اول شي الافضل تروح لوحدك ..
و الشغاله ما اشوف لها داعي بصراحه !! و فيزتها ماراح تكون سهله ..
مدة شهر ممتازه .. بس انت ما حددت المدن او الدول اللي تبي تزورها ..
حدد خط السير اللي تبيه و بعدين نساعدك في الفنادق و وسائل المواصلات ..

أول شئ حدد نقطة البداية و النهاية و اهتماماتكم

حياك الله اخوي الكريم
انا مع الاخوان لازم نعرف امور مهمه ومنها ..
كم الميزانيه ؟ وسيلة النقل والافضل سياره لمثل هذي المخططات ؟؟
احنا حاضرين وما تحتاج ان شاء الله مكتب الا اذا تبي تحجز منهم التذاكروالفنادق لو مو حاب من النت
الطفل الله يحفظه اشوف انه متعبه عليه الرحله هذا رايي مبدئي ..
اختار انت المددن والاخوان والاخوات مايقصرون
وسؤال اخير ومهم متى موعد السفر ؟؟؟؟
واحنا جميعا بالخدمه

الله يعطيكم العافية جميعا ...
صراح المبلغ اللي عندي 70000ريال واحدنا صراح ناس نحب التسوق وممكن نزيد المبلغ اذا اعجبنا الوضع هذا اولا
ثانيا .. احنا حابين نروح تركيا .. ايطاليا .. فرنسا .. اسبانيا ..بريطانيا ان سمح الوقت
هذاا طموحنا ..لهذي الدول نبغى نعرف افضل المدن والاماكن في هذي الدول كم يوم نأخذ في كل مدينة وين نروح
مخطط حلو على ذوقكم ...من اقتراحكم
اما طفلنا صراح لابد منه ما نقدر نتركه ...
والخادمة اقصد لو اخذتها معي ما يهم تكاليف سفرها بس اقصد هل ممكن تهرب شي كذا وصراح مو اكيد اخذها بس قلنا نستفيد منها للمعاونة
والله يعطيكم العافية والسفر ممكن يكون الربيع

اولا مبلغكم شوي اذا تحبون التسوق
ثانيا ممكن تبدا من اسطنبول وتختار مديه بحيره مثل انطاكيا او انطاليا اللي بالجنوب وتطلع على فينيسيا وتروح ميلان علشان الاسواق ومن ميلان تاخذ طياره لمدريد وتطلع لبرشلونه بالقطار ثم الى باريس ومن باريس للندن
ثالثا متى مسافرين
اي شهر
رابعا الخادمه انسى تاخذها لو ماهربت مشاكلها كثير وانت بغنى عنها اذا الله مغنيك ممكن نجيب لك جليسة اطفال لولدك وتكون اوربيه وترتاح انت من المشاكل
وبالتوفيق

الله يعطيك العافيه ويجزاك خير
مو مشكلة ممكن ازيد المبلغ بس هل سبعين ألف تكفيني للتنقل والفنادق يعني تغطي برنامج السياحة او يلزمني زيادة وكم ممكن ازيدها
والتسوق نخلي له مبلغ خاص ..وانا بسافر اذا اراد الله ربيع ثاني.. او جماد اول.. يعني بداية مارس او ابريل ان شاء الله
حسب ما يعطيني العمل الاجازة
مخطط ممتاز ... اخوي الله يجزاك خير
وانتظر المزيد من الاخوان

وعليكم السلام و رحمه الله و بركاته
أهلا بك أخي الكريم
قبل كل شي أنا أشوف الخدامة أبدا مالها داعي و خصوصا إذا بتسكنون في فنادق مش شقق
أتوقع المبلغ جيد لشهر كامل حتى مع التسوق وبصراحة على الأغلب يعتمد على الأشخاص وكيف طريقة صرفهم
و في شهر 4 الجو إن شاءالله جميل بارد فخذوا أحتاطاتكم خصوصا البيبي الله يحفظة
و ممكن خلال الشهر تزورون أربع إلى خمس دول،، أتنوعون ما بين المدن
و القرى و الطبيعة و غيرها عشان ما تملون
كل دولة 7 أيام ممتاز جدا

لو بديتوا من تركيا ممكن تزورون (أسطنبول - يلوا - بورصة) 7 أيام
بالطيارة إلى ايطاليا
ايطاليا ( روما - فلورنسا- فنيسيا- ميلان) 7 أيام
سويسرا ( أنترلاكن- جنيف) 7 أيام
فرنسا (باريس و ما جاورها) 7 أيام
بريطانيا ( لندن) 7 أيام
التنقل ممكن يكون بالقطار أو السيارة
شركة تأجير السيارات في أوروبا
http://www.europcar.com/EBE/module/dispatch/dispatch.jsp
و العودة من لندن
طبعن هذا مخطط مبدئي قابل للتغير و الاخوان و الأخوات الخبراء بيفدونك حول مخطط أفضل
بالتوفيق

الله يعطيك العافية اخوي
مخططك رائع .. وننتظر المزيد من الاخوان