وعليكم السلام ورحمة الله وبركاته ..
حياك الله أخي الكريم .. مدة أيامك الفعلية بدون يومي الذهاب والعودة وحسب تواريخك هي 11 يوم ..
التوزيع من رأيي :
جاكرتا 1 >> بالي 4 >> الجبل 5 >> جاكرتا 1 .. ويمكنك أن تجعل الجبل بعد جاكرتا وبعدها تعود لمطار جاكرتا
للذهاب لبالي وبعدها تعود من بالي لجاكرتا لقضاء يومك الأخير والاستعداد للعودة ..
خيارات السكن كثيرة وهذا الرابط يفيدك إن شاء الله ..
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com

حنا ثلاثة اشخاص سفرتنا من 16 يناير الى 26 يناير وابشرك قصينا تذاكرنا الدولية والداخلية وحجزنا الفنادق وخلصنا
نصيحة خلص التذاكر وحجوزات السكن من بدري ، لانك كل ماتتأخر ترتفع الاسعار
الله يسعدكم ياخيي وعساكم تقضون اجازتكم زي ماتتمنون واكثر .

انصحك اول ماتاصل جاكرتا من المطار على الجبل واجلسوا فيها 5 ايام ثم انزلوا الى باندونق نص يوم بس عشان تطلع من مطارها الى بالي ، لان التذاكر من (باندونق الى بالي) ارخص من (جاكرتا الى بالي) ، وعشان تتمشى بشارع الجينز ههه
واطلع لبالي 5 ايام ومنها ترجع الى جاكرتا اخر يوم تريحون وتتعشون في مطعم الجزيرة ، وبكرا ترجعون بالسلامة الى السعودية ((:

السلام عليكم ورحمة الله وبركاتة
اول شي أشكركم اخواني على الرد ولكن انا حجزت اول يومين في جاكرتا فندق ميركيور جاكرتا كوتا بس وبعدين قلنا بنحجز بنفسنا علشان اول يومين نرتاح من عناء السفرطيب يااخوان ممكن تقولوي احسن فندق في بالي وكم سعرة وبكم الطيران الداخلي
واشكركم على تفاعلكم معي أخوكم ابو مشعل

بالنسبة للسكن في بالي ، اذا انتم تحبون الهدوء شوفوا اي منطقة غير كوتا . اما اذا تحبون الصجه واللجه منطقة كوتا حلوة وفيها كل مايرضي الاذواق . والسكن متوفر بشكل كبير طالما انتم اثنين بس . عندك الهوليدي ان بكوتا وعندك ميركور ورامادا هذولي الفنادق راقيات وعلى شاطي كوتا واسعارهم مناسبة ،، وتلقى خيارات كثيرة غيرهم وارخص منهم .
بالنسبة للتذاكر الداخلية . بتكلفكم تقريباً من 400 الى 600 للشخص الواحد رايح راجع

طيب اخوي احجز التذاكر من النت ولا لما اوصل هناك احسن

طبعا في ناس بتقولك من النت وفي ناس تقولك من هناك ، لكل شخص طريقته المفضلة .
انا بصراحة افضل النت . مو بس عشانه ارخص ، ممكن تلقى ارخص من هناك . بس لما اسافر ابي استفيد من كل ساعة ، مابي اقروش نفسي بالصف والحجز وشيلة الهم ، يعني لما اروح اكون مجهز كل شي ((:
تحياتي

مشكور حبيبي الله يستر عليك انت الوحيد اللي عبرتني

شدعوى حبيبي ، نخدمك باللي نقدر عليه ((: