الي قلك انه مستوى التلفريك الي في ابها افضل واحسن فهذا الشخص ماجرب تليفريك لنكاوي او جنتنج
الأسعار 4 رنجت للشخص في اتجاهيين وايضا توجد صرافات في لنكاوي وتحصلها في المولات ولاتستأجر سيارة خذلك تكسي افضل اما عن القطار في كوالا على حسب افراد عائلتك اذا كنتم اثنين فالقطار افضلك واذا كنتم اربعة فالتكسي افضلك من ناحية السعر

تلفريك ابها؟؟ طيب جرب وشوف
راح تقول ابي اركب مرة ثانية
التاكسي احسن لك
الحجز للباص من عند كومتيارفي بننج اذا ماني غلطانه بالاسم فيه هناك مكاتب للنقل السياحي التاكسي بيوديك

تلفريك ابها افضل
استئجار سيارة
الصراف متوفر في الاسواق الرئيسية
القطار افضل من التاكسي بي كوالا
بالنسبة لتذكرة الباص من محطة الباصات الرئيسية بالمدينة

التلفريك مشي حاله والصراف موجود في الاسواق
والتاكسي في راي افضل

انا جربت التلفريك في لنكاوي وكان روعه بكل ماتحمله الكلمه..
والصرافات الآليه متوفره واذكر في المطار وفي الميناء واكيد تجد في الأسواق الرئيسية..
واعتقد ان استئجار السياره غير مجديه فأنت مانت بفاضي تبي تناظر وتستانس وتجلس جنب المدام ( الله يسعدكم ) خل عنك السواقه بس..
والتنقلات في كوالا اعتقد ان التاكسي افضل مع اني لم اجرب القطارات لأن التاكسي على كيفك والقطار رحلته محدده مكان الوصول..
وبالنسبه للباصات اسأل صاحب التاكسي عن محطة الباصات الرئيسية..
واتمنى لك قضاء اجمل الأوقات واسعدها..
واذا احتجت اي مساعده ادخل من اقرب مقهى انترنت او من كمبيوترك الشخصي واسأل هنا واعضاء العرب المسافرون مايقرون ابد..

أشوف أخوي قالولك تفريك أبها والا الطايف أفضل ماعليك منهم حتى لو أنه فعلا أفضل أنت رايح دوله جميلة ولازم تجرب كل شي فيها حتى فعلا تستمتع بالرحلة وتكون لك فيها ذكريات جميلة ولا تنساها وما انت خسران شي يعني بين قوسين أربع رنقت والا اربعين شوف الفرق كيف ويش جاب لجاب
ولا تحرم نفسك شي وبعدين تندم عليه وعلى فكرة أخوك من المدينة ورايح أن شاء الله في هذا الصيف شهر عسل واتمنى لك التوفيق

اخي العزيز
تلفريك لنكاوي رهيب بمعنى الكلمة وجنتق حلو وانصحك ركوب الاثنين
وانسى اللي قالك تلفريك ابها
اما بخصوص السيارة بلنكاوي انصحك بأستئجار سيارة وانت تقودها خذ خريطة للمدينة
وترى لنكاوي خلي ما حولك احد كلها قرويين وخذ السيارة من المطار على طول
الصراف الالي موجود بكثرة عند المراكز والمطاعم لاتاكل هم وانا اخوك
القطار داخل كوالا لا يوجد سوى خط واحد من المطار الى كوالا ولا انصحك با القطار
التكاسي موجودة بكثرة يعني اكثر من الهم على القلب
بخصوص الباص يوجد باصات فخمة عندهم للتنقل داخل البلاد ورخيصة السعر لم ا ستخدمها
لكن اذا حبيت تتنقل بر تراها تجربة حلوة اذا خلت من بعض الطفيليين من ربعنا
واي استفسار عن ماليزيا اخوك ابو عادل با الخدمة

بسم الله الرحمن الرحيم
اخوي تلفريك ابها جميل وبينانج ولنكاوي ايضا جميل وارخص بكثير
اما قص تذكرة الباص فهي سهلة جدا كل ماعليك هو عند خروجك لاي
رحلة في بينانج اطلب من سايق التاكسي انة يوصلك الى محطة الباصات
وهناك راح تلاقي العديد من المكاتب وبامكانك تختار نوع الباص ووقت الرحلة
ومكان جلوسك (وكل ماحجزت بدري كان افضل ).
وهاذي الطريقةانا شخصيا اتبعتها وريحتني
رحلة موفقة بأذن الله

تلفريك أبها والطائف طبعاً حديثة مقارنة بلنكاوي ..ولكن هذا لايعني ألتلفريكات هناك سيئة
يكفيك أنها في طبيعة ساحرة وخلابة ..وأنت رايح تنبسط وتسجل لك ذكريات قد لاتتكرر..!!
وبعدين أسعارهم رمزية ماهو سرق مثلنا ..!!!
وبالنسبة للتنقل عليك بالتكاسي وأنا أخوك بس هناك ملاحظة مهمة :
( في لنكاوي وبينانغ مافي مشكلة وتلقى بعض تكاسيهم ميكرو باص روعة أنت والمدام
مع بعض ورا والمكان واسع وانوافذ كبيرة تسمح بالمشاهدة الممتازة للطبيعة الخلابة ..بس في بينانغ
والعاصمة أطلب منهم في البداية تشغيل العداد فهو أرخص بكثير ..لأن الكثير منهم يرفض ذلك
طمعاً في زيادة السعر التي تصل أحيانا أكثر من الضعف!!!! ) ولا يفوتك الديوتي فري ( السوق الحرة )
في جزيرة لنكاوي حيث الأسعار نازلة كثير عنها في بينانغ أو كوالا والصرافات متوفرة
وتصدق أخوي إني سافرت من بينانغ لمرتفعات كاميرون هاي لاند في باص أنا وأهلي ومامعنا الا
سواق الباص !! حيث صادف وقت رحلتنا إن مافيه أحد مسافر معنا في عودة رحلة الباص
وكان وقت الرحلة الظهرية وقد أستمتعنا جداً بوجودنا لوحدنا نجلس في أي مكان ننام نتابع ونصور
من أي مكان لكل ماحولنا من طبيعة خلابة وغيرها ...)
بالنسبة للقطارات ماجربتها بس ماتقارن مع التكسي فالتكسي أصرف بكثير خاصة لصرتوا أثنين ..
أتمنى لك رحلة سعيدة ...