اهلا اختي الكريمة ..
شهر 8 (اغسطس ) هو نهاية البرد تقريباً لكن الجو يكون بارد
ودرجات الحرارة تكون بحدود 10 درجة وحتى 17 درجة
وبالنسبة للملاهي راح تكون مغلقة بتلك الفترة ...
الامان في الكيب تاون ممتاز ويخوف شوي في جوهانسبيرج ..
اتمنى توضيح عدد الايام والميزانية والطيران الناقل وكذلك من اي دولة انتم ...
ونصيحة اختي الكريمة القراءة ثم القراءة ثم اطرحي الاستفسار ..
والديره تجنن خصوصاً الكيب تاون ,,

اشكرك اخي فوكس
احنا من جدة بس ما حددنا على اي طيران وعدد الايام 15 تقريبا والميزانية بحدود المعقول لاننا مشاء الله عدد، انا قصد شهر 8 هيجري يعني 7 ميلادي بس ابغى اعرف كم عدد ساعات النهار يعنى متل اوربا النهار طويل ، وهل ممكن نحجز بدري عشان الاسعار تكون ارخص وغير كده ابغى من حضرتك اخي فوكس توزيع الرحله بستثناء جوهنسبيرج ما نبغها مره وسكن كمان اذا امكن لان على اساس كلامك حنرتب رحلتنا واهلي كلهم حيدعولك ، مشكور مره تانيه .

اهلا بك ...
الخطوط السعودية لها رحلتين بالاسبوع وهي تقلع من جدة مباشرة الى جوهانسبيرج ..
في شهر جولاي يكون الجو بارد ...
النهار ام اعتقد انه كان معتدل يعني على الساعة 5 او 6 تغرب الشمس
تقسيم الايام اهم شي الكيب تاون هي الزبدة ..
7 كيب تاون
4 القاردن روت
2 الصن السيتي
2 جوهانسبيرج
جوهانسبيرج عشان العودة الى جدة ..
ابداء بقراءت التقارير ...

اخي الفاضل فوكس ما جوبتني بنسبه للسكن اش تقترح المناسب لنا بما اننا مشاء الله عائله كبيره ويفضل انها تكون 4او 5 نجوم في حدود المعقول ، غير كده احنا بنفكر نروح على الخطوط القطريه او الاتحاد ما اعرف اش الاوفر لنا عشان ننزل على كيب تاون مباشره .انتظر ردك

القطرية والاتحاد اعتقد انها تقف في جوهانسبيرج ثم تواصل الى الكيب تاون ..(تأكدوا)
الافضل لكم الاماراتية مباشرة ..
وفي كل الاحوال الترانزيت متعب .. يمكن الخطوط السعودية اوفر لكم ..
بالنسبة للسكن هناك شقق مفروشة جيدة ... والوقت مبكر للحديث عنها ..
وبالنسة اذا ما تبون جوهانسبيرج مطلقاً
خلو رحلتكم 8 ايام الكيب تاون 4 ايام القاردن روت ..

معليش استاذي الفاضل فوكس اذا ثقلت عليك بأسئلتي بس عشان اقنع اهلي المهم
1-ابغى اعرف لو كان على الخطوط السعودية حننزل على جوهانسبيرج طيب لما نحجز هناك على الخطوط الداخليه من عندهم في حوسه وتعب ولا الموضوع سهل على شان معانا اطفال .
2-صحيح في شهر 7 تكون الاسعار مخفضه في السكن.
3-هل بردهم قارس ثلوج يعني ولا محتمل.
ولو في عندي اسئله كمان حرجعلك اكيد ومشكور

استيته هبه
اولاً وقبل الاجابة على استفسارك تأكد اني هنا لخدمتك
فسئل ما شئت ..
1- بالنسبة للخطوط السعودية تهبط في جوهانسبيرج وتستطيعون المواصلة على رحلة داخلية بكل سهولة
يعني في نفس المطار .. والمطار حلو وكبير وفيه سوق ومطاعم وكافيهات ومساج
وطريقة الحجز سهلة جداً وميسرة وهناك عدة شركات طيران منها طيران جنوب افريقيا وكذلك البريطانية والطيران الاقتصادي مثل كولولا و ون تايم وغيرها ...
واذا احتجت سوف اقوم بمساعدك بالحجز ..
2- نعم السكن يكون اقل من الاشهر (من سبتمبر وحتى مارس) لانه ماهو موسم ..
3- نعم الجو بارد ولكنه ماهو قارس ولا يوجد ثلوج ...
حياك ربي في استفسار اخر يالغالي ..

مشكور استاذ فوكس ومقصرت ولي عوده بس بأنتظر تقرير جديده من الاخوه .

عزيزي اذا انت خايف اكتير من جوهانسبرغ
احجز بالخطوط الامارات مباشرة الي كيب تاون وكذلك ديربان
اعتقد تحتاج الي اكثر 15 يوم ,
بالتوفيق لك عزيزي