السلام عليكم اخوي
اولا: الف مبروك والله يتمم عليك
ثانيا: وفقت بجنوب افريقيا وانصحك بما انه شهر عسل ان تدرج في سير رحلتك جزر موريشوس اذا كانت مزانتيك تسمح لانها تصلح للعرسان
ثالثا:يااخي كلا له مزاج في السفر فمن الصعب احد يخطط لك فقد لاتريد غير مايريده الاخرون
رابعا:البوابه مليئه بكل شي اعمل بحث بالمواضيع المميزه مثل الكاتب دوراك واظن عبدالله محمد قضى شهر عسله هناك قد يفيدك خط سيره
واتمنى لك التوفيق

ice cream
المعذره
وآسف على التطفل
ولكن للإيضاح لم يكن شهر عسل

15 يوم
ابي تنصحوني بجدول رحله لجنوب افريقيا ( يشمل المناطق) يعني اول منطقه وكم يوم اجلس فيها
بعدها انتقل الى المنطقه الاخرى بالطريقه الفلانيه وكم يوم اقعد فيها بعدها انتقل الى المنطقه الفلانيه
وكم يوم اجلس فيها .... الخ
5يوم
تطلع الطياره وتنزل في كيب تاون وتجلس 9 أيام
وبعدها تستأجر سياره وتروح لمنطقة الجاردن روت ( مدينة ولدرنس )وتجلس 3 أيام
وبعدها تسلم السياره وتحجز بالطياره من مطار جورج (بين هالمطار وولدرنس ربع ساعه بالسياره ) إلى جوهانسبيرغ ومنها بالتاكسي إلى صن سيتي وتجلس 3 أيام وترجع بعدها بالتاكسي الى جوهانسبيرغ
ويا أنك تطلع من جوهانسبيرغ على بلدك أو تأخذ رحله داخليه إلى كيب تاون وتطلع من هناك

مشكور مشرفنا العزيز الي ماشالله عليك ما ادش موضوع الا مثريه بخبرتك ((عيني عليك بارده))
سؤالين مهمين جدا جدا
1- كم تستغرق الرحله من الخليج الى ج افريقيا ((تحديدا الكويت او اذا قلنا ترانزيت من دبي بوظبيالبحرين ..الخ ))
2- هل اقدر اقسم وقت الرحله بين الدول (( يعني انزل ترانزيت كذا دوله يومين ولا ثلاثه عشان الرحله ماتكون طويله))
ومشكورين وما قصرتوا

هلا أخوي هذا واجبنا ونتشرف فيه
1- كم تستغرق الرحله من الخليج الى ج افريقيا ((تحديدا الكويت او اذا قلنا ترانزيت من دبي بوظبيالبحرين ..الخ ))
من دبي ست ساعات الى سبعه
2- هل اقدر اقسم وقت الرحله بين الدول (( يعني انزل ترانزيت كذا دوله يومين ولا ثلاثه عشان الرحله ماتكون طويله))
أنزل في دبي يوم وبعدها أطلع دايركت

عبدالله بن محمد طمنتني ياخوك... لانه حسب قراتي لمواضيع بعض الاخوه انه الطريق ياخذله 9 الى 10 ساعات
ناخذها حبه حبه (( طول بالك علي شوي ))
بدايه من وصولي لجنوب افريقيا
1- وصولي لكيب تاون (9 ايام)
النقل بسياره............. اذا انا مابي اسوق سياره شلون وكم تاخذ وقت رحلة السياره و هل يوجد خط طيران بين كيب تاون والجاردن روت
2- الجاردن روت لمدينه ولدرنس (3 ايام)
النقل بطياره
3-جوهانسبيرغ منها لصن سيتي
النقل بسياره
4- صن سيتي (3 ايام)
النقل بسياره......... الرحله كم تستغرق من الوقت
5- جوهانسبيرغ منها الى كيب تاون ومنها رحلة العوده
الوكاد...... لو انه اول محطه لي كانت جوهانسبيرغ شالطريقه ؟؟؟
وياخوك انا سالفة السياره مابيها لسبب اني عريس جديد ومو وقته اضيع الطريق حتى لو عندي خريطه
يعني ابي اتفرغ حق المدام ((ومثلك عارف الوااحد في شهر العسل يبي كل شي مضمون 100 %))
المقصد ابي الراحه في كل شي
شتقول ياطويل العمر ؟؟

