ما شاء الله العدد كبير وسوف اجيب على بعض الاسئله التي تحضرني اجابتها واما الباقي فلاحقا اذا اسعفني الوقت بالنسبه للقطار من باريس الى جنيف نعم يوجد قطار مباشر وسريع وبدون تغيير والمده 3 ساعات وسعر التذكره 11 شخص 528 يورو في حال تم الحجز من الان بالنسبه للسياره التنقل طبعا اسهل واذا قررت تستأجر سياره فخلها من يوم توصل جنيف ولكن ستواجه صعوبه في الحصول على سياره 12 مقعد

الاطفال صغار يعني قول السياره ل 9 وياليت اعرف الحل الاوفر والافضل
اتمنى التفاعل من باقي الاعضاء

العنود 88
ما فيه شيء اسمه صغير وكبير عندهم كل طفل لازم له مقعد ويربط حزام امان ويستخدم كراسي للاطفال كلن حسب عمره تطلب مع استئجار السياره اي شيء غير كذا يعتبر مخالفه وربما تمنعكم الشرطه من استخدام السياره اذا اكتشفوا بأن الاطفال ليس لهم مقاعد ولكن اذا كان هناك شخصين يستطيعون القياده فستنحل المشكله وتصبح سهله وذلك بأستئجار سيارتين فهي اوفر من سياره كبيره 12 راكب

طيب واتمنى الرد على استفساراتي الثانيه ايضاً

المشكله يا العنود ان استفساراتك الاخرى جميعها تدور حول السياره بالنسبه للانتقال من جنيف الى انترلاكن بالقطار يستغرق ساعتين و40 دقيقه مع تبديل واحد للقطار
اما الانتقال من انترلاكن الى زل امسي بالقطار فهو متعب ومرهق وشبه مستحيل خصوصا لعائله مثلكم لانه يستغرق تقريبا 9 ساعات مع تبديل القطار 4 مرات بصراحه انا تعبت وانا اصرخ في المنتدى بعدم الجمع بين النمساء وسويسرا او الجمع بين النمساء وايطاليا لكن مدري من اللي يرسم للناس هالبرنامج المرهق ؟؟؟!!!! وهذي رسالة اتمنى توصل للمسئول الاول بحيث يحذر من مثل هالبرنامج فهو لا يناسب الا فئه خاصه من الناس (عائله خفيفه وعفشهم قليل او معهم سياره ومع السياره يكون لديهم وقت كافي لتخصيص ليلة او ليلتين في منطقه بالمنتصف ) اذا قدرتوا تغيرون الحجز اقدر اقترح لك برامج افضل بكثير من البرنامج هذا خصوصا ان زل امسي لا تتميز عن انترلاكن بشيء اسف لاني صدمتك بالاجابه لكن ما ودي تتعبون وتتمرمطون ابحث لكم عن الاسهل عموما لكي تنحل المشكله لازم تبحثين في البدايه عن وسيلة نقل الى زل امسي غير القطار

طيب عطني اقتراحاتك وضبط لي الجدول من الالف الى الياء

اختي هل تستطيعون تغيير الحجز ام لاء واذا كانت الاجابه بلاء هل يمكن ان يكون في العائله شخصين يستطيعون القياده العمر فوق 18 سنه ؟

اي في شخصين بس قيمة استأجارالسيارات مبالغ فيها انا كنت بأجر فقط من انترلاكن الى زيلامسي والباقي قطارات

واقدر اغير التذاكر بس الوصول لازم فرنسا بس الرجعه ممكن اغيرها