1/ السكن كيف احجزه في ناس مدحو لي بنسيون عايده واللي عنده بنسيونات اخرى ياليت يعطينا خبر.
بالنسبة للسكن لاتحاتي متوفر ونظيف بس توصل اوزنجول خذلك فرة واختار السكن والسعر الي يناسبك
2/كم يوم تستاهل اوزنجول
هذا انت تحدده لان في ناس يكتفون باسبوع وناس يقعدون اسبوعين بس فيها ومايملون ودهم لو تطول المدة
ايش افضل و أرخص طيران الى ترابزون
احنا جربنا صن اكسبرس وجربنا انور الاثنين زينين
ملاحظه مهمه لاتحجز وقت متأخر عشان ماتوصل بالليل ويغلون عليك السعر والطريج من المطار الى اوزنجول تقريبا ساعه ونص ولاتنسى تاخذون معاكم جاكيتات وملابس ثقيلة للصغيرة والشمسية مهمه لان بيكون مطر وملاحظة ثانية الوزن المسموح فيه بالطيران الداخلي 15 كيلو و8 باليد
اتمنى ان اكون وفيت بالاجابة على اسألتك

وفيت وكفيت يا عسل

شكراً ماقصرت ... كفيت ووفيت
بالنسبة للوصول لأوزنقول وش أفضل طريقة ؟ تاكسي ؟ باص ؟ وش الأرخص ؟ والباصات وين ألاقيها وبكم أسعارها؟
التنزه في أزنقول والمناطق المحيطه بها وش الأفضل مع قروب ؟ وإلا شلون؟
وكذلك عن العودة من أوزنقول لطرابزون وش الطريقة الأفضل ؟
هل أحتاج أصرف معاي فلوس يعني كاش ؟ والا الكردت كارد يكفي؟
وكم تقريباً أحتاج يكون مصروفي لخمس أيام في أوزنقول من غير السكن؟
وآسف لو طولت عليك ... بس وش الأفضل أحجز عن طريق الحران وإلا أوصل هناك وأبحث عن سكن ؟
الحران قال إن عنده فندق أنصار وآيقون وأسعارهم 140 دولار 120 دولار.
شكراً لك أخي "أوزنقول التركية" على تعاونك والله يبارك فيك ويحفظ لمن تحب

اهلا فيك اخوي ..
وبعد اذن اختي اوزنجول التركيه
افضل طريقة للوصول لاوزنجول هي بالباص وهي الارخص طبعا .. 10 ليرات للشخص
وممكن تاخذ تاكسي وتقوله يوديك لمواقف الباصات .. وانا سمعت انو فيه منها يوقف بالمطار ايضا لكن مو متأكده
التنزه في المناطق المحيطه من اوزنجول الافضل تستأجر سياره بسائق وتكون حر نفسك .. لان القروب يلزمك بوقت انطلاق ووقت عوده .. وفيه مكان ممكن يعجبك وتحب تطول فيه وفيه مكان يمكن مايعجبك وتحب تتركه وتنطلق للي بعده .. يعني بلحالك تقدر تتنقل وترتب على كيفك
والعوده ايضا ممكن تستأجر سياره بسائق ( من مكتب تأجير سيارات بأوزنجول ) او بالباصات .. وطبعا هي لها جدول محدد يمشون عليه
بالنسبة لصرف الفلوس طبعا لازم يكون معك كاش لان هناك مافيه صرافات الا بأقرب قريه من اوزنجول وهي شيكرا ...
والصرف بأزنجول اصلا قليل يعني مافيه الا عالمطاعم وتسوق خفيف جدا جدا لان المحلات هناك متواضعه ( مثل الاكشاك )
والمصروف اليومي مابيتعدى 100 ليره باليوم .. لان مطاعمهم رخيصه
واذا كان وقت رحلتكم مو موسم سياح فالافضل تروح هناك وتختار السكن بنفسك لانه بيكون متوفر ان شاء الله .. وماانصحك بأنصار وايقون ... شوف البنسيونات اكبر واحلى ومواقعهم تكون افضل واهدئ وفيهم خصوصيه اكثر
ونتمنى لكم رحلة سعيده ,,

شكرا لكم على هذه المعلومات القيمه
انا كنت متردده بين ايجون وانصار ولقيت الاجابه عندكم
لكن عندي سؤال اتمنى الاجابه عليه هل احتاج اشيل معي اللاب توب ولا مافيه عندهم خدمة انترنت

فيه خدمة انترنت لكن مو بكل مكان .. يعني مو كل البنسيونات والموتيلات
واذا سكنتوا ببنسيون تقدرون تسالون صاحبه وهو يعطيكم الباسوورد ..
واذا كانت فترة اقامتكم في اوزنجول طويله خذيه معك .. اما اذا كانت 4 او 5 ايام ممكن مايكون عندك وقت تستخدميه ,,

كفيتي ووفيتي يا نجلاء وانا أأيد كل ماقالته واهم شي ابتعد عن انصار وايقون وروح اختار بنفسك السكن الي يناسبك
نصيحتي ابتعدو عن الروتين وبلا لاب توب وبلا نت استمتعوا بالطبيعة والجو