وردة كريستال
18-04-2022 - 03:39 am
السلام عليكم ورحمة الله وبركاته ..
انا من المتابعين لمواضيعك ولكن بصمت ويوم تكلمت حبيت اقولك انك رائعة الله يحفظك ..
الصراحة اني ناويه اروح مع العايله لتركيا ان شا الله وناوين نزور اوزنجول وكنت حاطة في بالي فندق انان لانهم قالوا انه ارقى موتيل تقريبا هناك لكن شفت لك رد وانه فيه احسن منه ..فياليت تقولين لي اسماءهم ..
ثانيا لما ابغى احجز لانان كيف بالنت والا بالتلفون ؟؟؟
ثالثا .في اسطنبول اعجبني فندق وكنت ناويه عليه بس قريت انه فيه صوره شينه باللكسان اللي يغطي الجمام وفعلا لقيتها مخزيه واسم الفندق سلطانيا ؟؟؟فما ادري هل كل الغرف نفس الشي
واتحمليني ولكي مني دعوة في ظهر الغيب
نورتي المنتدى ... وشكرا لكلماتك الرقيقه ,,,
عزيزتي بالنسبة لفندق انان ... صحيح انو غرفه نظيفه وجميله لكن اللي ماعجبني فيه شيئين :
اولا : انه بوسط الزحمه يعني مكانه مو هادئ ابدا وماتقدرين تطلعين بالبلكون الا بكامل عباتك
ثانيا : ان نظامه غرف وليس اكواخ مستقله ( بنقالو )
واذا كنتوا حابين تحجزون فيه الافضل انكم تاخذون رقمه من موقعهم وتكلمونهم مباشره .. واعتقد عندهم شخص يتكلم انجلش ...
اما البنسيونات اللي قلت انها افضل منه .. فللاسف ماعندهم مواقع عالنت ( على حد علمي ) والمنتدى مثل منتي عارفه يمنع وضع الارقام .. والرسائل الخاصه غير مفعله عندك
واذا تبين نصيحتي احجزوا بأي مكان مثل موتيل ( اكيوز قارديشلر ) او ( انان ) او ( ايقون ) اذا حابين لكن لمدة يوم .. وبعدها اطلعوا وخذوا فره على رجلينكم وشوفوا بعينكم ... فيه بنسيونات جدا نظيفه .. تتكون من غرف نوم ( على عدد الاشخاص ) وصالة ومطبخ ودورتين مياه وانتي بكرامه ..
واذا عجبككم شي انتقلوا له .. او مددوا بنفس موتيلكم
عندك مجموعة الاخ يشار ( روحي لمكتبه اسمه شيراه ) ( تلاقينه بجانب المطعم اللي عند المسجد الخشبي ) وهو يطلعكم على اكواخه الجديده ..
او بتلاقين بالشارع اللي خلف شارع انان ( يعني بظهره ) مجموعة بنسيونات منها بنسيونات ( صويلو ) ايضا مرتبه ونظيفه وموقعها جدا رائع هادئ وفيه خصوصيه واسعارهم حلوه ...
وعلى نفس شارع بنسيونات صويلو فيه ايضا بنسيونات ثانيه لسى جديده ومرتبه ومواقعها حلوه وكبيره ونظيفه جدا ...بالنسبة للفندق اللي بأسطنبول .. قريت احد الاعضاء كاتب عنه هالكلام ... لكن فيه ناس قالوا ان مو كل الغرف فيها مثل هالمناظر لانهم جربوه وماشافوا شي ... عموما .. اذا انتي حابه الفندق ومرتاحة له وسعره حلو احجزي فيه واذا كان فيه بغرفتكم مثل هالصوره غطيها بأي ورقه او شيلي الصوره وحطيها تحت السرير ..
حنا حصل لنا هالشي بأحد فنادق انطاليا وغطينا الصوره بورقه كبيره وعادي جدا ولما طلعنا شلناها ..اشكرك عزيزتي على ثقتك فيني ... ويسعدني الرد على جميع استفساراتك وبأي وقت
واتمنى لكم رحلة موفقة وممتعه ,,,