only drem
ج1 : من ناحية الامن ما تفرق انك جيتي اول مره ولا خامس مره .
ج2 : 1/ لامب صعب , 2/ ايجار الشقه في لندن نار , 3/ اغلب اللي مبتعثين للندن يحتاجون مصروف اكثر من المكافئه اللي يعطونه اياه التعليم العالي .
ج3 : يس ,, تقدرون
ج4 : مااعرف بصراحه , معلوماتي عن لندن بسيطه .
بس على فكره ترى لو بغيتي تروحين مع زوجك , يزيدون المكافئه له ,, يعني لو راح الحاله بياخذ 850 لكن لو راح معك بتاخذون 1500 باوند ,,

افضل ان زوجك يروح قبل يشوف الوضع ويامن السكن ,,,,بعدين انتى تروحى له او يجى ياخذك اغلبيه المبتعثين يسوون كذا ’’’’’
احسن لك من البهذله معاه بالبدايه ,,,اعرف وحده جابها زوجها هى وبزرانها وهو على عماه وتوهق فيهم وخلاها تنام عند زوجه واحد يعرفه ,,,,تخلى بس موقفها !!!بقوة يفشل ,,,,
وانشالله الاخوان يجاوبونك على اسئلتك لان خبرتى بلندن سياحه وليس اكثر ,,,

السلام عليكم
اختي الامر سهل جدا. مريت بهذي التجربه والحمد لله الامور تيسرت. الشقق بتكون اسعارها مناسبه لانكم بتجلسون اكثر من 6 شهور. وبتحصلن اسعار كويسه اذا ابتعدتو عن وسط لندن مثل منطقة اكتون اللي فيها اكاديمية الملك فهد وبكذا تكونون قريبين من المدرسه اذا عندكم عيال. من ناحية الترتيبات فهي تحتاج بعض الاوراق ويمكن تحتاج اسبوعين عشان تنتقلون للشقه. افضل انه يسبقكم ويضبط الشقه ومدارس الاولاد. بعدين في مدارس سعوديه تدرس المنهج السعودي. انا ما ادري ايش تفكيره بس اذا احتاج معلومات انا حاضر.
بالتوفيق ان شاء الله

خليك مع شاين ستار ولا يهونون باقي الشباب وماعليك خلاف.
أنا مريت بنفس التجربه وخذت زوجتي معي واولادي وتبهذلنا في البدايه لين قلنا أمين وأظطرينا ناخذ شقه بأول سعر قالوه عشان نفتك من نار الفندق هذا وحنا بالشمال فما بالك بلندن.
لكن الأفضل لك أنت والاريح لزوجك نفسيآ تقوليله روح يابو فلان شوف وش أنت عليه وحنا بنحتريك هنيه أذا زينت لنا شقه ولقيت مكان لنا يناسبنا ترجع تاخذنا.
والله يحفظكم جميع يارب.

the sunrise مشكور وماقصرت الله يعطيك العافيه ...
قصيده مسافر يعطيك العافيه بس اخاف يروح ولا يرجع همن اتوهق..
shine_star66 يعطيك العافيه .. وهو هذا رأيه يروح ويشوف الوضع,, 50% بيرتب الوضع وياخذنا و 50% ان الوضع مايناسب ولا ياخذنا !! كيف هذي ابي اقتنع فيها ماقدرت !!! وبالنسبه للاطفال ماعندنا الا طفل عمره سنه مانحتاج مدارس يعني ... بس اللي ابي اعرفه اذا ممكن عن سعر الشقه في حدود كم يعني ؟؟
clouds rider ماقصرت اخوي وهذا كمان رأي بو فلان بس انا رأيي عكسه لان الغربه والبعد تخوف ... بس بسألك عن طبيعة الحياه بلندن هل هي صعبه بالنسبه للي عندهم طفل هل ممكن نتدبر امورنا بسهوله والا بنشغل ابونا عن دراسته وهل المكأفأة الشهريه تكفي المصاريف ؟؟ وفي حالة ان المكأفأه ماتكفي كم مقدار الزياده الي ممكن انها تكفينا ؟؟

اختي ان شاء الله بياخذكم لان الامر جدا عادي والاسعار تترواح من 200 الى 400 باوند بالاسبوع لشقه غرفتين والمعيشه 500 باوند بالشهر بتكفي اذا بتقتصدون.

لا تخافين اصلا بيتبهذل من غيرك بسرعه بيدبر سكن ويضبط امورة ويجيبك ,,,لا تخافين انا مجربه خ

shine_star66 مشكوره اخوي بس اذا الاجار في الاسبوع يتراوح مابين 200 الى 400 اجل بالشهر كم يطلع !!؟؟ ماراح يبقى شي من المكافأه !!
قصيده سفر مشكوره اختى وانشالله يوفي بكلامه بس تعرفين الرجال يحبون العزوبيه

أعتقد المتزوج يعطونه مكافأه أكثر من العزابي بس والله مدري كم. أول ما تجون راح تتعبون شوي ماديآ ألين تعرفون الأماكن الرخيصه و تتعود على التوفير بعدين أموركم بتمشي تمام بأذن الله. بس لازم تتعلمي تقتصدي وكل شي تسوينه بالبيت لأن ماعندكم دخل الا المكافأه ومافيه احد حولكم يفزع مثل البلد ودائمآ أهتمي بالطفل ودفيه ووفريه الادويه العتاده له حتى ماتظطرين كل مره تخلين زوجك يروح المستشفى او الصيدليه.
شوفي أكيد وضعه ما راح يكون مثل وضع العزابي ماهو شايل الا هم نفسه يعني راح يكون دايم خايف عليكم وتطاعيم وورع سخن وحفايظ ههه وحليب .بس لازم تجربون وفيه طلبه واجد هنا مع أهلهم ليتهم يشاركونا تجاربهم لأني مبتعث وأنا موظف مو طالب ووضعي يختلف عن الطلبه. بس أنا شخصيآ لازم أولادي وزوجتي يكونوا معايه ولا ما أرتاح .
الله يخليكم لبعض ويسهل أموركم بس لا تاخذين الأمور بتعسف ولازم تتفهمين خوف زوجك من الغربه وكلنا في البدايه كنا خايفين مثله خاصه أذا السالفه فيها عايله. يعني الواحد وده أذا الشغله فيها مرمطه وتعب يأخذها لحاله. وحاولي تقنعينه أنه يروح يدور سكن ويرجع ياخذكم فهي أفضل فكره. وأعتقد لو تزوري منتدى الطلبه السعوديين في بريطانيا راح يفيدونك لأني شفت بعضهم مع أهلهم وواحد يطلب محل يبيع هريس يقول زوجته متوحمه على هريس ههه الله يعينهم .
أتمنى لك ولزوجك التوفيق والسعاده.
دمتي بود