1. شوف ياعريس

disperado
إذا بتسمحلي أنا بنوب عن أخوي عبدالله لأني جالس أرتب الحين لسفرتي وإن شاء زي ماستفدت من الشباب أقدر أفيدك

شوف ياعريس

أنت بتطلع من دبي مثلاً حسب كلام أخوي عبدالله على كيب تاون بالطيارة وبتقعد 9 أيام تتمشى في كيب تاون
بعدها بتطلع من كيب تاون للجاردن روت وهي منطقة وتقع فيها مدينة ولدرنس (زي مانقول في المنطقة الشرقية عندنا فيها مدن الدمام والخبر وغيرها فالوردنس تقع في الجاردن روت) طبعاً أنت بتاخذ طيران داخلي من كيب تاون إلى مطار جورج في الجاردن روت ومن المطار تاخذ سيارة للوردنس وتقعد فيها 3 أيام
ومن مطار جورج نفسه تاخذ رحلة داخلية لجوهانسبرج ومنها تاخذ سيارة لصن ستي الرحلة تستغرق ساعتين تقريباً وتقعد في صن سيتي 3 أيام وبعدها أفضل لك من جوهانسبرج تروح لديرتك لأنه غالباً في رحلات من جوهانسبرج لدبي والسعودية أو تروح لكيب تاون ومنها لديرتك

• في حالة أنك مالقيت ذهاب إلى كيب تاون مباشرة فعندها قدامك أحد أمرين :-

1- من جوهانسبرج تاخذ رحلة داخلية لكيب تاون وتكمل الجدول نفسه.
2- تنزل في جوهانسبرج وتروح صن سيتي بالسيارة وبعدها تاخذ رحلة داخلية لكيب تاون وتخلص كيب تاون والجاردن روت كما سبق اتفقنا والعودة من مطارج جورج إلى جوهانسبرج ومنها إلى ديرتك
مبروك مقدماً والله يجمع بينكم بالخير ويوفقكم
ولا تنسانا من الدعاء وأي أستفسار كمايقول أخوي عبدالله لا يردك ألا الكيبورد

الرايق
الله يطول بعمرك انشالله ويسلمك مشكور يالغالي على هالاثراء والدعاء
افهم من كلامك انه ممكن احصل رحله دايركت من دبي الى كيب تاون.. وممكن ديركت الى جوهانسبيرغ
السؤال... الي اعرفه انه(( الوصول من ديرتي مثلا لكيب تاون.. الذهاب لديرتي من كيب تاون)) شالحل؟؟
بالنسبه للحجز للطيران الداخلي هل احجز من ديرتي ولا من هناك ؟؟
يا اخوان لما تقولون تاخذ سياره ماذا تقصدون... ااجر سياره وانا اسوقها او اخذ تاكسي ؟؟
مره اخرى مشكور اخوي وما قصرت
وفي انتظار المزين من المعلومات

السلام عليكم
اخوكم دوراكم يحييكم ويسعده مساعدة الاخ عبدالله بن محمد والاخرين على الاجابة ولكن للاسف لا استطيع التواجد الدائم في المنتدى وذلك لانشغالي باعمالي الخاصة
بالنسبة للرحلة من دبي الى جوهانسبرغ 8 ساعات و10 دقائق
اما الى كيب تاون 9 ساعات و 50 دقيقة
بالنسبة للطيران من كيب تاون الى الجاردن رووت -مطار جورج- ما انصح فيه لانك ستضيع عليك متعة الطريق وخاصة انك رايح شهر عسل والطريق مناظره رومانسية وخلابة
حجز الطيران الداخلي من ديرتك افضل لانك من هناك ستفاجا بغلاء الاسعار والفرق كبير
بعد تجربة جميع وسائل المواصلات وجدت ان افضل طريقة هي ان تساجر سيارة وتسوقها بنفسك والموضوع سهل جدا
وبصراحة اذا كنت تقدر تسوق في الكويت معناها تقدر تسوق في اي مكان في العالم ماشاء الله عليكم انا ما اقدر اسوق في ديرتكم انا اصلا اذا ركبت تاكسي عندكم اغمض عيني من الخوف عموما اذا استاجرت قارمن ما راح تضيع ولا شيء والربع هناك متساعدين جدا
ومعليش لازم اروح الان