نشر في لندن

ارجو منكم المساعده

U.Arab.E

14-11-2022 - 07:05 am

السلام عليكم و الرحمة الله
شحالكم ,, علومك
ربكم الا بخير
اولا يا اخواني انا مسافر هالصيف لندن مع الاهل و احنا ندور على شقه تتكون تقريبا من 3 غرف و صاله او غرفتين و صاله في شارع knightsbridge او حوالي الهاردز و ارجو منكم لو تحطولي المواقع او ارقام هذي الشقق و اسعار مناسبه عسب نحجز
اظني شي هناك في knightsbrigde شقق الاسم princess court لو تفيدوني عن الغرف و الاسعار
ارجو منكم الافاده لانه الامر ضروري
و اسمحولي على الاطاله
و شكرا

التعليقات (9)

البرستيج كله

14-11-2022 - 09:20 am

ماعندي خلفيه عن هذي الشقق ..
بس ان شاء الله ايفدونك الاخوان ..
بس اذا تبي شقق حول الاكسفورد او اجور رود ابشر ..
رحله سعيده ان شاء الله

U.Arab.E

14-11-2022 - 10:21 am

لا والله المشكله احنا العام يوم سرنا حصلنا شقه في الاجور رود اول شي مكان مب حلو للحريم ثاني شي الشقه ما تسر ياخويه
المهم اخويه ما قصرت و اسمحلنا .. و مشكور
في انتظار ردود الاعضاء !

U.Arab.E

14-11-2022 - 11:22 am

وينكم يا اصحاب الخبره ؟

Bent ALSuwaidi

14-11-2022 - 12:23 pm

أنا شراتك اخويه .. عيزت وانا ادور شقة في النايتس بريدج.. ولي حصلتهن كلهن محجوزات والا لازم شهر وشهرين واكثر..
انا ما انصحك بالادجوار رود نفسه.. لكن فيه منطقة ورا الادجوار رود بالضبط .. فيها عمارات اسمها porchester place
مكانها حلو ووايد قريبة على الهايد بارك.. مرره فرة حصاه

U.Arab.E

14-11-2022 - 01:24 pm

والله يا اختيه عنا الاهل ما يبون غير النايتس بريدج ,, بس مادام انه تقول مكان زين و خلف الاجور رود ومدام انج سويديه يعني قبيله وحده ,, بناخذ بشورج .
و على قولتج عند الهايد بارك هذا اهم شي
يعني يا اختيه مالنا امل في (knightsbrigde) ??
مشكوره اختيه و ماقصرتي صدق انج سويديه
السويديات ما يقصرن بنات ونعم

london girl

14-11-2022 - 02:25 pm

الشقق اللى تقصد عليها برنسيس كورت هذي شقق تمليك بس فيه ناس ياجرونها .. حط بقوقل ويمكن تلقى ناس ياجرونها

U.Arab.E

14-11-2022 - 03:26 pm

انزين لو تفيديني عن شقق في النايتس بريدج تكون اسعارها معقوله و زينه
و مشكوره اختيه على المعلومه

رحال المنتدى

14-11-2022 - 04:27 pm

U.Arab.E
أخي الكريم
ويش سلبيات الاجور رود بالنسبة للعائلات انا اول مرة باروح لندن والبعض يمدح فيه والبعض يحذر منه
هل تنصح بالسكن فيه او بالقرب منه .
شكرا

U.Arab.E

14-11-2022 - 05:28 pm

اخويه اذا كنت مسافر مع العايله بتواجه مصاعب اول شي لانه شارع العرب و كله عرب و ثاني شي كثرة التحرش و ثالث شي المشاكل و الاحداث اللي تصير هناك و مكان كله شباب و شيش يعني مكان لا يصلح للعوايل
يعني لو بغيب اتزور الاجورد رود مب مشكله يعني بتستانس و بتغير جو
و لكن عن السكن ما انصحك

لندن المسافرون العرب

ارجو منكم المساعده