1. العام الماضي رحت تركيا مرتين المرة الاولى بالطيارة


2. وفي المرة الثانية كانت بالسيارة

اليوم ودنا استراحه نستريح فيها ونكتب فيها بعض المواقف الطريفه الي صارت لكم في تركيا وراح ابد انا وبسم الله

العام الماضي رحت تركيا مرتين المرة الاولى بالطيارة

وفي المرة الثانية كانت بالسيارة

المهم من يوم طلعنا من السعوديه وانا طابع كل ما في بوابة تركيا وادوشت الشباب عن منتدى المسافرون العرب في بوابة تركيا واقولهم حتى فيه بوابة يعلموك الكلام التركي وتذكرو يعلموك الكلام التركي لان في اخر القصه موقف عن ذلك
المهم دخلنا تركيا من عند منفذ كسب ومشينا من بعد العصر الى الساعة عشر بدون توقف المهم الساعة عشر شفت محطة حول مدينة جوكسن قلت ياشباب خلونا نصلي المغرب والعشا المهم وقفت وانا اعبي بنزين واحاسب ب 800 ريال المهم الشباب الي معي نزلو يتوضو عشان نصلي المهم جو الشباب وشافو العامل يغسل السيارة وانا حتى الان ما قلتلهم شي ودخلنا المسجد وقبل ما يكبرالامام قالي واحد من الشباب ليش تغسل السيارة وحنا على طريق وتخسرنا قلت له الغسيل بلاش قالي ليش قلت عندهم نظام توضي يغسلو لك السيارة مجانا ( بدل ما اقول تعبي بنزين يغسلو لك السيارة مجانا قلت توضي ) قال كيف قلت توضي يغسلو لك السيارة مجانا قال انت صادق قلت ايه والله قال على كذا كل ما شفت محطه خلنا نوضي المهم والشباب يفرطو ضحك المهم وانا اقول وش دخل الوضوء بغسيل السيارة ( طبعا الكلام هذا كله وحنا واقفين للصلاة ) المهم قلت وش دخل الوضوء بغسيل السيارة قالو انت تقول ذلك وانا اصحى و اقولهم لا يا شباب قصدي تعبي بنزين ومن زود الماء والفسقه يغسلون لك السيارة مجانا
المهم الانحنا واقفين للصلاة وامسكت الضحكه وابليس الملعون وده يشغلنا عن الصلاة كل ما كبر الامام واحد من الشباب فرط ضحك على الموقف المهم تعوذنا من ابليس وصلينا ويوم طلعنا حصلت اثنين شيبان جالسين قدام البقاله مريت من قدامهم وسلمت عليهم وانا اسمع واحد يقول كلام قوي مثل الزلزال وانا التفت واثري الشايب يهرجني المهم كرر كلامه والشباب الي معي يوقفون ويجون يحسبون فيه مشكله قالو وش فيه قلت يقول وين رايحين قالو قله طربزون وازنقول واسمع الشايب الي جنبه يقول او تربزون ويرطن بالتركي قالو الشباب وش يقصد قلت يقولكم تربزون بعيده وانتم وش تبون بها المهم و الشايب الي جنبه يقول بالتركي كلام ثاني قالو الشباب وش يقصد قلت يقول انتم من وين قالو قله حنا من المدينه المنوره واسمع الشايب يقول اللهم صلي على النبي والمهم الي جنبه يقول كلام قلت يقولكم تفضلو اشربو شاي قالو قله شكرا مستعجلين وانا اقوله تشكرات المهم ركبنا السيارة وانا بسوق وواحد من الشباب يقول ما شاء الله في شهر واحد تعلمت اللغة التركيه والثاني يقول شكله من المنتدى والثالث يقول ماشاء الله تفهم تركي خلاص اكبر مشكله امامنا انحلت طالما تفهم تركي وانا التفت يمهم واقول وفرط ضحك والشباب يقولو وش فيه قلت لهم ومين الي قالكم اني اتكلم تركي قالو وشلون فهمت عليهم قالت والله ما فهمت كلمه وحده قالو وشلون ترد وترجم قلت بالذكاء وكل الكلام توقع وتخمين وانا ما اعرف انجليزي ابي اعرف تركي بس الدعوى خمن وطقها والحقها ويا اخوان هذولا شيبان فاضيه وجالسين بهذا المكان زي كل شيبانا بالسعودية وهذي دايم اسئلت الشيبان وين رايح وانت من وين اوعندنا بالسعوديه ( انت وش تعود) واخر شي تفضل القهوه اوالشاي
وسلامتكم
والان جاء دورك عطني موقف طريف صارلك في تركيا