مبروك عليكم العشر المباركة و تقبل منا ومنكم صالح الاعمال
الله يبارك فيك و يتقبل من الجميع
ابي منكم لو سمحتوا تعطوني برنامج نقدر فيه نزور اهم معالم دبي السياحية مع ارقام شقق و اسعارها
بالنسبة للبرنامج، و السكن فصفحة التقارير و المواضيع المثبتة هي أفضل مكان لها، و هذا الرابط قد يساعدك بالتعرف على أهم المعالم موزعة على الخارطة
https://artravelers.com/p/re/421141
وكم تتوقعون الميزانية المطلوبه شاملة الشقة والمواصلات و المعيشة و التمشية
متوسط أسعار الشقق حوالي 500 - 700 درهم، أما المواصلات فتعتمد على وسيلتها، فلو استأجرتم سيارة خاصة، فستتراوح تكلفتها بحوالي 150 درهم/يوم.
بالنسبة للمعيشة و التمشية، فأتوقع بأنها لن تقل عن 100 - 150 درهم/يوم للشخص الواحد.

الله يبارك فيك ويتقبل من الجميع
اخوي خذ الموضوعين هاذولا وان شاء الله انك تاخذ كفايتك من المعلومات منهم
https://artravelers.com/p/re/279407
واتوقع 3000 ريال كافية للشخص الواحد بالهدايا بدون التذاكر اذا بطيارة
وموفق خير ان شاء الله

هلا اخوي
والله يبارك فيك والله يتقبل من الجميع صالح الاعمال
اخوي بالنسبه للسكن فيه فندق بولمان الامارات مول بيفتح الحين قبل العيد
شفت اسعارهم في موقع بوكنق على 1605 درهم للاربع ايام يعني لو تقسمون المبلغ عليكم بيكون ب535 بس ها لشخصين
واذا بغيت شقق ام شفت هالفندق صورهم حلوه
Topaz Living Courts
وفيه شقة غرفتين نوم وصاله ومطبخ وحمامين على 1797 درهم للاربع ايام يعني كل واحد يدفع 599
واجرو سياره على 160 فاليوم يعني 640 درهم في اربع ايام وكل واحد يدفع 213درهم
تطلع حسبت كل واحد فيكم بيصرف على السكن والسياره 813 درهم واذا مابغيتو تأجرون سياره بتوفرون لان فيه عدة طرق مريحه للمواصلات من تكاسي او المترو او الباص.
انا اشوف ان لو كل واحد ياخذ وياه مصروف3500 بيكون وايد زين..
وبالنسبه للاماكن السياحيه
دبي مول + صالة التزلج+ الاكواريوم+ النافورة الراقصه+ زيارة برج خليفه
الامارات مول +سكاي دبي
مدينة الالعاب المائيه الويلدوادي + التمشي في اتلانتس جزيرة النخلة+ الممشى في جميرا بيتش ريزدنت
دبي فيستيفال ستي +مردف ستي سنتر (مدينة الالعاب عندهم روعه)

بعد شوف عروض عرب لينك
http://www.arablinkdubai.com/packagesnew.aspx