- اي طبعا يمكن صار لي سنه من اخر مره دشيت و اشتركت
- و علشان اذكركم فيني " فذكر ان الذكرة تنفع المؤمنين"
السلام عليكم
كيف الأحوال عساكم بخير
اكيد نسيتوني
اي طبعا يمكن صار لي سنه من اخر مره دشيت و اشتركت
و علشان اذكركم فيني " فذكر ان الذكرة تنفع المؤمنين"
انا كنت على اساس بدرس ماجستير باستراليا على حسابي الخاص و رحت للأستراليا ملبورن و صارت أمور و أمور المهم زبده الي صار اني كنسلت دراستي ولظروف عائليه ( والا البلد قمة واو بمعنى واو) والحين حنيت لدار للأطلال و ودي اروحها زياره سياحيه نقاهيه الخ الخ الخ
يا هو ياليت تطلعولي بكيج حلو و بسعر احلى بليز داخلة على الله ثم عليكم ترى قعدت البيت و بين اربع طوف ترى جننتني و راسي راكبني الا اروح استراليا
ممكن تشدو حيلكم و سريع سريع لا هنتو
ونرجع لمحور حديثنا الأن
احنا فردين ودنا نغير جو و هذا خط السير الي ودنا فيه ( الي نحلم فيه طبعا )
الدمام او البحرين طبعا عن طريق الامارات يا دبي يا ابوظبي
هونغ كونغ 3 أيام
استراليا ( سدني- قولد كوست و ملبورن العشق الأزلي ) حوالي 3 أسابيع
اذا في امكانيه و ميزانيه زي الأوادم نيوزلندا ( كم يوم يعني دامنا موجودين موجودين بقارة الأحلام)
ودي بخطوط مريحه و طبعا العبد لله ع السياحيه ( من تواضع لله رفعه )
السكن ( ودنا نكون في قلب الحدث يعني مو شرط 5ستارس اهم شي الموقع و النظافه و فوقهم السعر
بليز ترى بكره بنودي الجوازات للسفارة الأستراليا
و سؤال بعد الحين نيوزلندا و هونغ كونغ لها فيزا
سارونه
حرا ام