1. الأول


2. الثالث


3. الخامس


4. التاسع


5. الثاني عشر

الأول

بالنسبة للقبله والصلاة حبيت اذكرك انه في مطار هونج كونج فيه مصلى وقريب من البوابات 26 و25 وحولها لكن بالضبط مادري ومطار سدني نفس الحكاية لكنه بالدور الثاني وأسأل عنه
أما القبله في استراليا وفي الساحل الشرقي بالتحديد تكون تقريبا غرب شمال وطبعا انت بتسأل عن الاتجاهات اذا كنت بالفندق قلهم عشان الصلاه وبيعرفون لانه في فندق بملبورن سألناه عن الاتجاهات على طول قالنا تبون مكة ونفس الحكاية بسدني وأنت عشان تتأكد بتكون مثل ماقلت لك غرب شمال شوي
الثاني
البرود بتكون اكثر من قبل ويلزمكم جاكيتات فقط يعني استعدوا بدون لبس ثقيل مره بالنسبة لسيدني وملبورن اما القولد كوست ستكون اقلهم برودة

الثالث

ماعندي خبر عن الاستراليه لكن اذا جيت تقص البوردينق قلهم اني مسلم وابي اكل حلال بدون خنزير لانه خطوط الكاثي باسيفك تبع هونج كونج ممكن تقولهم ويجيبون لك واذا ماجابو لك خلك على السمك لانه من هونج كونج اكيد بيعطونكم سمك وشي ثاني والسمك اضمن لك
الرابع
ماعندي خبر كامل عنها لكن عندك شركة اوبتس في استراليا ممتازه للاتصال بالسعوديه واعتقد تشحن بمئة دولار تعطيك الف دقيقة لكن تأكد من اللي تشتري منه الشريحة

الخامس

مفتاح السعودية 00966 ثم رقم الجوال او الثابت بدون صفر يعني 00966554 الخ او الثابت اذا الرياض حط 009661466 وكمل الباقي لكن بدل الصفرين اللي قبل مفتاح المملكة ب علامة + ضروري لانه ماراح يقبل معك يعني 966+
السادس
مراكز المعلومات اكثر من البيوت والفنادق وبكل فندق بتحصل بروشورات
السابع
لا يوجد مشكلة بالعكس
لكن فيه شخص كتب بالمنتدى انه فتشوا جهازه حتى يتأكدون من النسخة اصلية ولا لا وفيه ناس ما فتشوهم
الثامن
تقدر تسخدم النت في الفندق عن طريق الواير لس او الكيبل واسعارهم بالفناق اغلى من مقاهي النت ولك الخيارين

التاسع

غالبية الاسواق تغلق بدري يعني اذا غابت الشمس بعدها ساعه ولا ساعتين تقريبا وباستراليا حتى تستمتعون بكل لحظة عليكم تصحون بدري لانه كل الفعاليات تبدا من الصباح والمساء بيكون هدوء يعني مافيه الساعه 10 او 11 الناس نايمين
العاشر
افضل قبل بيوم على الاقل
الحادي عشر
التاكسي غالي في استراليا
استخدمو المونوريل او القطار أو حتى الباصات
في ملبورن القطار يخدم اكثر المناطق والشوارع كلها سكك للقطار وفيه باصات مجانية للسياح وكذلك قطار في ملبورن

الثاني عشر

مافيه مشكلة بإذن الله لكن الاسود بيكون ملفت للنظر يعني لو حصل استبداله بأي لون افضل مثل الرصاصي او البني مافيه مشكله اللون لايهم بالنسبة لكم الاهم الستر بأي لون كان لانه الاسود بتلاحظ انه يلفت عندهم وتكون فيه بعض نظرات الاستغراب فقط
الثالث عشر
بعض المطاعم يكون مكتوب حلال بالباب او عند قائمة الطعام وهناك رابط لو تبحث بالمنتدى يعطيك المطاعم الحلال في استراليا وبإذن الله تحصله ولو ماقدرت ابحث لك اذا رديت ، ماكدونالد ماعندي خبر يقين عنه
الرابع عشر
انا افضل الكاش والفيزا لانه الفيزا تقدر تشتري من كل مكان هناك مفعله عندهم
الخامس عشر
افضل تسأل الفندق اللي بتسكن فيه لانه المسافات تختلف وتخبرهم عن رحلتك يمكن يوفرون لك باص مثلا او تاكسي على الاقل
السادس عشر
دعواتك لي
والله يوفقكم في رحلتكم وترجعون سالمين غانمين

