صافي
09-11-2022 - 04:40 pm
حبايبي الحلوين على كثر ما انا مستمتع في كل زيارة للموقع الا اني اول مرة اشارك
على عشان كذا ودي اسأل بعض الاسئلة واتمنى منكم الاجابة:
انا بمشيئة الله رايح لسويسرا لمدة اسبوعين في نهاية اغسطس وبداية سبتمبر طبعا راح تكون رحلتي من لندن الى سويسرا وبيكون معاي الاهل انا وزوجتي وطفلين زي السكر هنا تنساب اسئلتي (وش رايكم في تنساب):
ما لي خاطر في جنيف لاني اعشق الريف فوش رايكم ينفع لي من مدينة او حتى قرية؟
وبعد في المدينة المقترحة وش الفنادق المقترحة ؟
وبعدين اتمنى ان المدينة المقترحة تكون قريبة من اما ميلانو او اي مدينة اوروبية تنفع للتسوق علشان المدام؟
نسيت اقول لكم اني استانس وانا راكب القطارات لكن كل ماتذكرت شناط المدام اللي تشبه شناط البيجو من كبرها ضاق صدري فهل هناك طريقة في اني اذا جيت اروح من مدينة الى مدينة ثانية اقدر اشوف جهة تدبر لي شحن الشناط لان لي تجربة العام الماضي كانت مريرة في النمسا (بغى يجي لي انزلاق غضروفي )؟
تكفون ابي اجابات سريعة لاني من الناس اللي يحبون يخلصون حجوزاتهم من بدري خاصة ان رحلة لندن تبي تاخذ مني شهرين
اكثر من ثلاثين قارئ ولا احد رد
طيب على سؤال واحد بس