السلام عليكم انا من اشد المتابعين لهذا الموقع الاكثر من ناجح والحمد لله استفدت الكثير من المعلومات المفيده من الاخوان المشاركين ورحلاتهم المشوقه الممتعه وبعد
ولا اريد ان اطيل عليكم وان لاتكون مشاركتي ثقيله عليكم لكن من شدة قهري كتبت لكم انا قدمت تاشيرات كثيره وسافرت كثير لكن ماصار لي مواقف مع سفارات ولا مشاكل الحمد لله ولكن حدثت معاناتي مع السفاره الاسبانية ذهبت لهم واوراقي كامله الفندف الحجز مع الايميل من الفندق وصور الجوازات مع السفرات السابقه في دول الشنجن والتامين الصحي لكل فرد من العائله ومغطى اكثر من الفتره اللي بسافر فيها مع التذاكر الاصل والتعريف بالراتب وكشف الحساب 6 اشهر اكثر من المطلوب لكن مع كل هذا ومع اني حريص جداً واجهتني مشاكل مع اللبنانية اللي تاخذ الاوراق اولاً رفعت صوتها بلغة انجليزية بطريقة استهزاء وقالت روح رتب اوراقك قلت له كيف ارتبها رفعت صوتها مره ثانية وقالت ماتشوف الورقه اللي على الطاوله وبعدها التفتت الى زميلتها وتكلمت بالاسباني مع العلم انها تتحدث العربية وبطلاقة وبعد ذلك قرئت الورقة ومافهمت انجليزي وسئلتها قالت باستهزاء هذي مشكلتك ماتعرف تقرى انجليزي وساعدني احد الاخوان الله يجزاه الخير وشرح لي طريقة الترتيب وتعليمات الترتيب ورتبتها ورجعت لها وكبت الاوراق مره ثانية وقالت رتبها مره ثانية مع التعريف قلت تفضلي التعريف قالت لا ارجع رتبها وارجع لي ورتبتها للمره الثالثة وصرخت في وجهي قالت ليش مدبس الصوره مع الاستماره قالت فك الصور (انا لله وانا اليه راجعون) الغريب ان اللي قبلي مدبس الصور وماقالت شي له ليش انا منحوس وبعد هذا المسلسل المكسيكي الطويل اخذت نسخة من الفندق الاخير اللي بسكنها في برشلونه ماخذت صورة فندق مدريد اللي كتبناه في الابليكشن وبنسكنه في البداية وسئلتها ليش ماخذتيه قالت انت ماتعلمني شغلي اقسم بالله العظيم اني اعاملها باحترام وابتسامه على وجهي وهي تعاملني بوقاحه واخذت الفلوس ورمت باقي الفلوس على الطاوله بطريقة مستفزه وقالت راجعنا بكره وخذ جوازك ،،،،،،،،،،،،،،، بعد كل الاهانه اريد حل لرد كرامتي وتاديب هذه السيده احترامنا كما نحترمها لانها تعاملنا كسعوديين بطريقة مستفزه وتعامل اللبنانين والاجانب بطريقة مهذبه والله هذا اللي شفته و للاسف هذي تمثل السفاره الاسبانية واللي بيقهر والمصيبه بعد ماطلعت من السفارة قال لي ظابط جاء يستلم جوازه انها تستلم رشاوي وعملو السفاره معها تحقيق الاسبوع اللي راح طيب ليش مستمره مفي احد غيرها في هذا المكان انا عارف اني طولت عليكم لكن ابغى نصيحة