السلام عليكم
انا ان شااء الله ناوي اروح سيلان بس متوهق بترتيب المناطق*
المناطق بتكون نقمبو. كاندي نوراليا بنتوته واداوا وكولمبو ودمبولا
نقمبو فندق ذا بيتش
كلومبو *اي فندق بس يكون حلو من ذوقكم
دمبولا شاليهات heritance kandalama
كاندي شاليهاتamaya hills
واداوا شاليهاتserene pavillion
نوراليا governors chalets nuwara eliya
بنتوته saman villas
وعددنا 4 اشخاص رجالين وحريمهم*
ياليت تفيدوني بترتيب المناطق نبدا وين وننتهي علي وين
واي فندق تختارولي ب كولمبو
والرحله بتكون 13يوم ان شاء الله
واي ملاحظات ياليت تفيدوني
اشكركم والله يحرم عليكم ووالديكم النار
امين. امين امين

جذي اعتقد اوضح اسف علي الخربطه توني جديد بالمنتديات

اقترح عليك ترتيب المدن كالآتي :
نوقمبو
ثم دامبولا
ثم كاندي
ثم نوراليا
ثم بنتوتة
ثم كولمبو
وفنادق كولمبو بقترح أكثر من فندق وشاهدي الصور في موقع أقودا أو بكنق وشاهد آراء النزلاء واختار المناسب لك
(( فندق سينمون - هلتون - كاسا ))

نفس جدول بو نعوم
نوقومبو ليله
دمبولا ليلتين
كاندي 4 ليالي
نوراليا 3 ليالي
بنتوته 3 ليالي
كولومبو ليله
والفنادق تختارها على حسب الميزانيه
ارجوا تحديدها

بيض الله وجيهكم
عساكم ذخر اي والله بونعوم تقصد لي فندق
سينمون لقيت 2 اي واحد فيهم
Cinnamon Lakeside
Cinnamon Grand
زين وشاليه الي في واداوا ليش ماذكرتو هل منطقه
ذكرتوهم كلهم الي هل منطقه
وعطوني رايكم بصراحه بالشاليهات والفنادق الي اخترتها
والله يبيض وجيهكم
(اخوكم) اغلا من الغلا

اخوي بو نعوم قصده عن سينامون جراند وكل الناس يمدحونه حيل
وادوا سامع فيها بس ما اعرف عنها شيء
الفنادق الي اخترتها انت اعرف منها بس
ذا بيتش بنوقومبو - امايا هيلز بكاندي - شاليهات الجوفيرنورز بنوراليا
وهم من احسن الفنادق بهالمناطق وخيارك ممتاز
اما الباقين ما اعرفهم
والفنادق الباقين اذا ما تعرف عنهم شيء فانصحك بالاتي :
امايا ليك بدمبولا - تاج اكزوتيكا ببنتوته - سينامون جراند او هيلتون او قول فيس بكولومبو
واي استفسار حاضرين

لاهنتو يا اخواني بو نعوم وابن فطفوطه
ذخر طول الله اعماركم انتم ومن تحبون خلاص راح تكون الرحله بهل شكل ان شاء الله
ليله (1)نقمبو the beach
ليلتين(2) دمبولا شاليهات heritance kandalama
اربع ليالي (4)كاندي شاليهاتamaya hills
ثلاث ليالي(3)نوراليا governors chalets nuwara eliya
ثلاث ليالي(3) بنتوته saman villas
ليله (1)كلومبوCinnamon Grand
4 اشخاص كل شخصين بغرفه
من تاريخ 29/6 الي تاريخ 12/7
مع سايق وسياره كبيره تكفي ال 4 اشخاص ويتكلم عربي
ولكم مني اجمل دعوه
بونعوم وابن فطفوطه لاتخلوني سنعوني شرايكم فيه البرنامج
ناطر ردكم بأسرع وقت
الله يجزاكم خير

جدول جميل جدا
بس ملاحظه صغيرونه
خل يوم واحد من ايام امايا هيلز بفندق هوناس فولز بكاندي
يعني بعد ما ترد من دمبولا تطلع سيده على هوناس فولز بكاندي وبعدين تروح لامايا هيلز 3 ايام
وبس

ولايهمك عدلنا كرمال عيونك الفسفوريه
تخيل عاد لونهم جذي
راح يكون جدول الرحله
ليله (1)نقمبو the beach*

• ليلتين(2) دمبولا شاليهات heritance kandalama

ليله(1) كاندي *Honas Falls
ثلاث ليالي (3)كاندي شاليهاتamaya hills

• ثلاث ليالي(3)نوراليا governors chalets nuwara eliya
• ثلاث ليالي(3) بنتوته saman villas

ليله (1)كلومبوCinnamon Grand
عطونا رايكم الاخير
ابو فطفوطه وبو نعوم لمساتكم الاخيره الله يخليكم
اربع اشخاص كل ثنين بغرفه
وسايق يتكلم عربي سياره كبيره مانبي الضيق
اتوقعون بجم السعر مع الضرائب وكل شي
بارك الله فيكم

الله احسن عيون اصير اجنن ههه
الجدول ممتاز جدا
بس انت الفنادق الباقيه عارفهم عدل يعني ؟
والسعر ما اقدر افتي فيه لان المكاتب والفنادق كل فتره ولهم سعر وكل ما عليك راسل كل المكاتب الموثوقه وقارن بينهم