معقولة مافيه احد يرد

1. أما بخصوص أماكن الزيارة...

مرحبا أخوي
في عرض حلو في فندق قراند حياة 5 نجوم أنصحك به
https://artravelers.com/p/re/588664
وفي عرض ثاني لفندق السفير بقيمة 350 ريال للمفردة و400 للمزدوجة بشرط الإقامة 3 ليلي على الأقل رقمهم 0097444455333
المسافة بين الرياض والدوحة تقريباً 6 ساعات، لكن الله يعينك بتواجه زحمة عالحدود.. خويّ رجع في وسط الأسبوع علق ساعتين عالحدود من كثر الزحمة .. فالله يكون بعونك وييسر لك..

أما بخصوص أماكن الزيارة...

طبعاً سوق واقف من أهم المعالم التراثية والسياحية في قطر.. فيه تسوق ومطاعم ومأكولات شعبية ومقاهي..إلخ بس إن شاء الله يكون الجو معتدل مب رطب حتى تستمتع بوقتك فيه..
المجمعات التجارية: فيلاجيو أوسع وأكبر وأجمل ... جنبه مجمع حياة بلازا.. وبينهم حديقة عامة كبيرة وجميلة وراقية فيها بحيرة ومساحات خضراء .. وعندك كذلك على بعد 1 أو 2 كيلو حديقة الحيوان ... حديقة مرتبة تستحق الزيارة..
كذلك عندك مجمع السيتي سنتر في الخليج الغربي مع نهاية الكورنيش..
لا تنس تزور متحف الفن الإسلامي المتواجد في وسط الكورنيش... عل فكرة الكورنيش أيضاً جميل للتمشية .. وطوله 7 كيلو متر لكن المسافة المعدة للتمشية 4 كيلو تقريباً..
أكوا بارك (حديقة ألعاب مائية) أنصحك تزورها في نفس يوع العودة... لأنها متواجدة على طريق بوسمرة (الطريق إلى السعودية) .. سعر التذكرة 100 ريال للشخص..
أي استفسار آخر أنا حاضر طال عمرك...
وياهلا ومرحبا بك في بلادك.. مب الثانية.. إلا الأولى مكرر

يعطيك العافيه اخوي كفيت ووفيت

طيب اخوي هل فيه فندق يكون سعره معقول ويكون قريب من الاماكن السياحية

ياريت احد يجاوبني
هل فيه فندق يكون سعره معقول ويكون قريب من الاماكن السياحية

الله يعافيك..
أخوي العزيز... عروض الأسعار المذكورة ممتازة جداً بالنسبة للدوحة ومقاربة لأسعار فنادق 3 نجوم ونجمتين.. ممكن بتلاقي أسعار أقل لفنادق ثانية وقريبة جداً من سوق واقف لكنها دون المستوى... بتلاقيها طال عمرك في موقع بوكينق..
بالتوفيق

انصحك سويس بيل هوتيل ممتاز ب 350

بو فهد ومهندس قطري يعطيكم العافية وماقصرتو