و عليكم السلام اختي
انا توني راد من تركيا قضيت نفس عدد الايام الي راح تقضينها
اذا تبين نصيحة لا تعتمدين على تقرير واحد او شخص واحد اقري اكثر من تقرير من اشخاص مختلفين تدرين الاراء تختلف و انا سويت هالشي و الحمد لله توفقت بالسفره
اذا تحبين اقولج عن بعض الاماكن الحلوة
في اسطنبول
السلطان احمد و فيه الجراند بازار >> سوق حلوو
و المتحافس و المساجد مثل المسجد الازرق و ايا صوفيا و المتحف الي فيه مقتنيات الرسول صلى الله عليه و آله و سلم
و في شارع الاستقلال >> هالشارع فيه محلات و مطاعم حلوة و اهو من احلى الاماكن الي رحتها
و عندج بعد اورتاكوي مكان حلو خاصة بليل فيه ملاهي للاطفال بسيطة بجانب كوفي شوب و كله محلات و بسطات يبيعون فيه اكسسوارات نسائية و شغلات ثانية انصحج تزورين هالمكان يوم السبت او الاحد و تستمتعين مع الهدوء خاصة الزاوية الي تطل عالبحر >>> يمه يمه >> تعبير يدل على شدة الاعجاب
اما خارج اسطنبول تقدرين تزورين جزيرة الاميرات تقضين فيها يوم كامل تروحين و ترجعين بالعبارة و هالجزيرة كل شي فيها حلوو و الاطفال راح يستانسون و انتو معاهم بعربات الحصان الي تلفكم حول الجزيرة و تشوفون المناظر الحلوة
و بورصة فيها التلفريك و الاستمتاع فوق الجبل و الشوي هناك و تقضون وقت حلوو و فيها شلال >> انا يوم رحتله ما كان ينبع خ >> فيس يبجي
بس على وقتج ما ادري شنو بيكون مستقبله !!
و عندج يالوا >>> منطقة حلوة فيها المياه المعدنية و شلال و مطعم فوق الجبل >>> اكلي فيه و ادعيلي بمكان اسمه علي بابا
و ابانت انا ما رحتلها بس وايد وايد قالولي عنها تستمتعين بالطبيعة فيها مو صج
و موفقة برحلتج ان شاء الله بس مثل ما قتلج اول مره اروح ما عندي خلفية عن الجو هناك