al7b_5aled
22-01-2022 - 10:14 pm
مساء الخير للجميع ..
بصراحه انا حاب اسافر لباريس وطبعا هذي اول مره اسافر فيها لاوروبا
وتعرفون راح اكون غشيم في بعض الامور اذا مو بكل الامور بعد
تحملوني شوي راح اسئل كذا سؤال وياليت من الاخوان الخبراء ما يبخلون علي ويزودوني بكل شي ..
فالبدايه انا مخطط ان شاء الله اسافر انا والمدام وياليت اعرف اول شي كم راح تكلف الرحله من اولها لاخرها يعني من تذاكر وسكن ومصروف ومواصلات ..الخ لمده تقريبا 6 ايام او 7 ؟ مع العلم اني ما راح اتسوق وهيك يعني اعتبروها تمشي وقضاء شي نفسي فيه ..
هل تنصحوني اسافر عن طريق البرامج او القروبات او تكون السفره على تخطيطي وحجزي انا ؟
بالنسبه للغه طبعا نو لغه والانقلش يعني اطقطق على قولتهم يعني كلمه اعرفها وخمس كلمات الله بالخير
معليش تحملوني شوي هذي طبعا اسئله مبدئيه واذا مشت الامور وعزمت راح تكون فيه اسئله غثيثه شوي مثل كيف استخراج التأشيره وكيف الحجز وكيف وكيف وكيف .. الخ
اسف على الاطاله وشاكر لكم جهودكم اخواني ويعطيكم الف عافيه .
احترامي وتقديري ,,
واذا كان عندكم جدول بالاماكن والعناوين ومرتب ماراح تكون اللغه عائق ان شاء الله
والتذاكر حسب الخطوط الي بتسافرون عليها مثلا الخطوط السعوديه افتح الموقع وعلى نفس التاريخ بيطلع السعر
والمصروف حسب انتم وصرفكم بدون مشتريات مايكلف كثير
اما الفندق 3 نجوم وعادي بيكون500 ريال الليله
مواصلات التكسي نسبيا غالي المترو جدا رخيص
التاشيره اما مكتب سياحي او اما انتم تقدموا بانفسكم بالرياض او بجده
دعواتكم