آسف اقصد ساحة الدومو

هلا بك اخوي
السيارة ممكن تستأجرها من الرياض من عند اي من الشركات الكبيرة
انا اتعامل مع هيرتز (ممكن تاخذ رقم مكتبهم الرئيسي من الدليل)
واذا استأجرت من عندهم ما راح وقتها يفرق سعر المطار عن المدينةالعودة عندك غريبة انها عن طريق انترلاكن
لأن الطريق من الجنوب عن طريق نفق مونبلا و شامونيه (شوف تقرير ميلانو اللي في التوقيع)فنادق الدومو كثيرة ولم تحدد ميزانيتك
فوضعت لك فنادق على ذوقي وميزانتي
نبدأها بالروزا الجميل
http://www.starhotels.com/
و أنصحك بالبرونويشيلي
http://www.hotelbrunelleschi.net/
أو
http://www.hoteldeicavalieri.com/
بالتوفيق

هلابك اخوي ابو عزيز وشاكرلك مرورك الكريم وعلى فكره انا منسق سفرتي تقريبا من مواضيعك السابقه لإن ماشاء الله عليك ماخليت لا شارده ولا وارده الا ووقفت عندها بجزاك الله عنا كل خير.
بالنسبه يابو عزيز انا مخصص تقريبا مبلغ 8000 للسكن وممكن ازيدها الف او الفين من غير طبعا السياره وميزانية المصروفات من 12000 حتى 15000 ومادري وش رايك هل المبالغ كافيه ولا آخذ احتياطاتي؟
بالنسبه لسفري من انترلاكن لميلانو معك حق تستغرب بس قلت بدل ما انزل لشامونيه ومنها لميلانو راح تكون المسافه اطول من اني اطلع من انترلاكن بالقطار لميلانو او اني اطلع بالسياره للوقانو ومن لوقانو بالقطار لميلانو
ودي اعرف اسعار المواد الغذائيه بوجه العموم بسويسرا هي غاليه ولا مقاربه لاسعارنا
واعتذر على الاطاله واسئلتي الكثيره لإنها اول سفره لي لاوروبا...

يابو عبدالله انت تحتاج السياره في الايام الاخيره في ديفون لذا لوسلمتها في لوقانو او انترلاكن ثم رجعت واستاجرتها تطلع عليك اغلى شوي
السؤال هل تستطيع تغيير محطة المغادره الى ميلانو بدلا عن جنيف ثم تعيد ترتيب الايام بحيث تكون
1- 4 ايام ديفون
2- 5 ايام انترلاكن
3 - 3 ايام ميلانو
عندها انت حر تسلم السياره في لوقانو وتركب القطار وتقضي ايام ميلانو بدون سياره او تسلمها في اخر يوم في ميلانو

12 يوم أنسب تقسيم لها
5 أيام ديفون
5 أيام انترلاكن
ميلانو يومين
و خط السير مثل ما قال أبو بدر
و في حال عدم إمكانية العوده من ميلانو في يوم الرحله اتجه من ميلانو إلى جنيف خصوصا الإقلاع 5 و نص معك وقت كافي

حياك اخوي المزيد انا يوم حطيت خطة الرحله كنت مجرد ابي رايكم فيها بناء على عدد ايام السفره يعني ميب معتمده... اما بالنسبه لمحطة المغادره انا حاجز اوكي من جنيف ولا اتوقع اني اقدر اغير المسارات لإني حجزي كان عرض مخفض من الخطوط السعوديه ...
ممكن اغير سير الرحله بس ودي يكون الختاام بديفون.. وعشان تكون بالصوره انا اقلاعي لجنيف يوم 25 مايو الساعه4 فجرا والعوده 5 يونيو عصرا
طيب وش رايك لو خليتها كذا
1- جنيف يوم واحد
2- ميلانو يومين.. بواسطة القطار
3-العوده من ميلانو والذهاب لانترلاكن مباشره والاقامه 4 هناك
4-الذهاب لديفون والاقامه هناك ه ايام
ابيك رايك فيها انت وباقي الاعضاء الله لايهينكم إذا اوكي او اغيرها على حسب ماتشوفونه لإني بصراحه استنير بمعلوماتكم القيمه وخبراتكم المثريه

12 يوم أنسب تقسيم لها
5 أيام انترلاكن
ميلانو يومين
5 أيام ديفون
حاول تنام في الطائرة وأول ماتوصل استلم سيارتك
امسك الخط السريع
فك شباك السيارة
وقتها ممكن تسوق الف كيلو بدون ملل
على بال ماتوصل انترلاكن (ساعتين و40 دقيقة اذا مشيت بسرعة 120كم )
يكون موعد استلام الغرفة الساعة 2 الظهر قد حان
استلمها صل الظهر و العصر
حط راسك ونام
مع اني مجربها ما يجيك النوم (انزل واتجه للمطل هارد كولوم) خلف البيوروفاج
بالضبط نفس الشعور حق آخر يوم امتحانات
بالتوفيق