اختي ممكن تحصلين على سائقين عن طريق مكاتب السياحة في بلدك او عن طريق بعض مكاتب السياحية في فيينا مثل مكتب عماد تورز في فندق راديسون ساس ولكنه غالي على غير سنع ، او ممكن بعض الاعضاء عندهم ارقام سائقين ،، ولكن :
اذا تبغين رأي المتواضع فيينا ماتحتاج سائق لأنو الأندر قراوند يقوم بالخدمة وأرخص وأسهل وأمتع .. وخصوصا انو فيينا مافيها أماكن سياحية خارجها يعني كل شي داخل البلد ولايحتاج سيارة ،، واذا احتجتوا سائق في يوم من الايام خذوا تاكسي افضل لكم ،،
لان السائقين هناك مايرتاح الواحد لهم خصوصا اذا كانو عرب ، لانهم ينصبوا على الواحد ،، والكلام هذا من واقع تجربة ،،
والله اعلم ،،

بيمو
هلا اخوي مشكور ع الرد
انا معاك في هالشي لانهم يبالغون وايد وفيينا ماتحتاج سواقين او سياره
بس احنا نستخدم اللاندرجراوند في كل تنقلاتنا تقريبا..ومحتاجين نروح الكالين بيرج وهي بعيدة شوي و محتاجة اندر جراوند وباص وشغلانه..
فعشان التغيير والراحة حابين نروح المنطقة مع سواق عربي عشان ناخذ راحتنا ومانحاتي التأخير والقطار..
انشاءلله حد يقدر يفيديني عنها

بعد أذن الأداره لو كان ممنوع
هذا رقم السواق خالد حداد مصري ممتاز وجربته وسعره 200 يورو لليوم كاملاً بس انصح انك تأخذينه مدة يوم واحد فقط تطلعون لكهف هتلر وتتغدون في البحيرات موقعها خارج فينا تبعد تقريباً 50 كيلومتر... والسواق يعرفها قولو له الي فيها صيد سمك ...
5لو مارد عليكم عندي رقم ثاني
ولو كان ما هوا فاضي راح يدبر لكم سواق على العموم بالتوفيق ونتمنى لكم رحله سعيده ..
واي سؤال انا حاضر
وتفبلي تحياتي
الموسيقار........

الموسيقار
هلا ومرحبا اخوي الموسيقار
مشكور ع النصيحة
وانا سجلت الرقم وانشاءلله راح اكلمه واتفق معاه
انا سمعت عن الكهف والبحيرات وانشاءلله بنروح لهم
والف الف شكر ع المساعده
اختك
سحاب من قطر

مرحبا
انا عندي راى اخر
ليش ما تاجرون سياره افضل لكم ...
وين ما تبون تروحون وعلى كيفكم
سفره سعيده