بمدريد انصحك بهاليومين تركب الباص السياحي
لاتفكر بغيره
يوديك كل مكان وتشوف البلد كامله خلال يومين
اي معلم يعجبك تنزل فيه وتشوفه وتصوره وترجع للباص (كل ربع ساعه يجي باص للمحطه اللي نزلت فيها وتكمل الرحله بنفس التذكره)
في ملقا فاتنت تحتاج تستأجر سياره تروح فيها لماربيا يوم + قصر الحمراء بغرناطه يوم + تزور مدن قريبه مثل فنخرويلا وميخاس وتقضي يوم في ملقا

جزاك الله خير ماقصرت
لكن بالنسبه للباص السياحي من وين اشتري تذكرته وبكم؟
وكم المسافه بين مدريد وملقا؟
وشكراً لك يالغالي

اخوي مزاجي الله يخليك انا مسافر بكره ما عندي وقت بليز وين افضل الاماكن السياحيه اللي ممكن ازورها في المدن اللي ذكرتها ماربيا و غرناطه وملقا وفنخرويلا وميخاس؟
لان المده اربع ايام فقط وابي استغلها وشكرا

تذاكر الباص السياحي سعرها 20 يورو للشخص لمدة يوم او بسعر 24 يورو لمدة يومين وتقدر تقصها اون لاين من الانترنت وممكن تقصها من الباص مباشره او تشتريها من احد الكشكات في الساحات المشهوره ولكن سعرها بيكون اغلى وهو ينطلق الساعه 9 صباحا حتى 10 مسائا وله محطات كثيره للتوقف تقريبا عند كل معلم سياحي وله خريطة يمشي عليها وله مسارين موضحين في الخريطة باللون الاحمر والازرق وممكن يكون له محطة توقف قريبه من فندق (لكني ما اعرف انت وين ساكن ) وافضل طريقه انك تقصها من الانترنت وتسأل فندقك عن اقرب محطة توقف للباص وهذا موقع تستطيع حجز تذكره من خلاله http://www.madrid-tourist-guide.com/en/tour/madrid-tour-bus.htmlالمسافه بين مدريد وملقا 6 ساعات بالسياره وبالقطار السريع ساعتين ونصف وسعر التذكره الان 90 يورو (السعر يكون ارخص اذا تم الحجز قبل السفر بفتره ) والسياره يفضل حجزها من محطة قطار ملقا وملقا تبعد عن ماربيا تقريبا ساعة الاربع وفنخرولا Fuengirola تقع بينهما (تصلح لمن معه عائله واطفال ) وهي عبارة عن كورنيش جميل وفيه العاب للاطفال طبعا اجمل شيء من وجهة نظري هو السنتر حق ملقا اعجبني كثيرا وغرناطه (القصر الاحمر) تبعد ساعتين بالسياره عن ملقا او ماربيا تقدر تروح لها بالسياره واذا لم يكن معك سياره فهناك رحلات يوميه تنظمها معظم الفنادق وهناك التلفريك القريب من فنخرولا هذا بالاضافة الى ماربيا والبورت بانس ويفترض ان تكون رحلتك مرتبه بشكل افضل خصوصا حجوزات القطار او السياره ومعرفه المسافات اتمنى لك رحلة موفقه