mohd1982
اتمنى من الأخوة تساعدوني انا قررت إنشاء الله في هذا الصيف بتاريخ 29/6 الرحلة إلى باريس وثم بتاريخ 6/7 التوجه إلى جنيف وشفت موقع الخطوط السويسرية والفرنسية لكن تفاجأت أن سعر رحله فقط ذهاب تقريبا 350 دينار كويتي اعتبره جدا غالي .
اتمنى المساعده في ارشادي عن اي وسيلة نقل لزوجين وطفل عمره سنة يعني شنو تنصحوني فيه اخذ طياره او قطار او تاكسي او تاجير سياره او اذا في شي ثاني .
ولكم مني جزيل الشكر
وعليكم السلام ورحمة الله وبركاتة ,,,
يامرحبا يا أخي mohd1982
فعلا السعر غالي ومبالغ فية بشكل كبير , لكن أغلب زوار باريس يتنقلون لجنيف بطريقتين
1- القطار ومدتة 3 ساعات ونصف وسيكلف عليك تقريبا أقل من 100 يورو للتذكرة
2- السيارة وهو ما أفضلة وأفعلة دائما فبالتأجير ستكون التكلفة أقل وستضمن وسيلة مواصلات طوال فترة إجازتك

هلا اخوي0 من وجهه نظري اقولك اذا الفتره الي جالسها في سويسرا طويله انا افظلك السياره لانها راح تريحك كثير في سويسرا وكمان اوفرلك - وفي حاله ان المده الي تبي تجلسها قصيره افظلك القطار 0 والله يجعلها سفره موفقه

رحلة موفقة انا انصحك بالقطار اختصارا للوقت ...
اتفق مع ابوفواز ان السيارة بحد ذاتها متعة بس خمس ساعات وشوي احسها طويلة
عن تجربة
وانصحك بقطار ...TGV وهو يعني قطار ذو السرعه الفائقه عند الشركات الفرنسية
القطار مريح جدا ...و في خطوط توقف في ليون ومنها جنيف او انسي ومنها جنيف وفي مباشرة لجنيف
بس ماتحس بالوقت ولا المحطة لما يتوقف ...الا لما ييقولون اسم المحطة اللي بتوقف بها
اهم شيء ترتبون الوقت والسعر اللي يناسبكم وكل ما اخذتواالتذاكر من قبل تكون ارخص
وعلى فكرة حتى الدرجة الاولى عندهم مايقدمون وجبات مجانية ولا شيء
مجرد يببعون سناك خفيف بسعر مرتفع ومايسوى يعني افضل توفرون لكم اكل على كيفكم احلى
وفي الاخير انتم طبعا اختاروا الانسب لكم والاوفر

أشكر مروركم الكريم ومساعدتكم
بصراحه انا كنت مخطط استأجر سياره بس اللغة عندي صفر ويمكن اواجه مشاكل ما اقدر اتعامل معاها إلا اذا شايفين ان السياره سهالات حسب تجربتكم .
طبعا انا اقامتي اسبوع في باريس واسبوع في جنيف قاسم الحق بينهم عشان ما نزعل احد فيهم .
وبعد عجبتني فكرة القطار بصراحة اذا كان سريع وما يطول 3 ساعات وكمان السعر يكون رخيص يعني للشخصين وطفل عمره سنة تقريبا 50 دينار اوكي .
امس شفت طيران البريتش يوصل من باريس الى جنيف وترانزيت طبعا لندن لكن تقريبا كلها على بعضها الرحلة ما تتجاوز 5 ساعات وسعر التذاكر طلع معاي 170 دينار كويتي .
وشرايكم اروح على البريتش او استأجر سياره لأن بعد افكر في العفش بصراحه .
ومشكورين كلكم على توجيهاتكم الاخ بوفواز و لمسة امل و قطر2007

بحفظ الرحمن
اول شيء انا اشوفها طويلة اسبوع في جنيف
الا اذا ممكن تخطط بالقطار تمر كم مكان انترلاكن- زيورخ - لوزرين - مونترو -لوزان -ايفيان (الجنوب الفرنسي رائع جدا ...طبعا بحيرة انسي كذلك ) ...
وبالنسبة للقطارات - فهي متوفرة بكثرة و بشبكة مميزة في سويسرا
السيارة ...فكرة بس حق اسبوع ماهي فكرة زينة لان المدة بسيطة
ومايسوى تبلش بالمواقف ويضيع الوقت بالمسافات وكذا

أنصحك وبشدة بتأجير سيارة لعدة أسباب :-
1- عدم التقيد بأوقات سفر محددة
2-أوفر من الناحية الإقتصادية
3-تحمل معك كل حقائبك وأمتعتك (لاتحاتي الوزن الزائد )
4-صعوبة تحميل وتنزيل الحقائب في محطات القطار
6- لن تضطر الى ركوب تاكسي أو مترو فالتنقل
7- كل ما رأيت مكان عجبك تكون ملك نفسك وبإستطاعتك الوقوف فية
8-للقيادة في أوروبا متعة لن تحس بها إلا عندما تكون هناك

اشكر مساعدتكم وتوجيهاتكم
احبابي وما ننحرمش منكم

عن تجربة السيارة افضل لان مأساة العفش تضيق الصدر
اما الي خفايف بالكثير شنطتين فالقطار افضل
وانا معا اختي قطر اسبوع بجنيف واجد انترلاكن جنبها وحلوة اذا خلصت من جنيف روح انترلاكن وشوف الثلوج فوق تهبل بصراحه بس حلاتها مرة وحدة ما شجعتني ارجع لها مرة ثانية
والله يكتب لك الي فيه خير يارب

اشكر مرورك اختي ام سيف ومعاك حق في العفش هذي كانت مشكلتي في جميع سفراتي وخاصة السنتين الأخيرة تفاجأت بقوانين جديدة في مطارات العالم كلها .
القطار كتجربة شخصية كانت في لندن مميزة لكن ما تصلح مع العفش وبعد سعر التذاكر ما فيها التوفير الكبير عشان افرط في الطيارة خاصة البريتش اعتبرها جدا مريحة ومعاها وجبات .