستردام ومنها الى ميونيخ اجلس فيها يومين وبعدها اروح بالقطار الى زيميلاسي في النمسا بحكم انها قريبه ولا يخفى عليكم سحرها وجمالها
السؤال هنا هل الترانزيت نفسه في امستردام يحتاج فيزه؟
الحاجه الثانيه مثل ماقلت بجلس يومين في ميونخ وعقبه 5 ايام زيملاسي وبعدها يومين ثانيه في ميونخ ورجع للسعودية
علما اني متدرب في شركة الكهرباء ولست موظف رسمي لاكن استلم راتب وقدره من اكثر من سنة وسهل اجيب تعريف بالراتب بلانجليزي
ف وش الاجراءات بالنسبة للفيزا والترانزيت اذا كان يحتاج؟؟ اسف للاطالة الملله
تحياتي لكم
تأشيرة شنغن
تأشيرة اوروبا
الفيزة تحتاجها في وجهتك النهائية