اطرح استفسارك بقسم الاستفسارات وستجد ما يسرك ويفيدك بحول الله

أبو معاذ العمري
مشكور يالغالي وجاري النسخ

عليكم السلام ورحمة الله وبركاته
لا تنسخ ولا شي تم نقله للإستفسارات
1- الجو في ماليزيا استوائي طول السنه حار رطب ممطر ومارس مثل باقي
الشهور وفي المرتفعات الكاميرون و جينتنق بارد بروده خفيفه جميله
2- انت شكلك بس خمنت عشانها سيرلانكيه بالعكس اوقاتها ممتازه
ولا فيها الرائحه اللي تقول ممكن تكون وقت توزيع الأكل بس ماتطول
ولكن تأكد ان السيرلانكيه تهبط ترانزيت في كولومبو و في سنغافوره قبل كوالالمبور
3- مالهم فروع في المطار ولكن ليش تبي في المطار هل بتكون رحلتك مواصله من
مطار كوالالمبور مباشره لبينانق؟؟ الصراحه مانصحك ابدا تسوي كذا ولو تبي تواصل
فيكون طيران افضل مع انه حتي طيران مانصحك تواصل لازم تجلس بسيلانقور ليله او ليلتين
وللأيرولاين مكاتب بالصن واي لاقون و الأوتاما 1 مول بسيلانقور و في كوالالمبور
و باصات نايس لهم مكتب بسيلانقور قريب من مسجد نيكارا و المتحف الإسلامي

مشكور بعد راسي ع الرد والنقل بالنسبة للرحله الكويت _ كولومبو انتظار 3 ساعات _ كوالا لمبور
المشكلة يالغالي ان وقتي قصير الرحلة ب 19 مارس والعوده ب28 مارس أول واخر يوم ماتحسب
بس شورك وهداية الله لازم نرتاح بسلانقور ليله
طيب يالغالي تراودني فكرة اني أأجر سيارة مدة الرحلة كاملة شرايك بتكون مناسبه حتى لو كانت القياده من الجهه اليمنى .
ومشكور مره ثانية ع الرد

لا تحاتي يا غالي
لو فيك شدّة ممكن تواصل على بينانق
خصوصا أنه ما عندك وقت
بخصوص الباص
ممكن تطلع لسيلانقور ومن مكتبهم هناك تطلع لبينانق
أو تطلع كي إل سنترال ب 9 رنقت بالباص
وبعدها تحجز لبينانق
فكرة تأجير السيارة ممتاز
لكني أنصحك تسويها في بينانق فقط
لإن كوالا مخدومة بالمواصلات العامة والمونوريل
لو حبيت تسوي برنامج مختلف
ممكن تطلع مباشرة لإيبوه ( ساعتين )
تريح فيها يوم وتمر على مدينة الألعاب ( العالم المفقود ) وتجرب مغامرة التجديف
وتواصل لبينانق ( كم يوم)
وترجع حق كوالا بقية المدّة
للمزيد حول السيارة تفضل
وأنصحك بقوة
ما عدى كوالا
الدليل الوافي لقيادة السيارة في ماليزيا .. لأصحاب القلوب الجريئة ..* https://artravelers.com
تصبح ع خير

السلام عليكم
والله لو فيه شده و ضمه بعد تعب و هلكه
إلا إذا طيران ممكن دام ماعندك وقت اما باص تو متش
يعني تخيل طيران تقريبا اربع ساعات لكولومبو وقبلها جلسه بالمطار ساعتين في الكويت
ثم ترانزيت ثلاث ساعات ثم طيران ثاني حدود ثلاث ساعات لكوالالمبور
هذا إذا ماوقفت بعد بسنغافوره ثم تقريبا ساعه تخليص في المطار ثم ساعه
للكي إل سنترال ثم خمس ساعات لبينانق
تصلون بينانق ترقدون يومين من التعب
وانا اشوف إذا بتريحون ليله مو ليلتين
تكون ببورت ديكسون فندق قراند ليكزس فيلا ببركة سباحه خاصه داخل الغرفه
تكفيها ليله وحده ولا تضيع عليكم

بعد راسي يالفهد ولايهون zazaz
لا قررت خلاص إني أول يوم بسلانجور
ولا للتكاسي والباصات
راح أأجر سيارة لمدة 9 أيام وراح أجوب فيها الساحره
ولقيتها بسعر رخيص مرره 1750ر. س مع التأمين طبعاً مع حبيبي GPS

موفق إن شاء الله
ولا تنس إذا رجعت تسوي لنا تقرير عن رحلتك وتجربتك في السيارة الخاصة
ضروري

نعم ضروري
عشان نقنع واحد إسمه أبو أنس
يسوق يسار ويتعلم
( الله يستر على الشجر والسيارات والبشر )
موفق حبيب ألبي