ترتيك 10/10 بس إذا بغيت توصل لجنتنج خلها من أيام كوالا بحيث تروح الصباح وترجع المساء بنفس اليوم..
الله يوفقك ويسعدك

السلام عليكم ورحمة الله وبركاته
ماشاء الله شكلك فاهم الشغله مظبوط
الجدول والتقسيم كلها اوكيه وانا اشوف الكاميرون افضل من جينتنق
وجينتنق تكفيها زياره من الصبح للمساء ولو فكرت تبيت فيها فليله كفايه
ولو فكرت تلغي الكاميرون فوزع ايامها يوم للنكاوي او بينانق ويوم جينتنق
ولكن انا اقول خلك علي جدولك وتقسيمك اللي حطيته ممتاز

طيب ايام كوالا بجعلها اول ليله القريه الفرنسيه لان راجع من الكاميرون ومده اربع ساعات او اجعلها جنتنق واخر ثلاثه ايام كوالا ومعليش اريد افضل الفنادق على حسب جدولي وشكرا لكم

تركي الحلابي
والله اشوف اخر 5 ليال كلها بكوالالمبور ويالله تكفي ودامك بتروح الكاميرون
فمايحتاج تسكن بالقريه الفرنسيه مافيها شي تضييع يوم بالفاضي
وجينتنق تروح لها من الصبح للمساء يكفي مافيها إلا الألعاب
وافضل الفنادق يعتمد علي ميزانيتك لأن أفضل فنادق صارت مرتفعه
وعموما افضل فنادق
سلانقور الصن واي لاقون المين تاور وإذا تبي ارخص منه البيراميد في نفس المنطقه وتبع نفس الشركه
وفي لنكاوي عندك الويستن وبعده البلانجي بيتش والشيراتون والتانجونق سنتشري والبرجايا
وفي بينانق الراساسايانق جناح الراسا وبعده جناح القاردن كلهم فندق واحد ثم فندق البارك رويال
ثم القولدن ساندس ثم الهارد روك ثم الهوليدي إن ثم الباي فيو بيتش
وفي الكاميرون فندق الكاميرون هاي لاند وبعد اكواتريال موقعه افضل موقع بس مستواه شوي مستهلك وبعض الغرف مجدده
وفي كوالالمبور الفنادق كثير جدا قريب البرجين الماندرين اورينتل ثم تريدرز ثم نيكو هوتيل ثم أمبيانا
وفي شارع العرب الويستن والماريوت والرتزكارلتون والقراند ملينيوم ورويال شولان وبيكولو والبارك رويال
وفي مناطق متوسطه بين البرجين وشارع العرب فندق شنقريلا من افضل الفنادق وفندق نوفوتيل والكراون بلازا وغيرها الكثير
الفنادق كثير والوضع يعتمد علي ميزانيتك

وعندي استقسار هل ازور الفريه الفرنسيه ام لا لان شكل المباني بين الطبيعه جميل جدا واذا زرتها هل ازورها في اجازه الماليزين ام ازورها في غير اجازه

خلك على كلام zazaz ولا تشتت نفسك بكثرة التنقلات المرهقة
شهر العسل يحتاج إلى هدوء وراحة واستجمام .. خل الرحلات المكوكية مستقبلاً

طيب تنصحني ازور الكاميرون او اضع مكانعا جنتنق لان الكاميرون خطها متعب شوي ومتخوف منها لانها منطقه بعيده شوي حتى لامان اقل من المدن الاخرى وانا رايح شهر عسل واول مره اسافر ومابي مشاكل وتقبلوا مروري

نصيحتي لك خذ برنامج مريح ومناسب لشهر العسل
ليلتين : سلانقور
أربع ليالي : لنكاوي
ثلاث ليالي : بينانج
5 ليالي : كوالا
كذا صارت 14 ليلة ممتازة جداً مو لازم 15
وخصص يوم من أيام كوالا لزيارة جنتنق من الصباح إل المساء