عدد 6 أشخاص ومدة 20 يوم وميزانية 16000 ريال ... مبلغ غير كافي جدا جدا ..!!

أبن السعودية
صح لسانك يابن السعودية
انا اقول ماتكفي حتى نصف المدة يعني 16 الف ماتكفي 10 ايام
لازم تعيدوا النظر في الميزانية
شكراً استاذنا الكبير

المحتسب
صح بدنك مشرفنا الفاضل ...

نعم كافيه اذا كانت لشخص واحد او اثنين فقط اما سته والله اعلم كل واحد يبي يحط 6000 ريال ..
انا سافرت مرة 21 يوم وكنا ثلاثة ورحنا الجبل وجاكرتا وكلفت الواحد 7000 ريال من غير التذاكر ..

الميزانيه لازم تكون من 6000 ريال إلى 7000 ريال للشخص الواحد ومن غير التذاكر
لأن البلد ارتفعت فيه الأسعار في الفنادق والتماشي وغيره
ومثل ماقالوا خبرائنا الأفاضل لازم اعادة النظر في الميزانيه
تحياتي / بومنتظر

هلا أخوي
خبراءنا الأفاضل ماقصروا معاك والحقيقة الواحد يحتار كثيراً عند الرد
بعدهم فهم نخبه هذه البوابة وكذلك بقية الخبراء الأفاضل الذين لاغناء
عنهم وعن مشاركاتهم الراقية والفعاله والتي مازلنا نستنير ونستفيد منها
والذي يزدهر هذا المنتدى بمعرفاتهم ومشاركاتهم الرائعه
ومدة 20 يوم أخي الحبيب كثيرة جداً على جاكرتا والجبل فقط ..هناك مناطق آخرى
جميله ننصح بزيارتها مثل باندونق ولمبانق وبالي وغيرها فهذه مثل ماذكروا لك
خبراءنا الأفاضل لايكفيها هذا المبلغ .. أما اذا لديك درايه تامه بهذه المناطق ولا لديكم
الرغبة بزيارتها والقصد من السفر المكوث أكثر مده بالجبل للراحه والاستجمام
والروقان بين أحضان طبيعته بمثل أربعه ايام تقضونها بجاكرتا وبقية الايام بالجبل
ويكون مصروفكم اليومي صرف معقول دون حسبه الهدايا والمشتريات الخاصه مثل
شرائح الجوال وغيرها من المصروفات الشخصيه وكذلك شراء جميع أحتياجاتكم
من هنا قبل السفر مثل الرز والسكر والشاي وجميع المعلبات التي تحتاجونها للفطور
حيث أن هذه تحتاج لحسبه آخرى
واذا مالديكم مشكله بالسكن بشقه واحد بجاكرتا بمثل شقق كونينغان سويت وهذه تحتاج
الحجز المسبق لها حتى تضمنوا شقه لكم فيها لكي لا تضطروا للبحث عن شقتين بفنادق آخرى
فهي تكفي لخمسة أشخاص حيث أن الغرفة الرئيسية كبيرة جداً والسرير كبير يتسع لشخصان
والغرفة الثانية بسريرين منفصله والثالثه بسرير واحد والشخص السادس يطلب له سرير أضافي
مع دفع مبلغ أضافي بسيط جداً وكذلك السكن بفيلا واحده بالجبل تكفيكم جميعاً ويكون كل شخصان
بغرفة واحده بسرايرمنفصله لكل شخص سرير خاص فيه وهذه تتوفر بجميع فلل شكرو وسعر الفيلا
بحدود 250 ريال لليوم الواحد مثل ماهو موضح بهذه الصوره

اذا تضمن لي العمل بما ذكرته لك وتضمن لي عدم تكرار زيارة ماتم زيارته من الفعاليات
بجاكرتا والجبل والبعد التام عن وجبات المطاعم الا بأيام قليله جداً أضمن لك بمشئة الله تعالى
كفاية المبلغ مع أحترامي الشديد لخبراءانا الكرام مع ضرورة وجود مبلغ أحتياطي لكم أقله 2000 ريال
واذا النيه لديكم توزيع الايام بالتساوي مابين جاكرتا والجبل فرأيي مع رأي خبراءنا الأفاضل

الكوكب الطائر فعلا انته مميز حتى في طرحك في اجابتك شخصياً سكنت في فندق بشارع ردان صالح وسمعته مش ولا بد اسمه فندق ميجا شكيني مكانه بس حكايه لانو المطاعم العربيه كلها تحت مثل مطعم الباشا اللذيذ والجزيره الفخم ومطعم اميره الذي لا انصح فيه ابدا وسكنت في غرفه نظيفه وحمام ( اعزكم الله ) بملغ 140 ريال في الليله سعر ولا في الخبال بصراحه وزي ماقلت المهم البعد عن الخربطه ( تصرفات بعض الشباب الخاطئه) تغنيك عن مصروفات لا حصر لها وسكنت اسبوع في هذا الفندق اللي موقع جدا مميز لانو يمثل نهاية شارع رادن صالح ويقابل ثلاثه شوارع رئيسيه بداخل مطنقة شكيني حتى المسجد ماتشيل همه في هاذي المنطقة الرائعه بوجود جامع شكيني اللي مقابل الفندق وشكرا لك يااخوي الكوكب الطائر على توضحيك المميز مثلك وتشرفني جدا صداقتك اخوك عاشق الشلالات ...

أخي العزيز
أنا مع أخونا الكوكب الطائر اذا التزمت بنصائحه ممكن.
أنا شخصيا سافرت 15 يوم مع زوجتي والأطفال (4) صرفت 15000 ريال. جاكرتا وباندونج والجبل سكن جيد جدا مع السواق والأكل.

ابن السعوديه
المحتسب
جاكرتاوي999
بومنتظر
الكوكب الطائر
عاشق الشلالات
alnamela
بصراحه كفيتو ووفيتو
واشكركم على مروركم وتوجيهكم لي
لكن لوصارت الميزانيه 20000 الف والمده 16يوم
هل هذا كافي ..؟