- ويشرفني انضمامي لأعضاءة المميزين...
السلام عليكممساء الخير على الجميع
كنت ابحث في المنتديات عن افضل منتدى شامل وغني بالمعلومات عن ايطاليا الساحرة ولم اجد افضل من هالمنتدى....
ويشرفني انضمامي لأعضاءة المميزين...
انا مخططه للسفر الى ايطاليا في شهر اكتوبر القادم بإذن الله يعني على بداية اجازة الحج طبعا حيكون مسار الرحلة من جدة الى روما او ميلان ومرره محتارة بينهم والسبب اني حابة ازور (فنيسيا-بيزا-ريميني وريتشوني) وكل هذي المدن قريبة من ميلان بس الصراحة انا رايحة اشوف اهم معالم ايطاليا واحس لو مارحت على روما كاني مارحت ايطاليا وميلان مافيها معالم كثيرة مثل روما .... جدا محتارة روما او ميلان.....
طبعا حنجلس خمس ايام في ايطاليا وبعدها حنسافر على المانيا لزيارة اخوي(يدرس هناك)وطبعا حنرجع على جدة من فرانكفورت...
المطلوب من ذوي الخبرة الله يعطيهم العافية يعملولي جدول لمدة خمس ايام ازور فيها اهم المعالم واجمل الاماكن في المدن الي ذكرتها في ايطاليا واسماء وأماكن الفنادق طبعا يكون سعرها معقول وحبذا لو تكون قريبة من محطات القطار وايش الافضل لنا (كخمس اشخاص)فنادق او شقق مفروشة واتمنى تعطوني فكرة عن الباص الاحمر المكشوف اللي يلف على كل الاماكن السياحية في المدينة مادري ايش يسمونه.....
يعني تقريبا هذي المعلومات اللي احتاجها مبدئياً مع العلم اننا كلنا سيدات انا واختي وبنتي وولدي واختي الصغيرة والاعتماد كلي علي انا الله يعينيي بس خلاص انا وعدتهم ولازم اوفي بوعدي وربنا معانا ان شاء الله واسفة على الاطاله ولكم جزيل الشكر
