ارجوا نقل الموضوع لقسم الاستفسارات
بإنتظاركم

وعليكم السلام ورحمة الله وبركاته
الاربع ايام حقت جنيف شل منها يومين وحطها في انترلاكن .. والسكن اسكن في لوزان او ديفون افضل وارخص
وبعد انترلاكن تقدر تنزل مباشرة على ميلان مروراً ب لوقانو .. ومن ميلان تقدر تطلع بالقطار على فينيسيا ساعتين ونص
والف مبروك مقدما

الله يبارك فيك اخويممكن فكره بحطها بعين الاعتبار شكرا جدا مواقف السيارات تاخذ رسوم واجد و شلون ؟؟! و تتوقعون بمر بطرق بالأجره كثيره ؟؟
انتظر أرآء البقيه ..

دامك بتسلم السيارة بميلان فأمورك طيبه لان ايطاليا كل ماتطلع خط سريع تلقى شباك وادفع
ومواقف السيارات العامة ماهي غاليه اظن يورو او 2 يورو
اما الفنادق اللي ماتوفر مواقف مجانية تعطيك مواقف بفلوس توصل احيانا 30 يورو لليوم

والله محتاجكم ضروري بحجز هاليومين
في اقتراحات تحسن من خط السير آو مكان يفضل ازوره ؟؟

شف اخوي .. الاماكن كثيرة .. وكلها على حسب رغبتك .. انت وش تبي .. أرياف ولا مدن .. تبي جبال ومروج خضرا .. ولا شواطىء وساحل

ابي التنوع و بنفس الوقت ما تكون بالحيل متعبه
يعني باريس تختصر الشوبنق و الاجواء الحلوه
انسي جميله عندي شعور بتعجب المدام جنيف و ديفون و منترو و ايفيان نهائيا ما افقه فيها
و انترلاكن طبيعه و خضار فينيسيا رغبة المدام مع اني اشوف انها بعيده و ما تستاهل ؟؟!
و كنت بمر زيلامسي بس بعيدة و روما انا ودي امرها كم يوم
وش رأيك انت ؟؟!!

انت ماشاء الله مخصص 3 اسابيع يعني يمديك بإذن الله
خل وصولك على ميلان واقعد كم يوم ومنها تقدر تزور فينيسيا وترجع او حتى تبات فيها ليلها دامها بالخاطر ..
اخر يوم بميلان استأجر سيارة واطلع لوقانو ومنها على انترلاكن كم يوم
وبعدها لوزان يومين ثلاثه .. من لوزان تقدر تزور جنيف وانسي
وسلم السيارة في جنيف واطلع بالقطار على باريس والعودة منها

حبيب قلبي
أخونا تاب ما قصّر
السؤال اللي يطرح نفسه
هل حجزت ولا لا ؟
لإن تخطيطك بإعتقادي مقلوب بعض الشيء
إنزل ع روما
والعودة من باريس
البرنامج كالتالي
روما
البندقيّة
ميلان
ليوقانو
( كل مشاوريك بالقطار وممكن طيران لو تبي الراحة )
توصل ليقانو
تاخذ السيارة منها
وتسلمها في جنيف
وخلال كل هذه الفترة
تكون السيارة معاك تخلص كل امورك الخاصة بالطبيعة والمرتفعات
إنترلاكن وآنسي ولوزان و الكثير
حتّى لو حبيت تضرب مشوار لزيلامسي عادي براحتك
الأهم
السيارة تاخذها من ليوقانوا ( لوقانو )
وتسلميها بجنيق القسم لاسويسري عشان تكون الأسعار طيبة ولا ياخذون رسوم تسليم في دولة ثانية
وتختم طبعا بباريس اللي تروح لها قطار أو طيران
شخصيا ، أميل إلى إنّك تلغي روما
لكن إذا ما عندك مشكلة مع الوقت وكذلك الأسعار
أفعل ما تشاء
يمكنك كذلك
وببساطة
وأريح لك
تآخذ سيارة من روما
وتسلمها في باريس
بس عاد الله يعينك على الحسبة
موفق ومبرووك مقدما يا عريس