السلام عليكم ورحمة الله وبركاته
اخواني اخواتي اعضاء المنتدى الكرام
سجلت بالمنتدى لطلب المساعده منكم لوجود خبره لديكم كافيه
وان شاء الله احصل كل ما ابحث عنه عندكم ندخل بالموضوع
انا بصراحه اسناني معدومه كامله وتقولون بيت طين مهدوم
رحت اتمشا بالعيادات بالرياض وكل عياده ادخلها اللي يقولي 40 الف واللي يقولي 30 الف
واللي يقولي 50 الف مدري وش يحسون فيه على المبالغه بالاسعار المهم صليت العصر اليوم
وسويت الشاهي وشغلت العم قوقل وبحث عن الاسنان وحصلت العالم كلهم يتكلمون عن الفلبين
وعن اسعارهم وشغلهم النظيف والاسعار المعقوله لاكن واجهة مشكله المواضيع كلها من عام 2007 واقدم
ونا بصراحه لا افقه اي شي بالفلبين وماكد مشيت لها فأطلب منكم مساعدتي من ذوي الخبره علما بأن
خطتي للسفر ان شاء الله في منتصف شهر 5 او منتصف شهر 6 بالكثير بالتاريخ الهجري
بالاشياء التاليه :-
1- افضل عياده للاسنان في مانيلا ( من ناحية النظافه واتقان العمل والاسعار )
2- معرف وين اسكن انصحوني بسكن
3- هل اخذ فلوسي كاش معي من هنا ولا كيف الطريقه
4- ابي من اوصل للمطار لحد مارجع له وش اسوي
ولكم جزيل الشكر ( وربي يجزاكم خير )
بنتظار ردودكم