kuwait_s
اهلين اخوي انشالله تكون رحلة اكثر من سعيده..
بالنسبه للاماكن السياحيه في المناطق اللي ذكرتها راح تلقاها في الكثير من تقارير اعضائنا المميزين في هذا المنتدى الغالي..
اما بالنسبه للفنادق مستحيل يقولك احد في لنكاوي لاتسكن الويستن !!
او في كوالا لاتسكن التريدرز !!
اما بيننق ما اراهن على فندق معين...لكن انا افضل الفندق الرائع جدا.. بارك رويال
على فكرة... مقاعد السياحيه على القطريه ضيقه جدا وثمان ساعات مو شوي..وسعر البزنس عليها من الشرقيه 7800 اذا دفعت عن طريق الائتمانيه..
وما اتوقع فيه فرق بيننا وبين السفر من الكويت من ناحية السعر..
اذا ماديتك تسمح لاتتردد تسافر على البزنس..راح تكون الرحله اكثر ترفيه ومتعه
اتمنى اكون افدتك..

أهلاً أخي Kuwait
طائرتك راح تهبط في كوالالمبور ويأنت حاط أول محطة لك هي لنكاوي
يعني لازم تواصل السفر إلى لنكاوي وهنا لي ملاحظة مهمة
ما أؤيد أنك تواصل السفر لأسباب عديدة منها إرهاق الرحلة المواصلة والتنقل من مطار لمطار
والأهم ةهو أن الرحلة الثانية قد تطير قبل ما تلحق عليها في حالة تأخرت الرحلة الألوى لأي أسباب
ومعنا أكثر من عضو حصلت لهم هذي المشكلة وتلخبط برنامجهم كله .. فلا تغامر
الحل بكل بساطة خذ ليلة من لنكاوي وليلة من بيننانج ةحطهم في سلانقور
تنزل في مطار كوالمبور وتأخذ تاكسي على فندق الصن وي لاقون في سلانقور 45 دقيقة
لمدة ليلتين قم تسافر إلى لنكاوي 3 ليالي فندق ويستن لنكاوي
ثم تسافر إلى بينانج 3 ليالي فندق بارك رويال
ثم العودة إلى كوالا لقضاء ال 5 ليالي الأخيرة وعندك خيارين
إما أن تسكن في تردرز غرفة ديلوكس مطلة على البرجين والحديقة منطقة هادئة
وإذا حبيت تسكن في شارع العرب حيث الحركو الناس والأسواق والمطاعم العربية
عندك فندق ماريوت أو رويال شولان أو فندق بيكولو أقتصادي وسعره كويس جداً
تمنياتي لك برحلة موفقة
وأرجو الإطلاع على الرابط التالي :

وهذا خبير ماليزيا قالك نفس الفنادق اللي قلت لك..
اعقلها وتوكل,., ولن تندم باذن الله