خالد 2007
وبخصوص تساؤلك عليك بزيارة الرابط التالي
^^ سوربايا & تريتس^^*** نحوالعاصمة الجديدة https://artravelers.com/p/re/80632">https://artravelers.com/p/re/80632
وفي الرابط التالي بتلقي جميع استفساراتك عن اندونيسيا
سحر الطبيعه الاستوائيه
https://artravelers.com
تقبلوا تحيتي

خالد 2007 .. يا غالي كلامك حوسه .. ما أدري وش تبي بالضبط .. اللي فهمته أنك تبغى سواق في جاكرتا ثقة ويكون معاك على طول .. لكن أخوي الغالي مشرفنا العزيز T w i n s X فهم أنك تبغى معلومات عن سورابايا .. إذا تتكرم وتعطينا المطلوب بالضبط .. إذا في جاكرتا هذا رقم سواق يتكلم عربي وثقة ويتعامل مع الأسر العربية كثيراً واسمه نجيب وهذا رقمه (006281383091817) .. في حالة اتصالك عليه من داخل جاكرتا احذف 0062 وأضف صفر قبل الثمانية وكمل اتصالك.
ألف مبروك على الزواج .. وإذا نقدر نخدمك بشيء أنا حاضر.
رحلة سعيدة بإذن الله.
وتقبل خالص التحية.

اخوي خالد راسلني على الخاص انا جالس اجهز جدول لي واللعائلة بس بالصيف ويمكن افيدك كثيرر لاني بصراحه مثل كنت اسافر بس عزوبي وها المرة بالعائلة اختلف على كل شيء بس الاخوان ماقصروو + اتصالاتي على اندونيسا خساير لليل بس اهم شيء العائلة تنبسط هناك
وفيك تروح للموضوعي وتشوف الجدول واذا اعجبك راسلني على الخاص

ونصحتي لك اخوي خالد لا تروح لسربايا خلك بنجاك وبندوق وبقور وخذ لك كم يومين بالجزيرة وانصحك لازم تعمل جدول تمشي عليه بس عشان ما تتوهق

نجم الليل
اخوي نجم الله يبارك فيك بخصوص الزواج ,,,,
اخوي نجم ما استغني عن المساعده وانا اخوك الكلام المفيد
انا بنزل جاكرتا بعد اسبوعين مفهوم مفهوم وما اعرف هناك الفنادق الرخيصه الغه ما هناش شي يعني
ما اعرف انقلش اريد سواق علي طول يكون معي يتكلم عربي ينتظرني بالمطار يعني 0
ويكون المرشد لي عن الاماكن وبيكون عندي خلفيه شوي عن الاماكن اباخذه من المنتدا
يعني اسعارهم اخوي نجم بحدود كم السواق اخذه يوميه وهل تنصحن اخذه بيوميه
وهل اصرف دولارات ام اخذ معي الصرافه افضل0؟؟؟
ارجو الاجابه اخوي نجم علي الكم سوعال لو اثقلنا عليك وتوبه بعده ما اسعل

أخوي خالد 2007 .. في جاكرتا لست بحاجة لسائق، فالتكاسي متوفرة بكل مكان، وأسعار العداد رخيصة وليس لديك أي مشكلة، وبالعكس أرخص من أن تأخذ السائق الخاص.
لذا أنصحك بالسائق الخاص يكون معك إذا خرجت خارج جاكرتا .. مثلاً في الجبل بنجاك ومدينة باندونق اللتان أنصحك بزيارتهما لمناسبتهما للعوائل .. وخاصة باندونق لشهر عسل.
وإذا كنت عازم على إحضار سائق خاص، فأنصحك بالرجل الذي أعطيتك رقمه، وعلى ظمانتي الشخصية، كل المطلوب ستجده به.
ويومية السائقين تتراوح من 300 350 ألف روبيه .. والله الله بالمكاسر طال عمرك.
وبالنسبة للفنادق الرخيصة والمناسبة للعوائل، أنصحك ب ( دوسيت منقادوا ) وأيضاً ب (تشيوباترا) .. وإن أردت شقق فندقية خمسة نجوم فندق (استون سوديرمان).
أي سؤال ثاني حاضرين طال عمرك.
رحلة سعيدة.

نجم الليل
اخوي نجم ما عليش طال عمرك تحملن شوي السواق الي انت اوصيتن عليه كلمته قبل شوي
يقول السعر 400 وعليه البنزين داخل جاكرتا اما خارج جاكرتا علي كذا ما فيه مشكل
لكن سعره طاير حاولت معه 300 رفض يقول اجار السيارة 250 والباقي لي
اشرايك طال عمرك استفسار صغير الفنادق الرخيصه الي انت تقول بكم بتكون بريال ولموخذه
ومشكور اخوي نجم لتحملك جنابي

اخوي نجم انا ما نب فاكك لحين تحطلي جدول ل تقريبا 12 يوم ابقضيها بجاكرتا والجبل والمناطق القريبه
مع الفنادق ارخص شي اخوك مطفر قضي علي العرس ,,,,
والله يجزاك خير ويكثر من امثالك,,,, عشان اجيبلك هديه

1. أخوي الغالي خالد

أخوي خالد 2007 .. ما دام الموضوع فيه هدية بتجيبها لي أبشر بسعدك طال عمرك
أخوي خالد .. السواق اللي أعطيتك ممتاز جداً .. وعلى ضمانتي الشخصية .. وهو رجل يحسن التعامل مع العوائل العربية ومعتاد على عاداتها وتقاليدها وأعرفه وأعرف حتى جماعته ويتكلم اللغة العربية بدرجة رائعة .. ومن الممكن أن يعمل لك برنامج سياحي، ويعطيك إياه قبل الذهاب بك لأي مكان .. نصيحتي اتفق معه على 400 ألف روبيه .. أحسن ما توفر 50 ألف روبيه مع واحد ما يستاهل .. وما راح تحصل أقل من 350 ألف روبيه إلا بغير الموسم .. نصيحتي اتفق معه واقضي شهر عسل مستقر وهادئ وسعيد بإذن الله.
أخوي خالد .. الآن إندونيسيا ارتفعت أسعار الفنادق لأن موسم الصيف دخل .. علشان كذا أنصحك تبعد عن السكن في جاكرتا لأن فنادقها غالية .. وهي مدينة مزدحمة ومملة .. فقط أسواقها الجميلة وبعض الأماكن السياحية .. وهي تصلح للعزاب أكثر من العوائل .. فنصيحتي لديك الجبل بنجاك ومدينة باندونق .. بالغتا الروعة.
فنصيحتي ركز على الجبل بنجاك وباندونق فقط .. واترك جاكرتا لأيام معدودة.

أخوي الغالي خالد

هذه الصفحة تجد بها كل ما يسرك من الأماكن السياحية وبالصور أيضاً مع كل الأنظمة والقوانين التي عليك اتباعها .. أدخل وتأمل وصمم برنامجك على كيف كيفك .. وأنصحك تجعل (3) الأيام الأولى لجاكرتا .. (3) الأيام التالية للجبل بنجاك .. (3) الأيام التالية لباندونق .. (3) الأيام الأخيرة لجاكرتا .. وهذه هي الصفحة:
وإن شاء الله رحلة سعيدة
وأي سؤال آخر .. أنا حاضر .. فقط اسأل.
وتقبل خالص التحية والتقدير والاحترام.