مزمز مريندا
اسفين مسحنا الاستفسار عن الفيزا ..لانه استفسرنا قبل
يالله عاد ياخواني همتكم بالاسئله الباقيه
انتظركم

1. واذا انت من محبي السي فوود فانصحج ان تتعشى ببوفيه الفندق ..


2. وحتى الفطور فيه اصناف متعددة ..

السلام عليكم ...
راح اجاوب على الاسئلة بحسب ماشفته في هونغ كونغ في زيارتي اليها صيف 2009
(1) في زيارتنا اليها سكنا في فندق Langham Place Hotel وهو فندق ذو 5 نجوم .. الفندق نظيف ومرتب وحلو .. لكن الغرف صغيرة نوعا ما ..
وموقعه بنظري ممتاز فتجول حوله ممتع ويوجد lady market بالقرب منه .. طبعا كل البضائع الموجودة تقليد ولكن التجول فيه حلوو ..
وما انسى المجمع الاصق بالفندق .. تستطيعين دخول المجمع عن طريق ممر بدون ما تطلعين برا الفندق ..
وماننسى اهم شي .. محطة المترو .. قريبة جدا جدا من الفندق .. يمكن 3 دقايق مشي اذا مو اقل ..
اما بالنسبة للسعر .. فالسعر يختلف حسب الموسم بالطبع .. بالنسبة لنا دفعنا 1050 دولار هونغ كونغي في الليلة للغرفة الواحدة .. يعني بحدود ال 500 ريال قطري في الليلة اذا ما خاب ظني ..
بس تقدرين تدخل الموقع الالكتروني للفندق وتشوف الاسعار على حسب التاريخ ..
هذا هو الموقع ..
http://hongkong.langhamplacehotels.com/en/

واذا انت من محبي السي فوود فانصحج ان تتعشى ببوفيه الفندق ..

وحتى الفطور فيه اصناف متعددة ..

(2) انا بالنسبة للمعيشة في هونغ كونغ فالاسعار متوسطة الى غالية.. بس يمكن يعتمد على حسب المطعم او الفندق .. يعني مثلا سعر بوفيه الفندق اللي ذكرته لك ب 170 ريال تقريبا .. هذا في الايام العادية .. لكن في الويك اند فوق ال 200 ريال .. طبعا هذه اسعار متوقعه لبوفيه في فندق فئه 5 نجوم ..
وترى البوفيه متنوع وفيه اصناف للسي فود متعددة جدا جدا .. وخدمة ممتازة
وعندج مثال اسعار دخول ديزني لاند .. 175 ريال قطري للشخص الكبير .. وللصغار 125 ريال قطري ..
(3) اما بالنسبة للجو فهي استوائية . . فجوها واحد على مدار سنة .. يعني حر ومطر .. بس طبعا مب مثل حرنا ..
يعني اللي راح تحتاجينه ملابس صيفيه فقط ..
(4) اما بالنسبة للعباية فبصراحة ماعرف اشلون اجاوبج على هالسؤال .. بس شعب هونغ كونغ شعب جدا راقي ومطور وكل واحد في حالة .. ماعتقد ان في احد راح يضايقج هناك بالنسبة للعباية ..
(5) اما بالنسبة للغة فالشعب يجيد اللغة الانجليزية .. يعني ماراح تتعبين وانت تتعاملين معاهم ..
ورحلة موفقة .. وتروحين وترجعين بالسلامة ..
وان شاء اله تستانسين في هونغ كونغ مثل ما استانست فيها ..

.. Galaxy ..
الله يوفقك ويجزاك خير على ردك اللي ساعدني جدا
والله يكتب لك الخير وينور دربك ويسكنك الجنه..
وان شاء الله ننبسط مثلكم ..