اهلين استاذي
الاسعار مبالغ فيها كثير الطيران الداخلي الحد الاعلى انتوا اثنين ذهاب اياب 300 ولنفترض هذه لنكاوي و لو كان بينانج 300 المجموع 600
سعر الصرف
تقريبا لو حسبنا 1000 ريال تطلع 800 رنجت
الجدول يريد له تعديل 5 ايام بينانج ايش بيتسوا فيها ؟
لنكاوي تستحق اكثر من يومين
فندق كوالا يريد له تغير بس كلو حسب مميزانيتكم بدون تذاكر الطيران الدولي
المطلوب
احجز من النت اوفر يعني بتوفر نص القيمه تقريبا
اضمن لانه الاختيار يكون على ذوق اللي بيسافر
والطريقه سهله للغايه
فقط حدد الميزانيه الاشخاص كم و طبعا تواريخ السفر بالضبط متى توصل كوالا ومتى تغادر كوالا
الطيران كل ما كان دايركت احسن والخطوط السعوديه اسعارهاطيبه في فترات تسوي عروض حلوه

برنامج ماليزيا
اولا مدينة سلانجور من يوم 15 نوفمبر الى يوم 17 نوفمبر (عدد 2 ليلة
اسم الفندق : الخيول الذهبيه
اجمالى عدد 2 ليلة = 560 * 2 = 1120 ريال
نوغ الغرفة : ديلوكس مطلة على البحيرة
السعر شامل الخدمة + الضريبة + الافطار
ثانيا : مدينة لنكاوى من يوم 17 نوفمبر الى يوم 20 نوفمبر لمدة 3 ليالى
اسم الفندق : فندق برجايا لنكاوى ريزورت
اجمالى عدد 3 ليالى = 795 * 3 = 2385 ريال
نوغ الغرفة (عبارة عن اكواخ ديلوكس مطلة على البحر
السعر شامل الخدمة + الضريبة + الافطار
ثالثا : مدينة بينانج من يوم 20 نوفمبر الى 24 نوفمبر لمدة 4 ليالى
هوليداى ان ريزورت
اجمالى عدد 4 ليالى = 650 * 4 = 2600 ريال
نوع الغرفة جراند ديلوكس مطلة على البحر
السعر شامل الخدمة + الضريبة + الافطار
رابعا : مدينة كوالالمبور من يوم 24 نوفمبر الى 29 نوفمبر لمدة 5 ليالى
اسم الفندق : فندق مايا
اجمالى عدد 5 ليالى = 570 * 5 = 2850 ريال
نوع الغرفة : ستوديو
السعر شامل الخدمة + الضريبة + الافطار
اذن اجمالى عدد 14 ليلة فى هذا البرنامج= 8955 ريال
هذا هو افضل البرامج وفنادق ممتازة وقيمة بالاضافة الى ان الاسعار مناسبة جدا
اما عن الطيران الداخلى اسعاره على حسب الامكانية ولكن سعر 3 رحلات داخلى للشخصين يبدا من 1850 ريال
اما عن الطيران الدولى فهو من اختيار سيادتكم اما على الخطوط السعودية او اما على الاقل سعرا وهو طيران الاتحاد
هذا برنامج ثاني رايك يالغالي

سوري ما انتبهت للرد انا تقريبا 15000 ريال ميزانيتي ودي ببرنامج شهر عسل مرتب ويكون الفنادق نظيفه وهيك مانبي الفشيه مع المدام
2 سلانجور
3لنكاوي
4 بيناج
5كوالا
امم المشكله ترا ماهنا ايتوها خبرة في الحجوزات يعني ماكو فيزا ورحيت للمكاتب لقلة الخبرة
طبعا حتى حجوزات الطيران يعني جديد ع السفر بعيد متعود ع رووح وضبط امورك كعزاب وهيك
المهيم ابغى برنامج يحبه وعادي اتقبل اي تعديل قلبك وشكرا

1. كل شي بالعلم وكل شي تتعلمه والامر بسيط جدا جدا


2. قبل سنه بالضبط ما كنت اعرف احجز طيران داخلي و فنادق

اهلا استاذي
شوف ميزانيتك مع الطيران الدولي او لا لانه لو الطيران الدولي داخل بالميزانيه 15000 احتمال ما بيكفيك لانه لازم تحجز بمفسك من النت
وتحجز الطيران من الوكلاء المعتمدين اما الطيران الداخلي احجزه انت وبيطلع بسعر ارخص بكثير
لا تقولي ما اعرف اول مره اسافر عزيزي