أخي الغالي تركي يعجز اللسان عن شكرك وسرعة ماشاء الله في الإجابة
لك دعوة الآن في هذه الساعة المباركة من يوم الجمعة
أسأل الله عزو وجل أن يوسع عليك في رزقك ويرزقك الفردوس العلى وأسأل الله أن يلبس والدتك ثوب الصحة والعافية يارب العالمين .أخي الغالي تركي بالنسبة للمواصلات صراحة مافهمت ودي توضح لي لو تكرمت
وش الفرق وبين المونوريل والباص والقطار من حيث السعر وطريقة الاستخدام وكيفية الحجز عندهم وهل يرجعونك الى الفندق أو عند محطة معينة .. تحملني ياغالي ليت يكون الشرح مفصل
وبالنسة لسؤالي عن التكاسي هل متواجدين طول اليوم يعني ماأجد مشكلة في الحصول على التاكسي في أي وقت ؟------------------------
بالنسبة لسؤالي رقم 1 عن القبلة إذا في إجابة تفصيلية أكثر ... ممن ذهب إلى هناك .
بالنسبة لسؤالي رقم 3 أحتاج إلى إجابة لأن ممكن يكون الآكل سمك كما ذكرت ولكن الزيت المستخدم زيت خنزير ! كيف أتأكد بالضبط ؟ إذا ممكن أحد يفيدني ؟

1. جزاك الله خير

جزاك الله خير

بالنسبة للفرق بين المونوريل والقطار ان القطار ارضي والمونوريل معلق ولا فيها حجز ولا شي
اذا رحت الفندق قله ابي اقرب محطة قطار ولا مونوريل ثم رح المحطه واطلب الجدول ومن الجدول تحدد وجهتك بالخريطة ثم تقص التذكرة والمونوريل في سيدني المشوار ب 4 دولار تقريبا واليوم كامل 9 دولار تقريبا والقطار ماني متأكد منه والفرق بينهم ان المونوريل يروح اماكن غير القطار يعني تشوف حاجتك وين ثم تحدد وش تركب
اضرب لك مثال اذا كنت في شارع جورج بسيدني تبي تروح للآي ماكس بالهاربر تشوف بالخريطة اقرب محطه لك هل المونوريل ولا القطار ثم تركب الى هناك لكن تأكد متى نهاية عمل القطار الظاهر الى عشر مساء
والتكاسي متوفره بأغلب الاماكن
لكن اذا مثلا تبي البلو ماونتين ( يعني الاماكن البعيدة ) تحجز من مكتب لانهم بيودونك ويرجعونك ماتحتاج للتاكسي ولا شي
:::::::::
بالنسبة للصلاة حبيت اضيف لك تآخذ احتياطك بالصلاة يعني تصلي قبل تطلع من الفندق مثل جمع تقديم لانه صعب تحصل مساجد في سدني قريبة من اماكن الفعاليات
وفيه بالموفي وورلد في قولد كوست مصلى ووصفه اذا دخلت الموفي وورلد تلف يمين بيكون على يمينك السينما ال 4D ثم تجيك مثل الساحه المسجد بيكون يمين الساحه
::::::::::
الاستفسار الاخير
انصحك تآخذ احتياطك مثل بسكويت أو شي تسد فيه الجوع اذا تأكدت انه الاكل فيه شي من مشتقات الخنزير
وجزاك الله خير على حرصك والله يوفقك
وأي استفسار اكون سعيد بمساعدتك

عزيزنا الخبير تركي
مشكور على تفاعلك مع الاخ وماشاءالله ما خليت للي بعدك شي
تعقيب بسيط للاخ فضاءات بخصوص المواصلات. يفضل استخدام التاكسي للتنقل من والى المطار. اما غير ذلك ففي سيدني استخدم المونوريل للتنقل حول الهاربر ومراكز التسوق وجولد كوست الباصات العمومية للتنقل من السيرفرز بردايس الى المدن الترفيهية والاسواق
تحياتي

