بكرتونه
16-02-2022 - 05:49 pm
الله يسعد اوقاتكم بكل خير .. يالاخوان يالخوات يااهل
الخبره جايكم مقلع ومطفي النور قلت مالي الا
هالصرح الشامخ لاني خابره منذو مبطي بس اني
منقطع عنه فتره بس يوم جاء اللزوم قلت مالي الا
اكاالربع هم اللي بيساعدوني المهم مالكم بالطويله
انا ان شاء الله عندي الزواج عما قريب يعني الرحله
بتكون على منتصف شهر 8 هجري وبيني وبينكم انا
ابكذب على ام الشباب لامنها جت ذيك الليله وبقولها
تراي حق سفريات ماغير في اوروبا انا وعشان كذا
انا حاجزلك على سويسرا ( وانا وربي ماادري من
وين هي هابه ) لكن عاد تكفون لا تورطوني
وتخلوني اتوهق وينقلب عفشي قدامها ثم والله ان
يطيح وجهي انا الحين جايكم ويقالي مضبط لي
برنامج لسفره ان شاء الله . طبعآ بعد الغش من
بعض مشاركات الاخوان اللي هنا وحاولت انسخ
والصق من مشاركه الى مشاركه طلعت بترتيب
المدن >>(لا والله اللي ماحولك صبح ) وهي
كالتالي :
منترو او لوزان
إنترلاكن
زرمات
لوقانو
جنيف
((طبعآ الوصول على جنيف والمغادره منها ))
اولآ :هل الترتيب اولآ سليم ؟؟ وابي توزيع الايام عليهم كيف يكون ؟؟ علمآ بااني ابحث عن الطبيعه والمناظر الخلابه .
ثانيآ : ابي الفنادق المناسبه الا قتصاديه لكل مدينه (ادري انه فيه تعب للي بيحدد لي بس وش اسوي وربي اني بكرتوني )
ثالثآ : وش افضل وسيله لتنقل بينهم ( وهل لو اخذت سياره هي (وسواقها) بيكون مكلف ؟؟؟)
رابعآ : هل ميزانيه 20,000 ريال كافيه للرحله الميمونه ؟؟ علمآ انه مافيه شوبنق بالمره >>> والله الجفاف
عندي اسئله كثيره بس ماابي ابهذل اللي بيردو علي >>> ياربي عساهم يردو علي
لأني بخلي الاسئله الباقيه على شوي شوي حتى انا مداي اركز
ملاحظه : : ترى الردود باانسخها واوديها مكتب سياحه و بقوله احجزلي زي كذا يعني الاعتماد على الله ثم عليكم >>> واضح على اني حق سفريات
وبس هاذي سالفتي الله لايهينكم ويحفظكم
جنيف - زيرمات - انترلاكن - رست - جنيف
لوغانو مو لازم لانها بعيده عن المخطط ولو بتروح لها من انترلاكن المسافه ذهاب وعوده 400 كلم يعني بعيده جدا
من جنيف تزور لوزان ومونترو لانها قريبه جدا
السياره مع السواق غاليه جدا وانت تبغى توفر
ما قلت لنا كم مده السفر عشان نقسمها
وانا افضل يكون معاك سياره اريح لكم واكثر خصوصيه