شهرزاد111
26-08-2022 - 12:50 pm
السلام عليكم
الله يعافيكم رحلتي الى اسطنبول 9 مايو. الى12 مايو
ابي ترتيب للاماكن السياحيه الاهم فيهم لاني بس 4 ايام واليوم الرابع مو كامل بسافر فيه
والترتيب من ابدا فيه يعني اللي قريبين من بعض احطهم بيوم
واريد ان اسأل عن جزيرة اللاميرات وتل العرايس
عو عباره عن ايش وهل يسوى اروح له ومن افضل فيهم
وابي البيالات التركيه هل في مكان بعينه تنصحوني اشتري منه
وهل في شي مميز بتركيا اشتريه مثل البيالات التركيه
وجزاكم الله خيرا
الصراحه ثلاث ايام قليله على تركيا
منطقه السلطان احمد :
المسجد الازرق وايا صوفيا وقصر توب جابي كلها في مكان واحد , يعني ممكن تلفيها الصباح لين بعد الظهر , واذا خلصتي ممكن تروحين البازار يبعد تقريبا نصف كيلو من المسجد الازرق , والعصريه ممكن تروحي ميناء امينوني وتاخذيلك لفه في البوسفور ساعتين
وبرنامج اخر في منطقة السلطان احمد:
بين المسجد الازرق وايا صوفيا راح تحصلي محطه باصات سياحيه , سعر التذكره 20 يورو وصالحه لمده 24 ساعه , وتشمل على 3 جولات سياحيه
الاولى: من سلطان احمد الى ما بعد جسر البوسفور , وطبعا تمري من خلال تقسيم ( بس حاليا بعض الاماكن مغلقه في تقسيم) , واذا توقف الباص ممكن تنزلي وتتمشي بعدين ترجعي لنفس المكان وتركبي في الباص اللي بعده وتكملي المشوار معه
الثانيه: جوله حول القرن الذهبي , وممكن تنزلي في متحف ميني ترك وتتجولي فيه وبعدين تركبي في الباص اللي بعده وترجعي لمكان الانطلاق
الثالثه: وهي مسائيه وفيها تذهبي الى تل العرايس , هضبه مرتفعه تطلي فيها على مدينة اسطنبول واضواءها الجميله بالمساء
برنامج اخر: ممكن زياره المولات التجاريه مثل جواهر مول وسفير مول
برنامج اخر: زياره برج جالاتا وقصر دولما بهجه
جزيره الاميرات مارحتها صراحه .. وكثير مانصحوني فيها ( ضياع وقت)