كيف الحال ياحبايب ماحب اطول عليكم لاكني والله توهقت وهقه مايعرف بها إلا رب العالمين
والسبب الحريم وما ادراك مالحريم
المدام الله يطول في عمرها ماسكه السنه هاذي على فرنسا وتقريبا يوم العيد ( عيد رمضان) انها تبي تروح فرنسا
ماقلنا شي بس هي تبي تروح للأرياف وانا مو متخيل الوضع فرنسا بدون باريس شرايكم ياجماعه
اضم صوتي معاها ولا شلون بالعربي الفصيح تبغى مناطق ريفيه قريبه من باريس
وعندي كم استفسار ياحبايب
1- المناطق الريفيه فيها جميع الخدمات
2- اسعار الفنادق في الأرياف اغلى ولا ارخص من باريس وكم اسعار الفنادق ابو 4 و3 نجمات
3- انواع المواصلات بالأرياف
4- شلون نروح للمناطق الريفيه اذا وصلنا باريس
5- بصراحه ماهي افضل الأماكن الريفيه
6- شنهو البرنامج الأفضل برايكم حق رحله لمدة 12 يوم
7- انا من سكان السعوديه الدمام شنهي ارخص خطوط راح احصلها في تلك الفتره سواء من الدمام ولا من مملكة البحرين وتكون دايركت
اسف على الإطاله بس المدام ازعجتني كل يوم تسألني شسويت في السفره علما بأننا شخصين فقط راسي براسها فقط