- مش عارفه مدي صحة الكلام ده ايه ياريت اللي يعرف يقولي
انا عضوه قديمه في المنتدي والاخ امباكت الله يكرمه ساعدني واستخرجت فيزة سياحه من سنه ونص تقريببا وكان زوجي هناك في امريكا ومعه جرين كارد
المهم سافرت وانا حامل وولدت بنتي هناك ورجعت من امريكا الي مصر في اخر يوم في الست شهور المسموح لي لزيارة امريكا وكان هذا بسبب التأخير في اصدار جواز السفر الامريكي الخاص ببنتي
المهم انا عايزه اسافر امريكا تاني بعد 10 ايام بس جوزي بيقولي بلاش تنزلي ترانزيت في نييويورك لان الضباط بتوع الهجره فيها ممكن ميدخلوكيش وبيقترح عليا اني اركب من القاهره الي اي دوله اوروبيه وانزل فيها ترانزيت واركب منها تاني لكاليفورنيا وليكن مثلا علي الخططوط الايطاليه وانزل ترانزيت في روما وبعدين اركب طياره تانيه الي كالفورنيا
بس موظفة الحجز بتقولي لازم يكون معايا تأشيرة لدخول ايطاليا
وانا اصلا خايفه اتوه في المطار لو كان المطار كبير وواسع زي مطار لندن مثلا
مش عارفه مدي صحة الكلام ده ايه ياريت اللي يعرف يقولي
تاني حاجه ان جوزي بيقولي ان المره دي وانا مسافره لو سألوني في المطار بتاع كالفورنيا انا رايحه لمين هناك بيقولي قولي الحقيقه عادي وقولي ان جوزي هنا وانا جايه ليه زياره وهمشي بعد 3 شهور وانا مش عارفه لو قلت الحقيقه ممكن يرفضوا دخولي امريكا علي اساس اني معايا فيزة سياحه وان جوزي مش معاه الجنسيه ولا ايه
اصل المره اللي فاتت للما سافرت وانا حامل قلتلهم اني رايحه لواحده صحبتي في امريكا وهي هتستضيفني عندها
وانا كنت ساعتها حامل في الشهر التامن بس مكانش باين عليا ودخلت امريكا علي اني انسه مش متزوجه
ارجوكم تقولولي اعمل ايه وايه الاحسن اتصرف ازاي
أما الآستفسار الثاني مثل ما تفضل زوجك قولي لهم الحقيقة وما أتوقع يرفضوا دخولك لامريكا
بالتوفيق ،،