1. بس بصراحة عندي مجموعة من الاسئلة بتمنى تفيدوني فيها ..


2. الاماكن يللي حابب زورا

اسلام عليكم ...
انا عضو جديد معاكم و كتير بشكركم على هالمنتدى الرائع و بشكر كل شخص كتب تقرير عن مصر ....
بصراحة انا قريت تقارير بعض الاعضاء عن رحلتهم لمصر و عنجد استفدت جدا من المعلومات الرائعة يللي كانت بالتقارير
و بدعي بالخير لكل شخص افادني بمعلومة ... ما حاقدر اذكر اسماء لاني بالفعل قريت تقارير كتير و ما حفظت اسماء الاعضاء....
انا بصراحة ناوي اسافر شهر العسل لمصر اخر الشهر القادم و قبل ما فوت عالمنتدى و اقرا التقارير كنت كتير محتار و متردد و ما بعرف وين بدي روح و لهيك كنت ناوي خلي مكتب سياحي ينظملي الرحلة بس بعد ما فتت عالمنتدى لقيت انو الافضل انا نظم الرحلة و هيك انا بحب يعني انا اختار الاماكن و الرحلات و الحجز و كلشي ...

بس بصراحة عندي مجموعة من الاسئلة بتمنى تفيدوني فيها ..

انا مسافر فقط 8 ايام بوصل للقاهرة الساعة 6 مساء و ناوي قضي 3 ايام بالقاهرة و بعدها يومين بالجونة الرائعة و بعدها 3 ايام بشرم الشيخ ..
1: بالقاهرة انا اخترت الاماكن يللي حابب زورا بس المشكلة انا ما بعرف بعد الاماكن عن بعضا و الفترة يللي ممكن قضيا بكل مكان و لهيك يا ريت حدا يقللي انو باليوم الاول مثلا ممكن تروح لكذا و كذا و كذا و باليوم التاني كذا و كذا

الاماكن يللي حابب زورا

الاهرامات... قلعة صلاح الدين... برج القاهرة... الحسين و خان الخليلي....حديقة الحيوان.. حديقة الازهر...القرية الفرعونية ...سيتي ستارز...المتحف المصري...احدى السفن المتحركة بالنيل ...مطعم قدورة ....مطعم بلانيت افريكا......مطعم هابي دولفين ....ستوديو مصر بالنايل سيتي ....المطعم الدوار بفندف غراند حياه
طبعا ما بعرف اذا فيني اعمل الحاجات دي كلها ب 3 ايام بس بتمنى ...
فيا ريت تقلولي ايه الاماكن القريبة من بعضها ....
و ايضا حابب ازور مدينة الانتاج ب 6 اكتوبر و دريم بارك بس اكييد بتخيل ما في وقت
2: هل من الافضل ان استاجر تكسي باليوم ب 200 جنيه حسب ما قريت باحد المواضيع او الافضل اخد تكاسي ؟
3:قريت باحد المواضيع ان برج القاهرة بيسكر الساعة 5 لكن اكتر من عضو كتب انو افضل وقت لزيارته قبل الغروب بحيث تشاهد القاهرة بالنهار و الليل ...بس اذا بيسكر الساعة 5 معناتا ما فيش زيارة بالليل ؟
4:هل صحيح انه ليس من الضروري استئجار حنطور للدخول للاهرامات و كم المسافة من البوابة للاهرامات مشي ؟
5: ماهي افضل السفن المتحركة و اجملها و تقدم افضل طعام ؟
6: هل المطاعم بمصر تقدم الشيشة زي المطاعم بسوريا او فقط في القهاوي ؟
7: هل توجد باصات من القاهرة للجونة او فقط من القاهرة للغردقة؟
8:سمعت ان هناك ايام محددة للعبارة السريعة من الغردقة لشرم الشيخ فهل يعرف احد ما هي الايام ؟
9:انا بصراحة ما بعرف اعوم فهل استطيع ان اعمل السنوركلينج بشرم؟
10: ايضا هل اكوا بارك بشرم العابها تتطلب ان يعرف الواحد يسبح او مش ضروري؟
يعني هل استطيع الذهاب لاكوا بارك و اللعب بالالعاب و انا لا اعرف اعوم؟
انا اسف جدا عالاسئلة الكتيرة بس يا ريت اي حدا عندو اجابة لاي سؤال يساعدني
و لكم جزيل الشكر ...........
اخوكم : دمشقي الهوى...