الاخ العزيز تركي
فعلا يعجز اللسان عن قول كلمة شكر بحقك وبحق بقية المشرفين الاكارم ممن لايبخلون علينا بمعلومه ابدا
ونصيحتي للاخ الكريم فضاءات حالمه ان يشتري ساعه كاسيو النوع الذي فيه بوصله لتحديد القبله اينما كان وايضا مواقيت الصلاه ولو اني بحثت عن مدينة القولد كوست وللاسف لم اجدها ضمن المدن التي يظهر فيه مواقيت الصلاه ولكن الاستفاده منها في تحديد القبله يكفي وسعرها من شركتها هو 185 ريال اليوم باذن الله سوف اقوم بشراءها لأن سفري يوم 4 اغسطس بأذن الله تعالى
بالنسبه لحمل النقود فانا قمت بتحويل مبلغ الى دولار استرالي كاش ومبلغ لدولار امريكي اضافة الى الفيزا المسبقه الدفع والفيزا العاديه للحالات الطارئه لاسمح الله
اخواني المشرفين لدي جدول بمواعيد الصلاه في قولد كوست لكامل شهر اغسطس على شكل ملف وورد وبصراحه لا اعرف كيف انزله في المنتدى ليستفيد منه الناس وكذلك لدي قائمه بالمطاعم الحلال في نفس المدينه ناقلها من موقع خاص بمسلمي قولد كوست وايضا لا اعرف كيف اعرضه ليستفيد منه البقيه

اشكرك أخوي تركي كفيت و وفيت
أحيي فيك أخوي فضاءات حالمة حرصك على الصلاة و معرفة الأكل الحلال
مثل ما تفضل أخوي نهاش ممكن تأخذ معاك بوصلة لتحديد القبلة وأنت خارج الفندق
أما أنت في الفندق أنت عارف ان اتجاه القبلة شمال غربي
أول مما تدخل الغرفة في الفندق اسألهم عن الإتجاهات
وهم فعلاً يعرفون مكة راح يدلك بإمانة و ممكن تستخدم البوصلة
بس مشكلة البوصلة في الغرفة علشان تحدد صح لا زم تبعد عن اي اثاث حديدي أو فيه مغناطيس مثل التلفزيون والجوال التلفون
اما الأكل الحلال فممكن تأخذ اسماء المطاعم من هنا
واي مطعم تبغى تروح له اسأل ولا تتحرج بالعكس الشعب الاسترالي ودود ومتعاون جدا
كنت لما أدخل كوفي اسألهم عن الحلويات الي مافيه خمر أو مشتقات الخنزير يدلوني عليها بدون ما يتضايقون
الكوانتس وانت حاجز هنا أطلب وجبة حلال
وراح تشوف في الطيارة انهم يبدون بتوزيع الوجبات الخاصة بالمسلمين أول
وكل شخص عليه اسمه
في جميع الفنداق راح تلاقي مكتب صغير عليه منشورات للرحلات بشركات مختلفة
وفيه موظف خاص بالاستفسارات عن الرحلات السياحية أو إذا بغيت يحجز لك
كل مرة وانا طالع اسأله وانا معي الخريطة يدلني على المكان الي بروح له واقرب محطة قطار
وبقية الأسئلة ما قصروا الأخوان
واي استفسار ثاني انا بالخدمة
تحياتي،،،،،،

أخي العزيز
حياك الله ، أبوممدوح يحييك من سيدني في استراليا
توصل بالسلامة يارب وسفرة موفقه حفظك الله في حلك وترحالك ..
بصراحة الأخ تركي ماقصر بالإجابات على أسئلتك ولي بعض الإضافات وهي كالتالي :
الفقرة الثانية بالنسبة للجو في سيدني بارد نوعاً ما وحط في بالك إنه تمر عليك فصول السنة في يوم واحد سبحان الله .
الفقرة الثالثة بالنسبة لطيران الكوانتس الأسترالي أنا سافرت عليه بس كنت طالب أكل حلال ومايمنع تسألهم أو تطلب خضار وتريح بالك .
الفقرة الرابعة عندك شرايح أوبتس وشرايح فودافون ولكل واحد مميزاته وأنا بصراحة أستخدمت الفودافون ومرتاح معاها إذا شحنت بمبلغ 29 دولار تحصل على 150 دولار مكالمات .
الفقرة التاسعة بالنسبة للأسواق تقفل تقريباً بدري على الساعة 6 المساء لكن عندهم يوم الخميس يسمونه يوم التسوق والأسواق تفتح حتى العاشرة مساءاً وكذلك عطلة نهاية الاسبوع السبت والأحد الأسواق تتأخر شوي بس مو مثل الخميس ..
الفقرة الحادية عشره بالنسبة للمواصلات انصحك بالباصات او القطارات ارخص واحسن لك لان التاكسي فعلاً غالي على غير سنع ومن المحطات إللي قريبة عند سكنك كالتالي ( محطة الدارلنق هاربر - السنترال - السيركولر كي ) هذي تقريباً أقرب ثلاث محطات لك بالإضافة لمحطة وينيورد ، وآخر دوام للقطارات تقريبا الساعة 12 بالليل ويفضل رجوعك قبل هالوقت .
الفقرة الثالثة عشرة كما ذكر أخوي تركي راح تلقى على الباب كلمة حلال أما بالنسبة لماكدونالدز فيه فروع حلال منها فرع منطقة الدارلنق هاربر إللي قريبة من سكنك قريبة عند عرض الآي ماكس وفيه مطعم اسمه زعفران وهو مطعم هندي جدا لذيذ وحلال في نفس الوقت وفي نفس منطقة سكنك كذلك .
الفقرة الخامسة عشره بالنسبة للمطار إذا كنت في سيدني وراح تطلع من فندق ستار سيتي للمطار تخضع لعدة أمور منها إذا كان عفشك كثير مالك إلا التاكسي والله يعينك على المبلغ حول 60 دولار تقريبا وإذا بالقطار يكلف الشخص الواحد 10 دولار تقريبا وعندك الباصات لكن أنا أفضل التاكسي ولو إنه غالي لكن أريح وأحسن .

