انا ارشح لك النمسا او سويسرا
صح غالية هالدول بس بتروح رحلة شهر عسل يعني بتصير لكم ذكريات هالرحلة الى اخر العمر انشالله
ومبروك مقدما

الله يبارك فيك حبيبي ومشكور لاهتمامك
لكن سويسرا حبيبي جدا غالية وراح تكلفني كثير
وانت عارف لازم اذا رجع ما تكون يديه فاضيه
ولك خالص احترامي

اول شى مبروك ثانيا حاليا بولندا حيل رخيصه بسبب العمله طاحت النصف بسبب الازمه وبولندا حيل حلوه

الدول الاوروبية اغلى من غيرها
بس النمسا اسعارها مناسبة جدا .. وفيها طبيعة حلوة
و ممكن بلجيكا

TuRkId
اوروبا كلها غاليه نسبيا
هل تصدق انك تجد سكن مرتب بنظام الشقق ارخص من السعوديه واين في فرنسا وسويسرا
المسأله تحتاج الى تدبير وحسن تصرف في المواصلات والسكن والمصروف اليوم 0000 كل العرسان فرحانين ويسكنون في فنادق 5 نجوم ويقولون غاليه 0000 اكيد غاليه

الله يبارك فيك gdynia
ناخذ لنا جولة في النت بحثا عن بولندا ونشوف
ومشكور لتواجدك
= = = =
هو معروف اخوي sari85 ان الدول الاوروبية غالية
لكن قد تكون هناك دولة لم ينظر لها من ناحية السياحة
ومشكور لاهتمامك وتواجدك
= = = =
اخوي المزيد
طيب ياليت تفيدنا بالطريقة اللي نقدر من خلالها ناخذ لنا شقه
وتكون مرتبة وجميلة
منها راح استفيد انا وبقية الاخوان
ومشكور اخوي لتواجدك وتعليقك

اخي فعلاً التديبر وتحريك المخ والاقتصاد اهم شي يوجد في النمسا شقق في الارياف وهي الاجمل مناظر تاخذها ب 300 ريال والسياره تاخذه يمكن 120 ريال طبعاً ديزل اربع باب من نوع الاقتصادي وخذ جارمن من الرياض عربي وتوكل تمشى في كل الارياف النمساويه والسويسريه وماعندك مشكلة الاسعار رخيصه والله انها ارخص من جده وابها والشرقيه انا رحت الشرقيه في عطلة العيد الشقه فيها غرفتين وحمامين ومطبخ وصاله ب 1200 ريال لا وياريت انه شقق فخمه كانك ساكن في شقه اقل من المستوى ثلاث نجوم ماعطيها وفي جده باخذ شاليهات في العيد يقولك الشليه ثلاث ايام ب 6000 الاف ريال ومافي عندنا كلها فول والشليهات والله الحديد حقه مصدي وحالتها حاله ورطوبه وجو اعوذبالله بس اذا رحت تاخذ فندق خمس نجوم في جنيف يعني ايش تتوقع بتاخذه ب 600 ريال لازم تدفع لان خمسه نجوم حتى في الرياض اسعاره غاليه بس انت شفلك شقه نظيفة وخذها بحدود 300- 400 ريال وكذلك السياره خلاص باقي الاكل والشرب عليك بالوجبات السريعه من 7 يورو الوجبه يعني 14 يورو يعني 77 ريال انت وزوجتك في الوجبه اكل وخذ معك قطمة رز خمسه كيلو كل ماشتهيت اضبطلك ذيك الكبسه وجيب اللحم او الدجاج من كاروفور وله اي سوبرماركت كبير وخذ معك معلبات اجبان وغيره عشان الفطور وفي يوم خذولكم كم صيخ كباب واوصال من كاروفور او اي سوبرماركت كبير على كم ريش على كم شيش طاووق ورح المتنزهات الي في الجبال يوجد بها اماكن للشوي واقعد اشوي وكل ومناظر قدامك الخضار والبحيرات العجيبه الغريبه سبحان من صنعها وقمم الجبال تغطيها الثلوج والله يهنيكم ان شالله ويش تبي اكثر من كذا ( الماء - والخضره - والوجه الحسن ) ياعريس هذا نقدر نسميه شهر عسل صدق وكذا مابقا الى التمشيه والديزل حق السياره طبعاً خذ ديزل لان الديزل اوفر ويطول تعبي السياره فول 240ريال بس تقعد معك اسبوع تتمشى فيها ما تخلص لا تقول غاليه مو البنزين الي عندنا يطير في ثلاث ايام انت سفرتك كلها اسبوعين يعني تعبي ب 500 ريال وبكذا انت تكون زرت سويسره وشفت كل شي وما خسرت شي كثير اذا بتروحون لكفي شوب تقعدون تاخذ واحد كفي او كبتشينو مع كروسون ب 10 يورو يعني 50 ريال وله صلح الكفي في البيت وحطه في ثلاجه وخذ الكروسون من كارفور واطلع واقعد في اي منطقة فيها متنزهات لانها ببلاش وهي تطل على البحيرات والمناظر الخلابه بعدين ياريت تخلي النمسا معها ترا النمسا ارخص من سويسره وكذلك فيها نفس طبيعة سويسرا زلمسي بالذات وسالسبورغ

جنب النافذه
:2 4:

اخوي جنب النافذه
انا من اشد الحريصين للذهاب للنمسا لكن ما ادري ليش علما ان الكثير ازعجوني
اروح لماليزيا علشان شهر العسل !!!!
ثانيا اخوي انت تتكلم مع انسان يعتبر جديد على العالم الاوروبي وما عمري سافرت هناك
وكلامك كله صحيح ولا غبار عليه للي عارف الدولة اللي بيروح لها ويعرف مناطقها
بالاضافة الى انه متزوج له اكثر من سنة او سنتين
البنت لساتها جديده وتبي حنية ورمانسية وتبي اقول لها اطبخي !!
بعدين حبيبي انا اوجه لك نفس السؤال اللي وجهته لاخوي المزيد كيف احصل على
عروض للشقق وكيف اشوف لها صور والخدمات اللي تقدمها الشقق اذا كانت شقق فندقية ؟
والف شكر لك على تعاونك وردك
= = = =
اخوي المزيد اشوفك مستانس لقيت من يسند ظهرك