زهرة الاحساء
هلا وغلا طال عمرج ووجهج أبيض عند بوالشباب ان شاءالله
شوفي طال عمرج ..
اليورو ستار يطلع من محطة واترلوو في داخل لندن إلى باريس ..
وتقدرين اتروحين لمحطة واترلوو بطريقتين ..أما بالتاكسي أو بالقطار ..
التاكسي بوديج المحطه على طول ..
القطار بيطلع من هيثرو إلى محطة بادنغتون ..وبعدها اتغيرين القطار وتاخذين قطار ثاني من بادنغتون إلى واترلوو ..
القطار أرخص وأسرع من التاكسي وهذا الفرق بينهم ..
وأي خدمه أحنا في الخدمه
أما ادنبره فأسمحيلي ماأعرف فيها للأسف :112:

السلام عليكم اختي زهرة الاحساء
اعتقد اختي انك طرحتي سؤالك مرتين ضمن بوابة لندن ولقيتي الاجابه في الحالتين. ياليت يا اختي لو تقتصرين سؤالك على موضوع واحد بس وصدقيني راح تلقين الاجابه ان شاء الله. انتي نزلتي ثلاث مواضيع لنفس السؤال.
ان شاء الله نحاول جاهدين لارضائكم ومساعدتكم.

هلا والله
ارجو اني ما أكون ثقلت عليكم .......
عندي بعض الاسئله اتمنى منكم الاجابه عليها :
1- ما هر سعر التاكسي – القطار ؟
2- كم تستغرق الرحله بالتاكسي و القطارالى لندن ؟
3- تذاكر القطار هل هي متاحه أم يلزمنا الحجز؟
4- ما هي اوقات تحرك القطار؟
شكرا للجميع

زهرة الاحساء
هلا فيك أختي زهرة الاحساء
ما فيه تثقيل ولا شي أسألي قد ما تقدرين
وراح نجاوبك باللي يقدرنا الله عليه
إجابات أسألتك كالتالي:
1- سعر التاكسي من مطار هيثرو إلى لندن يتراوح من 45 باوند إلى 60 باوند
والقطار هيثرو إكسبريس من هيثرو إلى محطة بادنجتون(قريبة للأدجواررود) 15 باوند
2- تستغرق الرحلة بالتاكسي حوالي من نصف ساعة إلى ساعة
وذلك حسب زحمة الطريق ، وبالهيثرو إكبسريس 15 دقيقة
3- تذاكر القطار غالباً متاحة ولا يلزمكم حجز مسبق
4- أوقات تحرك القطار تقريباً كل 20 دقيقة هناك قطار وذلك
من الساعة 6 صباحاً إلى الساعة 11 مساءاً
أتمنى أكون أفدتك بشي يرضيك
وإذا كان لديك أي سؤال أو إستفسار فأنا جاهز وبالخدمة
تحياتي

شكرا لك أخي ستار
أشهد انك كفيت ووفيت
الله يعطيك العافيه
وهذا ما ننتظره منك ومن أعضاء هذا المنتدى الغالي