أخي العزيز
حياك الله ، أبوممدوح يحييك من سيدني في استراليا
توصل بالسلامة يارب وسفرة موفقه حفظك الله في حلك وترحالك ..
بصراحة الأخ تركي ماقصر بالإجابات على أسئلتك ولكن لي بعض الإضافات وهي كالتالي :
الفقرة الثانية بالنسبة للجو في سيدني بارد نوعاً ما وحط في بالك إنه تمر عليك فصول السنة في يوم واحد سبحان الله .
الفقرة الثالثة بالنسبة لطيران الكوانتس الأسترالي أنا سافرت عليه بس كنت طالب أكل حلال ومايمنع تسألهم أو تطلب خضار وتريح بالك .
الفقرة الرابعة عندك شرايح أوبتس وشرايح فودافون ولكل واحد مميزاته وأنا بصراحة أستخدمت الفودافون ومرتاح معاها إذا شحنت بمبلغ 29 دولار تحصل على 150 دولار مكالمات .
الفقرة التاسعة بالنسبة للأسواق تقفل تقريباً بدري على الساعة 6 المساء لكن عندهم يوم الخميس يسمونه يوم التسوق والأسواق تفتح حتى العاشرة مساءاً وكذلك عطلة نهاية الاسبوع السبت والأحد الأسواق تتأخر شوي بس مو مثل الخميس ..
الفقرة الحادية عشره بالنسبة للمواصلات انصحك بالباصات او القطارات ارخص واحسن لك لان التاكسي فعلاً غالي على غير سنع ومن المحطات إللي قريبة عند سكنك كالتالي ( محطة الدارلنق هاربر - السنترال - السيركولر كي ) هذي تقريباً أقرب ثلاث محطات لك بالإضافة لمحطة وينيورد ، وآخر دوام للقطارات تقريبا الساعة 12 بالليل ويفضل رجوعك قبل هالوقت .
الفقرة الثالثة عشرة كما ذكر أخوي تركي راح تلقى على الباب كلمة حلال أما بالنسبة لماكدونالدز فيه فروع حلال منها فرع منطقة الدارلنق هاربر إللي قريبة من سكنك قريبة عند عرض الآي ماكس وفيه مطعم اسمه زعفران وهو مطعم هندي جدا لذيذ وحلال في نفس الوقت وفي نفس منطقة سكنك كذلك .
الفقرة الخامسة عشره بالنسبة للمطار إذا كنت في سيدني وراح تطلع من فندق ستار سيتي للمطار تخضع لعدة أمور منها إذا كان عفشك كثير مالك إلا التاكسي والله يعينك على المبلغ حول 60 دولار تقريبا وإذا بالقطار يكلف الشخص الواحد 10 دولار تقريبا وعندك الباصات لكن أنا أفضل التاكسي ولو إنه غالي لكن أريح وأحسن .
هذي ماوددت إضافته على شرح الأخ تركي ولا هوب قصور فيه إلا كفى ووفى وزيادة . ومثل مايقولون زيادة الخير خيرين ..
أرجع أكررها لك تمنياتي لك برحلة موفقة انت ومن معك وطابت ليلتك ..
لاتنسانا من الدعاء
أبوممدوح
استراليا - سيدني

أخواني
تركي - مسافر الجزيرة - نهاش النهاش - الرحالة - أبو ممدوح
جزاكم الله خير عل هذه المعلومات القيمة
وأسأل الله عز وجل ان يكتب لكم الأجر والمثوبة