السلام عليكم ورحمة الله
وعليكم السلام ورحمة الله وبركاته
بعد مناقشة وجهة السفر هدي السنة، تقريباً قررنا نزور تايلند ..
بس الحقيقة قد ماحمستني بعض التقارير خفت من تقارير تانية قريتها!
ياريت اللي عندو خبرة في تايلند يفيدني ..
1- كم يوم يكفي بانكوك و كم يوم بوكت؟
أكتر شي احنا بنروح عشان شوبنق ويومين 3 استجمام
اذا اكثر شيشوبنق 4أو5 أيام بوكيت وحتى كوه ساموي جميله للإستجماام والباقي بانكوك
2- في الفنادق يوجد وزغ؟ أكتر شي قلقانة من فنادق بوكت!!
وزغ!! ولا مره شفت وزغ في الفنادق الصراحه(5 او 4 نجوم)
3- قريت إنو تايلند بصفة عامة كلها دعارة و شذوذ ومخدرات!! يعني في كل مكان تشوف أشياء زي كدا ولا في مناطق وأوقات معينة؟
فيها بس مو كل المناطق والأوقات نصيحه ابتعدي عن مناطق العرب والبارات
ماليزيا أنظف بس أنا أفضل تايلاند
اللي اعرفه في أكتوبر موسم الامطار

دندونه مره شكرا طمنيتني شويه
طيب ايش الأحياء أو المناطق اللي تنصحي نسكن فيها؟
و كمان سمعت انو الشوارع اللي يسموها بشارع العرب كلها جرايم و مخدرات!! و البعض يعتبر السكن جنب شارع العرب ميزه
يعني لو في بوكيت فين الأماكن اللي مانروحلها
وفي بانكوك كمان!!

ستنا
بانكوك
كلها اسواق بشوارعها ومراكزها تقضي بها شهر ما تملها حتى تخلص فلوسك
منطقة نانا وتسمى منطقة العرب بالنسبة للعرب
نصف كم مربع
فيها كل شئ
ماعدى الجرائم والمخدرات
فيها مساجد وفيها معابد
فيها مطاعم عربية كثيرة وحلال 24 مفتوحة
فيها بارات ومراقص
فيها افضل صرف عملة
فيها امان
و على حسب الاشخاص
في ناس مايعجبها المكان عندة تحفظات
وفي ناس ماتسكن لا فيها وماعندة مشكل
تختلف الذواق
=================
بوكيت
بها برامج كثيرة تظل شهر ماتخلص من برامج سياحية
منطقة باتونغ
شاطئ 3 كم
منطقة العرب هذة التسمية مش كثير دارجة ببوكيت
وهى منطقة القريبة على منطقة المطاعم العربية
مستوى المعيشة ببوكيت بالنسبة للسواح اغلى من بانكوك
تكثر بها الفنادق
عموما الشوارع في تايلند تعتبر اسواق شعبية
واذا عجبتك بانكوك وبغيتي استجمام
قريب من بانكوك وبساعتين بالسيارة
منطقة هواهين سياحية بلد الملك
تصلح للستجمام
والطقس شهر 10 -11 ممتازة
تايلند تجربة لا تنسى

صح لولا اختلاف الاذواق لبارت السلع
أنا احب اسكن في باتونام وسط الأسواق
أماري ووتر جت
او
سنتر بوينت
او
نوفتيل

1. اما مجمع ام بي كي هذا مثل بسطات بس تحصلين فيه كل الي تبينه

اذا تبين تسوق بانكوك وبس تبين مجمعات غاليه عندج مجمع سيام واهم مجمعات سيام سكوير ودسكفري ونسيت اسم الثالث اهم يم بعض
ولو تبين اغراض عاديه مو ماركات عليج بمجمع اسمه باتونام وفي بسطات قباله هم زينين يعني فيهم شغلات حلوه
وعندج مجمع طوكيو و ام بي كي هذول مجمعين لاصقبين ابعض بالدور الثاني تدخلين من مجمع الي الثاني
طبعا طوكيو مثل دبنهامز او تقدر نقول نفس سنتربوينت يتكون من ادوار تقريبا كل دور مختص بشي معين

اما مجمع ام بي كي هذا مثل بسطات بس تحصلين فيه كل الي تبينه

ولو تبين صج رخص روحي سوق الاحد كل يوم احد و سبت راح تحصلين كل شي تبينه بس مو ماركات طبعا برخض التراببالنسبه للسياحه بوكت تنفع سياحه و بانكوك هم فيها اماكن سياحيه وسالفت مخدرات و سوالف ثانيه يمكن تحصلين ناس تسؤال تبين ولا نو اي ممكن تصير وياج
بس ان تشوفينهم يتعاطون جدامج صعبه لان قانونه وايد صارم بالنسبه حق المخدرات واكثر الي يسؤالون عن هالشي او يقولولج تبين مخدرات يكونون شرطهوبالنسبه حق الاماكن السياحيه لو تبين اقولج وين تحصلينهم ابوكت او ابانكوكو بالنسبه حق السكن انتي حددي جم تبين الليله يعني جم بات تقريبا علشان نعرف نقولج وين تسكنين واسماء الفنادق
يعني انا تقريبا اسكن بفنادق ليلتها ما تتعدي بات وشي نظيف ومرتب وبالنسبه حق الوزغ للاسف ما اعرف شنو يعني ولا جان جاوبتوبالنسبه حق النظافه لا طبعا ماليزيا انظف من تايلند بشكل عام بس انظف بالشارع اي بس بالنسبه حق المجمعات لا نفس الشي تقريباولو تبين منطقع عائليه بتايلند وجوها وايد حلو وما فيها خراب وايد روحي شنقماي بس تري بعد الساعه تروحين تنامين لان ماكو شي امبطل الا ماكدونالز و برقروشكرا

تاي بن تاي
شكراً على لطفك و ردك يا ولد تاي
بس ايش تقصد ب سنتا؟ حي أو منطقة في بانكوك؟ أنا نفسي أسكن في منطقة راقية و حي نظيف في بانكوك ..
مره شكراً و حمستني أكتر ..

دنوونه
شكرا مره تانيه دندونه
بوتنام حي راقي؟ أنا بصراحة خوافة جداً و أحب الهدوء

بلوشي
شكراً مره أخ بلوشي
أنا قرأت عن التسوق و عندي فكرة عن المجمعات و كدا
بس أبغى أعرف عن الأحياء السكنية الراقية
وكمان سؤال عن شنقماي هل تغني عن بوكت؟ يعني من ناحية هدوء و ريلاكسيشن ..
أنا كل الفترة اللي أبغى أقضيها في تايلند 8 إلى 10 أيام
الوزع هوا أبو بريص

عزيزتي
اللي مايزور بوكيت مازار تايلند
بالنسبة لسؤالك ل تاي بن تاي مشرف تايلند الغالي
عن ستنا..يقصد ... الست مثل المدام ...بما انك انسة !!
والله ضحكت يوم قلتي تقصد حي منطقة سكنية
أجل تخافيين من الوزغ هو موجود لكن تلاقينة في الممرات البلكونات الأماكن المكشوفة فقط اما الغرف مستحيل