مرحبا
تقدر تطلع طليطلة - تبعد عن مدريد 90 كم
والا غرناطة - تبعد 420 كم
موفق ان شاء الله

السلام عليكم و رحمة الله و بركاته
اشحالكم ان شاء الله بخير
اولا .. قررت اسافر الى اسبانيا تحديدا .. برشلونة .. وعندي كم سؤال لاني اول مره اروح اسبانيا من دبي الى برشلونة
رايح تاريخ 6 / 10 / 2012 وراجع تاريخ 11/10/2012
شو الجو في هالتوقيت ؟؟
وثانيا .. شو احسن منطقة للسكن يكون فندق 3 نجوم ومرتب ومكان يكون قريب من كل شي ؟؟
وثالثا .. واهم شي انا اريد احظر مباراه الكلاسيكو بيكون تاريخ 7 / 10 / 2012 من وين اخذ التذاكر للمباراه ؟؟
ورابعا .. كيف الحياه هال هي غالية يعني كم يكون معدل الصرف اليومي للشخص ؟؟
وخامسا .. هل من نصائح تنصحوني بها ؟؟
ويعطيكم الف عافية

مرحبا
اولا : الجو بيكون حلو - العظمى 21 والصغرى 12 - ملابسك العادية وجاكيت احتياط لليل.
ثانيا : السكن حول ساحة كاتالونيا Plaza Catalunya - احجز من بدري لان وقت الكلاسيكو ترتفع الاسعار.
ثالثا : تقدر تشتريها من الكشكات في شارع الرامبلا, والا يوم المباراة اطلع للملعب وبتشوف كثير يبيعون التذاكر (اهم شي يكون وقتك قبل الساعة 6 العصر لان شباك التذاكر يكون مفتوح وتتأكد من التذكرة انها اصلية قبل ما تدفع المبلغ لأي شخص).
رابعا : معدل الصرف اليومي حول 60-80 يورو (وجبتين + دخول الاماكن السياحية).
خامسا : لا تشيل معك الجواز واي مبالغ كبيرة , خليهم بالفندق وكل يوم خذ اللي تحتاجه وخلي معك صورة من الجواز في جبيك.
موفق ان شاء الله
وكل عام وانت طيب