كل شي بالعلم وكل شي تتعلمه والامر بسيط جدا جدا

قبل سنه بالضبط ما كنت اعرف احجز طيران داخلي و فنادق

ولكن قريبت في المنتدى موضوعين للاخ وافي عن الحجز بالطيران و الحجز من بوكينج وطلعت لي فيزا مسبقة الدفع وعبيتها بقمة الفنادق وحجزت ووفرت تقريباً 50 بالميه من القيمه اللي كنت بدفعهاوالحين انا احجز لاصحابي بالدوام فنادق يعني شوي وبفتح لي مكتب ههه
طيب خلينا نحسب معك شوي
مجموع الفنادق 8955 نفترض انها 9000 ريال
ايش رايك بنفس مستوى هذه الفنادق و ممكن احلى بكثير احجز لك بمجموع ما يتعدى ال 5000 رنجت ؟؟
يعني وفرت 4000 رنجت انت وعائلتك اولى بها
حجز الطيران اختار السعوديه او الاتحاد او القطريه ايهما ارخص
نيجي على الطيران الداخلي
قلت انه بيكلف 1850 لثلاث رحلات ؟
طيب شو رايك لو حجزت من النت ونحن بنشرح لك ونساعدك في الموضوع هذا بيكلفك ثلاث رحلات كالتالي
والاسعار اللي حاطها هي اغلى شي ممكن تحصله يعني انا شيكت الحين بالموقع لقيت الاسعار رخيصه بس راح احط اسعار اغلى تحسبا انك ممكن تتاخر بالحجز
سلانجور الى لنكاوي 150 للشخص
لنكاوي بيننانج 150 ( مع اني حصلت رحله بسعر 100 شامل الضرائب والوزن )
بينانج كوالالمبور 150
150*3 = 450 رنجت
350* شخصين = 900
مش قلت لك بوفر النص تقريبا ( لاتنسى حسبت الاسعار الاعلى تحسبا لاي تاخير بالحجز )
المطلوب اولا تحجز الطيران الدولي وتختار التواريخ وابعد من شهر 12 لانه غالي وزحمه
ثانيا اقل مده خليها 12 والانسب 14 يوم
بعد الحجز تروح تطلع فيزا تسوق الراجحي بتطلع بسرعه وتحط فيها مبلغ مثلا 1000 ريال مؤقتا علشان تبدا تحجز
وتيجي لهنا وتعطينا التواريخ و الميزانيه المتبقيه وراح نترتب لك جدول ابدا ابدا ابدا ما حصل
سامحني طولت عليك لاني بس خايف ينصبوا عليك المكاتب وهذه ما ارضاها لاخواني هنا

بخصوص طيران الاتحاد
طيران جيد وخدماته حلوة
لكن حسب ما اعرف أن مدة الانتظار في ابو ظبي لا تقل عن سبع ساعات
فيصبح مجموع عدد ساعات الرحلة مجموعة لاتقل عن 17 ساعة وهي مرهقة ومتعبة جداً

مشكور اخوي al3dni وماقصرت وبالنسبة لسؤالك عن الميزانيه نعم شامله للتذاكر الدوليه
وبكرا بأذن الله رايح لبنك الراجحي اطلع بطاقة تسوق وراح امر مكتب عشان الحجز للرحلات الدوليه
وايضا مشكور اخوي الهزرمرد
وبكرا اذا الله يسر راح اجي ومعي كل شي

ونحن في انتظارك يا غالي وان شاء الله بتكون رحلتك من احلى الرحلات في المنتدى
مع انه بكره كلاسيكوا التاريخ بس بنحاول نتواجد قبل المباراه لوول
تنويه : فوق مكتوب السعر
350*2= 900
الصحيح 450*2 = 900
هذا والله ولي التوفيق

السلام عليكم ورحمة الله وبركاته
صباح الخير يالغالي بصراحه رحت للبنك وقالي يبيى لها 4 ايام وتصدر لك
ورحت مكتب حجوزات الطيران طبعا الخطوط السعوديه بتاريخ 15/11/2012 لا يوجد
قالي فيه طيران الاتحاد وطيران القطريه قلت اوك اشوف وارجع لك
السؤال ايهم افضل طيران ؟؟؟

شوف الطيران المباشر اولا
مافي طيران مباشر شوف فرق الرحلات
مثلا لو قلنا ان طيران القطريه ترانزيت في الدوحه ساعتين
و الاتحاد ترانزيت في ابوظبي 6 ساعات
اكيد باخذ الاقل ترانزيت
علشان راحتك طبعا والاثنين حلوين و القطريه روعه والاتحاد روعه جربته السنه الماضيه وان كانت هذه السنه في شكاوي من الشباب اصحابي ان الطيران يتاخر بالساعات
بافكر هالسنه اخذ بالقطريه لتجربتها