الاطخم
24-07-2022 - 09:32 pm
السلام عليكم ..
حبابيي ما راح اطول ..
انا بتزوج في شهر فبراير 2011 في يوم 3 بالظبط .. وفي يوم 4 فبراير راح اسافر شهر العسل لاسبانيا وراح اجلس فيها 10 ايام تقريبا .. تقريبا برجع في 15 فبراير ..
وبجلس في مدينتين فقط مدريد وفالنسيا ..
الاسئله اللي ابي اجوبتها :
1 - وش المتطلبات عشان اطلع الفيزا ( فيزا اسبانيا ) وهل اقدر اطلعها وانا في المنطقه الشرقيه بالخبر .. ؟؟
2 - وش راح يكون جو اسبانيا في فبراير .. ؟؟ انا سمعت انها بتكون بارده وبردها محتمل شوي وحبيت اتأكد منكم لانكم اهل الخبره !!
3 - انا راح اسكن في فنادق 4 نجوم وراح اجلس في كل مدينه 5 ايام فقط .. كم تقريبا بيكلفني الباكيج تقريبا ؟
4 - كم تقريبا يكفيني فلوس ك ( مصرف ) مع العلم ماراح اتسوق ابدا يعني ملابس وهذي الخرابيط ماراح اشتري ابدا .. يعني راح اشتري الاشياء الضروريه .
5 - كيف احصل على تذاكر الميترو ؟
6 - وش افضل وسيلة نقل توصلني الى فالنسيا .. وكيف اخذها ؟
والله اسف على الاسئله الكثيره .. بس والله العظيم شايل هم السفره بشكل غير طبيعي لاني ماسافرت بحياتي لدوله اوروبيه ..
ارجوكم ساعدوني والله محتاج مساعدتكم ..
انا عندي تعليق .. فالنسيا على كلام اللي راحوا لها ممله ومافيها شي غير مدينة العلوم والفن .. يعني تقديري ان يومين كافيه وزيادة عليها.. ليه ماتخلي الرحلة مدريد ليالي وبرشلونة ليالي وفالنسيا ليلتين ولو تدخل جزر الكناري ليلتين بحكم انكم بشهر العسل ؟
إلا إذا بخاطركم مباريات وشغلات معينة عاد مالي دخل
متطلبات الفيزا مكتوبة بموضوع مثبت بالمنتدى ولكن مايمنع اني اعيدها وهي:
- تعبئة استمارة طلب الفيزا
- صورتين ملونات بدون شماغ للرجل ، وصورتين بالحجاب عادي للمرأة
-صورة الجواز
-كشف حساب اصلي مختوم من البنك لآخر ستة شهور
-تعريف من جهة العمل موضح فيه الراتب والمسمى الوظيفي ويفضل فيه رقم الجواز باللغة الانجليزية
- تأمين طبي للجميع يغطي مدة السفر
-تذاكر الطيران
-فاكس من الفنادق اللي بتسكن فيها لوكنت حاجز عن طريق مكتب سياحي .. أو ايميلات تأكيد الحجز من مواقع الحجز لو كنت حاجز بنفسك من موقع مثل booking.comتودي هالاوراق كلها مع الجوازات بعد ما تتصل عليهم تاخذ موعد قبل ... بياخذون الجوازات ويقولون تعال بكره استلمها .. وبعد اسبوعين ترجع تجيب الجوازات وتاخذها الظهر جاهزة بالفيزا .... وأعتقد ان سفارة اسبانيا شددوا مؤخرا بضرورة حضور صاحب الفيزا بنفسه لمراجعة الطلب ... بس لو سألتهم وقلت لهم انك بالشرقية شف وش ممكن يقولون لك .. رقمهم موجود بالموضوع المثبت ..
أما عن الجو فيه موقع ممتاز دايم احط رابطه بس الآن انا بالجوال وما اقدر انسخ لنكات .. بتلقاه في رد من ردودي بموضوع لوحده بهالمنتدى كان عنوان موضوعها وش اسوي كيف اعرف الجو أو شي زي كذا
والسكن اتصور الليلة تطلع لك بمتوسط يورو كقيمة قابلة للاسترجاع بدون افطار .. والا انت وحظك يمكن في البرد تلقى ارخص وخصوصا انك بتحجز بدري .. بس نصيحة لا تتوهق وتحجز حجز غير قابل للاسترداد بإعتبار السعر ارخص .. لأن السفارة توهق ويمكن تأجل شي والا تلقى شي أفضل بعدين وانت خلاص حجزت ودفعت حرام..
وشيك على الاوتيلات واسعارها في مواقع الحجز مثل بوكينق و hotels.com
اتوقع معدل الصرف اليومي يورو بالتمشيات للشخص ..
والمترو فيه مكاتب تذاكر عنده وفيه تذاكر للسياح تقدر تقطعها بحيث تغطي يومين او ثلاثه أو اربعه بحيث تطلع لك اوفر وتغطي المده مهما كانت عدد مرات استخدامك له .... علما بأن المترو موجود بمدريد وبرشلونه وغير موجود بجنوب اسبانيا ملقا وماربيا وماجاورهما ...وش بقى؟ تقول وش افضل طريقه للسفر .. هم يقولون استئجار سيارة اونس وافضل تتمشى على كيفك .. بس بما انك منت رايح للجنوب اتوقع افضل وأسرع طريقه هي الطائرة وعندك خطوط ryan air رخيصة واسرع واتوقع اوفر من القطار اللي أتوقع انه بيكون أجمل..
ختاما اتمنى اكون افدتك ولو بشي بسيط .. وألف ألف مبروك الله يسعدكم ويهنيكم يارب..