1. اخواني نترك الان الكلام الفصيح وندخل في العاميه...

السلام عليكم
اخواني اعضاء منتدى العرب المسافرون لكم مني احر القبلات والتحيات على الفن والابداع الذي اراه في المنتدى من جهود اداريين ومشرفين واعضاء وصلوا وتعدوا مستوى فندق سبع نجوم.
بالحقيقه هذا اول موضوع اكتبه بالمنتدى لانني بصراحه محتار جدا عن الفنادق التي سوف اختارها في سفري الى ماليزيا لانها اول سفره لي.

اخواني نترك الان الكلام الفصيح وندخل في العاميه...

حبايبي والله ما ادري وش اسوي ابي اروح تقريبا اسبوعين لماليزيا يمكن تزود يومين او تنقص يومين، المهم ابي منكم تختارون لي فنادق في كوالالمبور و بينانج و لنكاوي واذا كان فيه مدينه رابعه ما قد جربتونا علموني مكانها علشان اكون الضحيه واعلمكم عن اجوائها، مع العلم اني افكر في ثلاث مدن ولا تكثر يعني يكون برنامجي لاسبوعين كالتالي:
اول ما اصل الى كوالالمبور اجلس فيها ليلتين وبعدين اروح لبينانج اربع ليالي وبعدين الى لنكاوي اربع ليالي وبعدين ارجع كوالالمبور ليله او ليلتين وبعدها ارجع للسعوديه ان شاء الله.
للتنويه راح اسافر ان شاء الله بعد 9 اغسطس الى نهايه الشهر.
حبايبي اللي ابيه منكم افضل الفنادق تكون لاثنين اصدقاء يبون يتمشون في ماليزيا لاول مره ويبون بالعربي تغيير الجو عن العج اللي جانا بالشرقيه هذا الاسبوع.
اتمنى يا اخواني ما تختارون فنادق خمس نجوم غاليه ابيها اربع نجوم واللي سمعته اربع نجوم في ماليزيا كانها خمس نجوم بالسعوديه.
اتمنى ما تحيروني لاني ما احب اشوف ردود كثيره واحتار بعدين خاص اذا جاء اثنين وكل واحد ينصحني في مكان معين.
اتمنى ما تردوني ..انتظر الرد