تروح وترجع بالسلامه
وان شاء الله يجي احد يفيدك
أنا مثلك بسافر الصين لأول مره وأدور على أحد يفيدني
بالتوفيق

يا هلا فيك اخوي
بالنسبة لهونج كونج لمدة 10 ايام انا اشوفها كثير
انا هالحين موجود فيها
واعتقد اكثر من اربعة ايام كثيرة
اول يوم وصول تروح بالمساء لممر النجوم
وتستمتع بعروض الضوء الساعة ثمانية المساء
وتدور بالاماكن اللي هناك
اليوم الثاني تروح للاوشن بارك من الصباح وحتى الساعة 5 المساء
وتطلع من هناك لمطل فيكتوريا بالترام حتى الساعة 8 المساء
اليوم الثالث .. تروح للديزني (خطتي لبكرة)
اهم الاماكن الاخرى.. شارع ناثان من حيث التسوق
وتقارير الاعضاء الكرام تقدر تستخلص منها ما يناسبك
وسلامتك

ماقصرت اخوي الواديين ..هذا العشم .. بارك الله فيك ..
احب اضيف بعد . الباص السياحي ..ياخذك جوله في اهم الاماكن السياحيه في هونغ كونغ ..
ايضا قرية الصياديين انا مازرتها ..ايضا التلفريك ..ومتحف الشمع بتلقاه عن المطل ( ذا بيك ) ..
بالاضافه للاسواق الشعبيه والمولات التجاريه ...
وهالموضوع راح يفيدك كثير ..تفضل ..
https://artravelers.com/p/re/506598
بالتوفيق ..

سوي بحث في المنتدى ورح تلاقي هونغ كونغ كلها بالمنتدى
الشباب ماقصرو حاطين كل شي
بتوفيق

تدعي وتتصدق والله انك كفو !!
الصز انا اعرف كوانزوا ولا سان افيدك بهالديره بس مالي خبر إلى اني كيد مريت ع المطار حقه !!
بالتوفيق .

عزيز القصيمي

أسأل الله أن يوفقك في رحلتك

• الغرض من الرحلة ( وبناء عليه يتم مساعدتك ) وأبشر بعزك

المؤلف
تسلم يامال الغناة ،،،،
الغرض هو سياحه ،،،
تحياتي لك

عزيز القصيمي الله يكتب لك التوفيق في رحلتك

• أما من حيث وجهة نظري أن عشرة أيام في هونج كونج كثيرة جداً ( ثلاثة أيام تكفي ) 0 لإن المدينة فيها غلا في الأسعار ، والمطاعم الإسلامية قليلة 00
• الجو مناسب ممطر ، لكن نسبة الحرارة مع الرطوبة مرتفعه قليلاً 0000
• أرجع لتقارير الأعضاء عن هونج كونج ...

( أي استفسار حاضر )

هونج كونج يكفيها من 5 الى 6 ليال..
انصحك بالسكن في فندق الانتر كونتيننتال هونج كونج..الفندق رائع ويميزه موقعه بمجرد ماتطلع من البوابة فيه ممر خاص يوديك لكورنيش كولون فيه عروض الليزر كل مساء الساعة 8 مساء..وفيه ممشى النجوم..المشي فيه بالليل يرد الروح وممكن تاخذون لكم صور من احد المصورين المنتشرين هناك مرة حلوة للذكرى..
واذا خليت الكورنيش ع يسارك ورحت سيدا بتمر من مجسم الساعة كمل سيدا لين تجيك الاشارة اقطعها وروح سيدا ع يمينك فيه لوحة صغيرة مكتوب عليها(كانتون رود) امشي بمحاذاتها وبعد شوي بتجيك فتحة ع اليمين ادخل معها فيه منطقة حلوة مرة وبوتيكات وبالدور الثاني فيه كافيه ايطالي اكله مررة حلو لاتفوتك البتزا حقتهم...الشارع هذا حلو مرة فيه بوتيكات عالمية ومجمع تجاري ضخم في اخره..
كيف التوصيف...ههه..انشالله تلاقيه..
وزي ماقالوا الاخوان عندك ديزني لاند والاوشن بارك وفكتوريا بيك حلو تتغدى فيها ع اطلالة رائعه لهونج كونج .فيه مطعم ايطالي هناك بالدور الثاني انصحك بتجربته...
في منطقة(هونج كونج السنترال)فيه منطقة اسمها (كوز وي بي)مرة حلوة فيها بوتيكات وكافيات ومجمع صغير وهي مغلقة ماتدخلها السيارات حلو تتمشون فيها اذا ساعدكم الجو..
انشالله اكون افدتك .. دعواتك لاختك...
رحلة سعيدة.