اكيد ممكن تستخدم الرير لكن نصيحه اذا معك حقائب يفضل اخذ تاكسي
لان البوابات تقفل على الشنط وتتوهق حزتها
وفوق هذا اكيد في مسافه بين المحطه والسكن انت وين بالظبط سكنك
الاسم بالانجليزي ليسهل الوصول الى اقرب محطه لك

شوف حبيبي..
افضل انك تاخذ باص الى منطقه الاوبرا راح يكلفك 10 يورو تقريبا...
وبعدين انزل عند الاوبرا وخذ المترو الي عند جاليريا لافييت.. وخذ لك تذكره بواحد يورو و70 سنت وبعدها خذ الخط الاخضر رقم 9 ورح الين محطه فرانكلين روز فيلت... وبدل الى الخط الاصفر رقم 1 يوصلك الى اللاديفانس.. هذي ارخص شي..
او خذ لك تاكسي من 35 الى 50 يورو تقريبا التكلفه
توصل بالسلامه

في المترو ذا معك شنط فيه باب خاص للمعاقين والي معهم اطفال ومعهم شنط..
وخلك ذهين اول مره..
اذا شريت التكت لا تمرره خلهم يفتحون لك الباب واحتفظ بالتكت عشان تستخدمه مره ثانيه

صباح الخير
شوف هالرد بالصور
انا مشكلتي ما اعرف بالصور اسويها

مرحبا ..
بما ان لدي نفس الاستفسار فقلت ما يحتاج احط موضوع جديد..
انا ان شاء الله رايحة بكرة عا باريس وهذه اول مرة لي و راح اسكن في
http://www.marriott.com/hotels/travel/parst-paris-marriott-rive-gauche-hotel-and-conference-center/
سؤالي لو كنت ابغى اروح من المطار الى الفندق بالباص هل الباصات بتكون متواجدة جنب المطار و هل في وقت معين لانطلاق الباصات مع العلم ان احنا شخصين وكل واحد عنده شنطة سفر كبيرة و راح نوصل صباحا عالساعة 6..
طيب في رد التميمي الله يعطيه العافية قال بعد الباص توصل لمنطقة الاوبرا هل هذه المنطقةبتكون قريبة للفندق و ايش اقرب محطة مترو للفندق اللي بسكن فيه؟؟
سؤال اخير.. هل قيمة الباص من المطار الى الفندق لشخصين = قيمة التاكسي أو انه بتطلع ارخص بكثير
شكرا مقدما..

اقرب محطه رئيسيه عندكMontparnasseوالاقرب لفندقك محطهSaint-Jacques وGlacière علي الخط الاخضر رقم 6 وفندقك يقع في الدائره 14
في خطوط مباشره من محطتكم الي شارل ديغول ايتوال وقريب منك رير يطلع Denfert-Rochereau

علي روحتك للباص حسب كلام ابو عبدالله اطلع علي الرير b طبعا راح تركب الرير A وتغير في محطه شاتليت ليس هايلس

شكرا جزيلا اخ فيصل ماقصرت
بس هل لو رحت في التاكسي بيطلع لي نفس سعر الرير لشخصين او لا؟
تقدر تشرح لي بالتفصيل ايش الاشياء اللي اركبها من المطار الى الفندق يعني كم محطة بننزل فيها لاني زي ما قلت لك شخصين و عندنا شنط كبيرة..
بالنسبة للفندق هل فيه مكان قريب منه نقدر نروح له مشي او كل الاماكن بعيدة عنه ؟؟ انا سمعت انه قريب له الحي اللاتيني هل هذا الشي صحيح؟
اسمح لي بس هذه اول مرة اروح و السفرة اليوم الفجر
شكرا مقدما

خذ تاكسي والله نصيحه لك ما دام شنطكم كبار لأن فيه نزول بالدرج وأخاف يعيقكم هالشيء فقط